राहु अष्टोत्तरशतनामस्तोत्रम् Shri Rahu Ashtottarashatanama Stotram

राहु बीज मन्त्र ॐ भ्राँ भ्रीं भ्रौं सः राहवे नमः ॥शृणु नामानि राहोश्च सैंहिकेयो विधुन्तुदः ।सुरशत्रुस्तमश्चैव फणी गार्ग्यायणस्तथा ॥ १॥ फणिर्गार्ग्यायनस्तथा

rāhu bīja mantra oṃ bhrām̐ bhrīṃ bhrauṃ saḥ rāhave namaḥ ||śṛṇu nāmāni rāhośca saiṃhikeyo vidhuntudaḥ |suraśatrustamaścaiva phaṇī gārgyāyaṇastathā || 1|| phaṇirgārgyāyanastathā

सुरागुर्नीलजीमूतसङ्काशश्च चतुर्भुजः । सुरारिर्नीलखड्गखेटकधारी च वरदायकहस्तकः ॥ २॥

surāgurnīlajīmūtasaṅkāśaśca caturbhujaḥ | surārirnīlakhaḍgakheṭakadhārī ca varadāyakahastakaḥ || 2||

शूलायुधो मेघवर्णः कृष्णध्वजपताकावान् । वर्णो पताकवान्दक्षिणाशामुखरतः तीक्ष्णदंष्ट्रधराय च ॥ ३॥ दंष्ट्राकरालकः

śūlāyudho meghavarṇaḥ kṛṣṇadhvajapatākāvān | varṇo patākavāndakṣiṇāśāmukharataḥ tīkṣṇadaṃṣṭradharāya ca || 3|| daṃṣṭrākarālakaḥ

शूर्पाकारासनस्थश्च गोमेदाभरणप्रियः ।माषप्रियः कश्यपर्षिनन्दनो भुजगेश्वरः ॥ ४॥ काश्यप

śūrpākārāsanasthaśca gomedābharaṇapriyaḥ |māṣapriyaḥ kaśyaparṣinandano bhujageśvaraḥ || 4|| kāśyapa

उल्कापातयिताशुली निधिपः कृष्णसर्पराट् । उल्कापातजनिः शूलीविषज्वलावृतास्योऽर्धशरीरो जाद्यसम्प्रदः ॥ ५॥ शात्रवप्रदः

ulkāpātayitāśulī nidhipaḥ kṛṣṇasarparāṭ | ulkāpātajaniḥ śūlīviṣajvalāvṛtāsyo'rdhaśarīro jādyasampradaḥ || 5|| śātravapradaḥ

रवीन्दुभीकरश्छायास्वरूपी कठिनाङ्गकः ।द्विषच्चक्रच्छेदकोऽथ करालास्यो भयङ्करः ॥ ६॥

ravīndubhīkaraśchāyāsvarūpī kaṭhināṅgakaḥ |dviṣaccakracchedako'tha karālāsyo bhayaṅkaraḥ || 6||

क्रूरकर्मा तमोरूपः श्यामात्मा नीललोहितः ।किरीटी नीलवसनः शनिसामन्तवर्त्मगः ॥ ७॥

krūrakarmā tamorūpaḥ śyāmātmā nīlalohitaḥ |kirīṭī nīlavasanaḥ śanisāmantavartmagaḥ || 7||

चाण्डालवर्णोऽथाश्व्यर्क्षभवो मेषभवस्तथा ।शनिवत्फलदः शूरोऽपसव्यगतिरेव च ॥ ८॥

cāṇḍālavarṇo'thāśvyarkṣabhavo meṣabhavastathā |śanivatphaladaḥ śūro'pasavyagatireva ca || 8||

उपरागकरस्सूर्यहिमांषुच्छविहारकः ।वर् उपरागकरस्सोम सूर्यच्छवि विमर्दकःनीलपुष्पविहारश्च ग्रहश्रेष्ठोऽष्टमग्रहः ॥ ९॥

uparāgakarassūryahimāṃṣucchavihārakaḥ |var uparāgakarassoma sūryacchavi vimardakaḥnīlapuṣpavihāraśca grahaśreṣṭho'ṣṭamagrahaḥ || 9||

