आरती भगवान गङ्गाधर Arati Bhagavana Ga.ngadhara

ॐ जय गंगाधर जय हर जय गिरिजाधीशा ।त्वं मां पालय नित्यं कृपया जगदीशा ॥हर हर हर महादेव ॥ १॥

oṃ jaya gaṃgādhara jaya hara jaya girijādhīśā |tvaṃ māṃ pālaya nityaṃ kṛpayā jagadīśā ||hara hara hara mahādeva || 1||

कैलासे गिरिशिखरे कल्पद्रुमविपिने ।गुञ्जति मधुकरपुञ्जे कुञ्जवने गहने ॥कोकिलकूजित खेलत हंसावन ललिता ।रचयति कलाकलापं नृत्यति मुदसहिता ॥हर हर हर महादेव ॥ २॥

kailāse giriśikhare kalpadrumavipine |guñjati madhukarapuñje kuñjavane gahane ||kokilakūjita khelata haṃsāvana lalitā |racayati kalākalāpaṃ nṛtyati mudasahitā ||hara hara hara mahādeva || 2||

तस्मिल्ललितसुदेशे शाला मणिरचिता ।तन्मध्ये हरनिकटे गौरी मुदसहिता ॥क्रीडा रचयति भूषारञ्जित निजमीशम् ।इन्द्रादिक सुर सेवत नामयते शीशम् ॥हर हर हर महादेव ॥ ३॥

tasmillalitasudeśe śālā maṇiracitā |tanmadhye haranikaṭe gaurī mudasahitā ||krīḍā racayati bhūṣārañjita nijamīśam |indrādika sura sevata nāmayate śīśam ||hara hara hara mahādeva || 3||

बिबुधबधू बहु नृत्यत हृदये मुदसहिता ।किन्नर गायन कुरुते सप्त स्वर सहिता ॥धिनकत थै थै धिनकत मृदङ् वादयते ।क्वण क्वण ललिता वेणुं मधुरं नाटयते ॥हर हर हर महादेव ॥ ४॥

bibudhabadhū bahu nṛtyata hṛdaye mudasahitā |kinnara gāyana kurute sapta svara sahitā ||dhinakata thai thai dhinakata mṛdaṅ vādayate |kvaṇa kvaṇa lalitā veṇuṃ madhuraṃ nāṭayate ||hara hara hara mahādeva || 4||

रुण रुण चरणे रचयति नूपुरमुज्ज्चलिता ।चक्रावर्ते भ्रमयति कुरुते तां धिक ताम् ॥तां तां लुप चुप तां तां डमरू वादयते ।अंगुष्ठांगुलिनादं लासकतां कुरुते ॥हर हर हर महादेव ॥ ५॥

ruṇa ruṇa caraṇe racayati nūpuramujjcalitā |cakrāvarte bhramayati kurute tāṃ dhika tām ||tāṃ tāṃ lupa cupa tāṃ tāṃ ḍamarū vādayate |aṃguṣṭhāṃgulinādaṃ lāsakatāṃ kurute ||hara hara hara mahādeva || 5||

कर्पूरद्युतिगौरं पञ्चाननसहितम् ।त्रिनयनशशिधरमौलिं विषधरकण्ठयुतम् ॥सुन्दरजटाकलापं पावकयुतभालम् ।डमरुत्रिशूलपिनाकं करधृतनृकपालम् ॥हर हर हर महादेव ॥ ६॥

karpūradyutigauraṃ pañcānanasahitam |trinayanaśaśidharamauliṃ viṣadharakaṇṭhayutam ||sundarajaṭākalāpaṃ pāvakayutabhālam |ḍamarutriśūlapinākaṃ karadhṛtanṛkapālam ||hara hara hara mahādeva || 6||

मुण्डै रचयति माला पन्नगमुपवीतम् ।वामविभागे गिरिजारूपं अतिललितम् ॥सुन्दरसकलशरीरे कृतभस्माभरणम् ।इति वृषभध्वजरूपं तापत्रयहरणम् ॥हर हर हर महादेव ॥ ७॥

muṇḍai racayati mālā pannagamupavītam |vāmavibhāge girijārūpaṃ atilalitam ||sundarasakalaśarīre kṛtabhasmābharaṇam |iti vṛṣabhadhvajarūpaṃ tāpatrayaharaṇam ||hara hara hara mahādeva || 7||

शङ्खनिनादं कृत्वा झल्लरि नादयते ।नीराजयते ब्रह्मा वेदकऋचां पठते ॥अतिमृदुचरणसरोजं हृत्कमले धृत्वा ।अवलोकयति महेशं ईशं अभिनत्वा ॥हर हर हर महादेव ॥ ८॥

śaṅkhaninādaṃ kṛtvā jhallari nādayate |nīrājayate brahmā vedakaṛcāṃ paṭhate ||atimṛducaraṇasarojaṃ hṛtkamale dhṛtvā |avalokayati maheśaṃ īśaṃ abhinatvā ||hara hara hara mahādeva || 8||

ध्यानं आरति समये हृदये अति कृत्वा ।रामस्त्रिजटानाथं ईशं अभिनत्वा ॥संगतिमेवं प्रतिदिन पठनं यः कुरुते ।शिवसायुज्यं गच्छति भक्त्या यः शृणुते ॥हर हर हर महादेव ॥ ९॥

dhyānaṃ ārati samaye hṛdaye ati kṛtvā |rāmastrijaṭānāthaṃ īśaṃ abhinatvā ||saṃgatimevaṃ pratidina paṭhanaṃ yaḥ kurute |śivasāyujyaṃ gacchati bhaktyā yaḥ śṛṇute ||hara hara hara mahādeva || 9||