भावलिङ्गपूजनं ऋषिगौतमप्रोक्तम् Rishigautamaproktam Bhavalingapujanam

विश्वासो यत्र भक्तस्य यत्र पूज्यत्वधीरपि ।तदेव लिङ्गं तत्पूज्यं सर्वसिद्धिप्रदं भवेत् ॥ १॥

viśvāso yatra bhaktasya yatra pūjyatvadhīrapi |tadeva liṅgaṃ tatpūjyaṃ sarvasiddhipradaṃ bhavet || 1||

यदेव लिङ्गसम्बन्धघनचन्दनगोलकैः ।तत्रार्पितं बिल्वपत्रं भुक्तिमुक्तिप्रदं न किम् ॥ २॥

yadeva liṅgasambandhaghanacandanagolakaiḥ |tatrārpitaṃ bilvapatraṃ bhuktimuktipradaṃ na kim || 2||

अनुलिप्तं चन्दनाद्यैः लिङ्गमभ्यर्चयेदिति ।श्रुतिश्चन्दनसम्बन्धं न दूरीकर्तुमिच्छति ॥ ३॥

anuliptaṃ candanādyaiḥ liṅgamabhyarcayediti |śrutiścandanasambandhaṃ na dūrīkartumicchati || 3||

समर्पितेषु पुष्पेषु पुनः पुष्पसमर्पणम् ।पुष्पेषु क्रियते तेषु पुनः पुष्पसमर्पणम् ॥ ४॥

samarpiteṣu puṣpeṣu punaḥ puṣpasamarpaṇam |puṣpeṣu kriyate teṣu punaḥ puṣpasamarpaṇam || 4||

भावलिङ्गं तु भावेन शुद्धभावेन निर्मितम् ।तत्रार्चनं कृतं तेन स्वसिद्।ह्ध्यै तद्भविष्यति ॥ ५॥

bhāvaliṅgaṃ tu bhāvena śuddhabhāvena nirmitam |tatrārcanaṃ kṛtaṃ tena svasid|hdhyai tadbhaviṣyati || 5||

ततस्तद्भावलिङ्गस्य भावपूर्वार्चनेन तु ।भवत्येव महद्भाग्यं स्वस्वभावानुरोधतः ॥ ६॥

tatastadbhāvaliṅgasya bhāvapūrvārcanena tu |bhavatyeva mahadbhāgyaṃ svasvabhāvānurodhataḥ || 6||

तद्भावलिङ्गे दृष्टेऽपि तुष्टिर्वृष्टिर्भविष्यति ।पुष्टिर्वृष्टिश्च तेनैव शुभवृद्धिर्भविष्यति ॥ ७॥

tadbhāvaliṅge dṛṣṭe'pi tuṣṭirvṛṣṭirbhaviṣyati |puṣṭirvṛṣṭiśca tenaiva śubhavṛddhirbhaviṣyati || 7||

अयं तीर्थश्वरस्तत्र भावलिङ्गे मनोहरे ।तत्कृतं पूजनं सर्वं स्वीकरिष्यति सादरम् ॥ ८॥

ayaṃ tīrthaśvarastatra bhāvaliṅge manohare |tatkṛtaṃ pūjanaṃ sarvaṃ svīkariṣyati sādaram || 8||

तीर्थेश्वरलिङ्गनिर्माल्यं चन्दनं च समर्पितम् ।ददाति सिद्धिं तल्लिङ्गं तीर्थेशाधिष्ठितं यतः ॥ ९॥

tīrtheśvaraliṅganirmālyaṃ candanaṃ ca samarpitam |dadāti siddhiṃ talliṅgaṃ tīrtheśādhiṣṭhitaṃ yataḥ || 9||

तीर्थेश्वराभिमानस्तु स्वनिर्माल्येष्वविच्युतः ।ततस्तदभिमानस्य निलयं लिङ्गमुत्तमम् ॥ १०॥

tīrtheśvarābhimānastu svanirmālyeṣvavicyutaḥ |tatastadabhimānasya nilayaṃ liṅgamuttamam || 10||

अस्य देवाधिदेवस्य तीर्थशस्यावलोकनात् ।स्मरणादपि सिद्धयन्ति फलानि विविधान्यपि ॥ ११॥

asya devādhidevasya tīrthaśasyāvalokanāt |smaraṇādapi siddhayanti phalāni vividhānyapi || 11||

तीर्थेशनिकटे यत्तु तीर्थं पापविनाशनम् ।तदीक्षणात् पापनाशः स्नानात् सिद्धिमवाप्नुयात् ॥ १२॥

tīrtheśanikaṭe yattu tīrthaṃ pāpavināśanam |tadīkṣaṇāt pāpanāśaḥ snānāt siddhimavāpnuyāt || 12||

तत्तीरे यस्तनुत्यागं तीर्थेशस्मरणोत्सुकः ।करिष्यति स पुण्यात्मा याति तीर्थेशरूपताम् ॥ १३॥

tattīre yastanutyāgaṃ tīrtheśasmaraṇotsukaḥ |kariṣyati sa puṇyātmā yāti tīrtheśarūpatām || 13||

इदे पाशुपतस्थानं महापाशुपताश्रितम् ।तत्राधिकारः शैवानां वासो नान्यस्य सर्वथा ॥ १४॥

ide pāśupatasthānaṃ mahāpāśupatāśritam |tatrādhikāraḥ śaivānāṃ vāso nānyasya sarvathā || 14||

अत्र पाशुपते मुक्तिः प्राप्ता पूव महात्मभिः ।अग्रेऽपि मुक्तिः प्राप्तव्या महापाशुपतैरिह ॥ १५॥

atra pāśupate muktiḥ prāptā pūva mahātmabhiḥ |agre'pi muktiḥ prāptavyā mahāpāśupatairiha || 15||

॥ इति शिवरहस्यान्तर्गते ऋषिगौतमप्रोक्तं भावलिङ्गपूजनं सम्पूर्णम् ॥॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः ३७। ३१७ ॥

|| iti śivarahasyāntargate ṛṣigautamaproktaṃ bhāvaliṅgapūjanaṃ sampūrṇam |||| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 37| 317 ||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः ३७। ३-१७ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 37| 3-17 ||