शबरीश्वराष्टकम् शनिबाधाविमोचन Shri Shanibadha Vimochana Shabarishvara Ashtakam

शनिबाधाविनाशाय घोरसन्तापहारिणे ।कानकालयवासाय भूतनाथाय ते नमः ॥ १॥

śanibādhāvināśāya ghorasantāpahāriṇe |kānakālayavāsāya bhūtanāthāya te namaḥ || 1||

दारिद्र्यजातान्रोगऽतीन्बुद्धिमान्द्यादि सङ्कटान् ।क्षिप्रं नाशाय हे देवा शनिबाधाविनाशक ॥ २॥

dāridryajātānroga'tīnbuddhimāndyādi saṅkaṭān |kṣipraṃ nāśāya he devā śanibādhāvināśaka || 2||

भूतबाधामहा दुःखमध्यवर्तिनमीशमाम् ।पालय त्वं महाबाहो सर्वदुःखविनाशक ॥ ३॥

bhūtabādhāmahā duḥkhamadhyavartinamīśamām |pālaya tvaṃ mahābāho sarvaduḥkhavināśaka || 3||

अवाच्यानि महादुःखान्यमेयानि निरन्तरम् ।सम्भवन्ति दुरन्तानि तानि नाशय मे प्रभो ॥ ४॥

avācyāni mahāduḥkhānyameyāni nirantaram |sambhavanti durantāni tāni nāśaya me prabho || 4||

मायामोहान्यनन्तानि सर्वाणि करुणाकर ।दूरीकुरु सदा भक्तहृदयानन्ददायक ॥ ५॥

māyāmohānyanantāni sarvāṇi karuṇākara |dūrīkuru sadā bhaktahṛdayānandadāyaka || 5||

अनेकजन्म सम्भूतान्तापपापान्गुहेश्वर ।चूर्णीकुरु कृपासिन्धोसिन्धुजाकान्त सन्तते ॥ ६॥

anekajanma sambhūtāntāpapāpānguheśvara |cūrṇīkuru kṛpāsindhosindhujākānta santate || 6||

उन्मत्तोत्भूत सन्तापकान् कृपान् महेश्वर ।हस्तावलम्बं दत्वं मां रक्ष रक्ष शनैश्चर ॥ ७॥

unmattotbhūta santāpakān kṛpān maheśvara |hastāvalambaṃ datvaṃ māṃ rakṣa rakṣa śanaiścara || 7||

देहि मे बुद्धिवैशिष्ट्यं देहि मे नित्ययौवनम् ।देहि मे परमानन्दं देव देव जगत्पते ॥ ८॥

dehi me buddhivaiśiṣṭyaṃ dehi me nityayauvanam |dehi me paramānandaṃ deva deva jagatpate || 8||

इति श्रीशनिबाधा विमोचन शबरीश्वराष्टकं सम्पूर्णम् ।

iti śrīśanibādhā vimocana śabarīśvarāṣṭakaṃ sampūrṇam |