कबन्धमात्रदेहश्च यातुधानकुलोद्भवः ।गोविन्दवरपात्रं च देवजातिप्रविष्टकः ॥ १०॥

kabandhamātradehaśca yātudhānakulodbhavaḥ |govindavarapātraṃ ca devajātipraviṣṭakaḥ || 10||

क्रूरो घोरः शनेर्मित्रं शुक्रमित्रमगोचरः ।मानेगङ्गास्नानदाता स्वगृहे प्रबलाढ्यकः ॥ ११॥

krūro ghoraḥ śanermitraṃ śukramitramagocaraḥ |mānegaṅgāsnānadātā svagṛhe prabalāḍhyakaḥ || 11||

सद्गृहेऽन्यबलधृच्चतुर्थे मातृनाशकः ।चन्द्रयुक्ते तु चण्डालजन्मसूचक एव तु ॥ १२॥

sadgṛhe'nyabaladhṛccaturthe mātṛnāśakaḥ |candrayukte tu caṇḍālajanmasūcaka eva tu || 12||

जन्मसिंहे राज्यदाता महाकायस्तथैव च ।जन्मकर्ता विधुरिपु मत्तकोज्ञानदश्च सः ॥ १३॥

janmasiṃhe rājyadātā mahākāyastathaiva ca |janmakartā vidhuripu mattakojñānadaśca saḥ || 13||

जन्मकन्याराज्यदाता जन्महानिद एव च ।नवमे पितृहन्ता च पञ्चमे शोकदायकः ॥ १४॥

janmakanyārājyadātā janmahānida eva ca |navame pitṛhantā ca pañcame śokadāyakaḥ || 14||

द्यूने कळत्रहन्ता च सप्तमे कलहप्रदः ।षष्ठे तु वित्तदाता च चतुर्थे वैरदायकः ॥ १५॥

dyūne kaḷatrahantā ca saptame kalahapradaḥ |ṣaṣṭhe tu vittadātā ca caturthe vairadāyakaḥ || 15||

नवमे पापदाता च दशमे शोकदायकः ।आदौ यशःप्रदाता च अन्ते वैरप्रदायकः ॥ १६॥

navame pāpadātā ca daśame śokadāyakaḥ |ādau yaśaḥpradātā ca ante vairapradāyakaḥ || 16||

कालात्मा गोचराचारो धने चास्य ककुत्प्रदः ।पञ्चमे धिषणाशृङ्गदः स्वर्भानुर्बली तथा ॥ १७॥

kālātmā gocarācāro dhane cāsya kakutpradaḥ |pañcame dhiṣaṇāśṛṅgadaḥ svarbhānurbalī tathā || 17||

महासौख्यप्रदायी च चन्द्रवैरी च शाश्वतः ।सुरशत्रुः पापग्रहः शाम्भवः पूज्यकस्तथा ॥ १८॥

mahāsaukhyapradāyī ca candravairī ca śāśvataḥ |suraśatruḥ pāpagrahaḥ śāmbhavaḥ pūjyakastathā || 18||

पाटीरपूरणश्चाथ पैठीनसकुलोद्भवः ।दीर्घकृष्णोतनुर्विष्णुनेत्रारिर्देवदानवौ ॥ १९॥

pāṭīrapūraṇaścātha paiṭhīnasakulodbhavaḥ |dīrghakṛṣṇotanurviṣṇunetrārirdevadānavau || 19||

भक्तरक्षो राहुमूर्तिः सर्वाभीष्टफलप्रदः ।एतद्राहुग्रहस्योक्तं नाम्नामष्टोत्तरं शतम् ॥ २०॥

bhaktarakṣo rāhumūrtiḥ sarvābhīṣṭaphalapradaḥ |etadrāhugrahasyoktaṃ nāmnāmaṣṭottaraṃ śatam || 20||

श्रद्धया यो जपेन्नित्यं मुच्यते सर्व सङ्कटात् ।सर्वसम्पत्करस्तस्य राहुरिष्टप्रदायकः ॥ २१॥

śraddhayā yo japennityaṃ mucyate sarva saṅkaṭāt |sarvasampatkarastasya rāhuriṣṭapradāyakaḥ || 21||

॥ इति राहु अष्टोत्तरशतनामस्तोत्रं सम्पूर्णम् ॥

|| iti rāhu aṣṭottaraśatanāmastotraṃ sampūrṇam ||