श्रीस्वामिनारायणस्तुतिः (रामकृष्णभाईरचितम्) Ramakrishnabhairachitam Shri Svaminarayana Stuti

सर्गस्थानलयादिकारणमहो कान्तिच्छटा भास्वरंभीतिव्रातहरं वरेण्यविभवं कारुण्यपाथोनिधिम् ।पृथ्वीभारहरं प्रपन्नवरदं तापत्रयोन्मूलकंवन्दे त्वां पुरुषोत्तमं सुखनिधिं श्री स्वामिनारायणम् ॥ १॥

sargasthānalayādikāraṇamaho kānticchaṭā bhāsvaraṃbhītivrātaharaṃ vareṇyavibhavaṃ kāruṇyapāthonidhim |pṛthvībhāraharaṃ prapannavaradaṃ tāpatrayonmūlakaṃvande tvāṃ puruṣottamaṃ sukhanidhiṃ śrī svāminārāyaṇam || 1||

जीवेशाक्षरमुख्यतत्त्वनिचयादूर्ध्वे व्योमनमायासंसृतिबन्धानात् परतरे धान्यक्षरे संस्थितम् ।दिव्ये पीठवरे निजैरनुदिनं मुक्तव्रजैः सेवितंवन्दे त्वां पुरुषोत्तमं सुखनिधिं श्री स्वामिनारायणम् ॥ २॥

jīveśākṣaramukhyatattvanicayādūrdhve vyomanamāyāsaṃsṛtibandhānāt paratare dhānyakṣare saṃsthitam |divye pīṭhavare nijairanudinaṃ muktavrajaiḥ sevitaṃvande tvāṃ puruṣottamaṃ sukhanidhiṃ śrī svāminārāyaṇam || 2||

ब्रह्माण्डाधिपतिं मुनीन्द्रविनुतं वन्दारुवृन्दार्चितंअष्टैश्वर्यविभूषितं वररुचं मुक्तावलीशअष्टाङ्गाहितयोगिसंस्तुतपदं योगीश्वरं मुक्तिदंवन्दे त्वां पुरुषोत्तमं सुखनिधिं श्री स्वामिनारायणम् ॥ ३॥

brahmāṇḍādhipatiṃ munīndravinutaṃ vandāruvṛndārcitaṃaṣṭaiśvaryavibhūṣitaṃ vararucaṃ muktāvalīśaaṣṭāṅgāhitayogisaṃstutapadaṃ yogīśvaraṃ muktidaṃvande tvāṃ puruṣottamaṃ sukhanidhiṃ śrī svāminārāyaṇam || 3||

सम्प्रत्यौद्धवमार्गरक्षणपरं श्रीपञ्चदेवात्मजंभूमानन्दवचोऽमृतैः सकलभूकल्याणदं भूतिदम् ।सत्सङ्गाश्रितवल्लभं प्रतिदिनं भक्तार्चिताङ्घ्रिद्वयंवन्दे त्वां पुरुषोत्तमं सुखनिधिं श्री स्वामिनारायणम् ॥ ४॥

sampratyauddhavamārgarakṣaṇaparaṃ śrīpañcadevātmajaṃbhūmānandavaco'mṛtaiḥ sakalabhūkalyāṇadaṃ bhūtidam |satsaṅgāśritavallabhaṃ pratidinaṃ bhaktārcitāṅghridvayaṃvande tvāṃ puruṣottamaṃ sukhanidhiṃ śrī svāminārāyaṇam || 4||

संसारोत्थितसर्वभीतिशमनं सौभाग्यवारान्निधिंमाङ्गल्याम्बुधिमन्वहं प्रणमतां सत्सङ्गिनां जीवनम् ।ध्यातॄणां सुखहेतवे विदधतं नानाविधं चेष्टितंवन्दे त्वां पुरुषोत्तमं सुखनिधिं श्रीस्वामिनारायणम् ॥ ५॥

saṃsārotthitasarvabhītiśamanaṃ saubhāgyavārānnidhiṃmāṅgalyāmbudhimanvahaṃ praṇamatāṃ satsaṅgināṃ jīvanam |dhyātṝṇāṃ sukhahetave vidadhataṃ nānāvidhaṃ ceṣṭitaṃvande tvāṃ puruṣottamaṃ sukhanidhiṃ śrīsvāminārāyaṇam || 5||

चेतः शान्तिकरं मनोमलहरं पापेभपञ्चाननंभक्तेष्टाभयदं कृपार्द्रहृदयं क्लेशाग्निसंवारकम् ।आधिव्याधिहरं प्रशान्तललितं ज्ञानप्रकर्षप्रदंवन्दे त्वां पुरुषोत्तमं सुखनिधिं श्रीस्वामिनारायणम् ॥ ६॥

cetaḥ śāntikaraṃ manomalaharaṃ pāpebhapañcānanaṃbhakteṣṭābhayadaṃ kṛpārdrahṛdayaṃ kleśāgnisaṃvārakam |ādhivyādhiharaṃ praśāntalalitaṃ jñānaprakarṣapradaṃvande tvāṃ puruṣottamaṃ sukhanidhiṃ śrīsvāminārāyaṇam || 6||

पद्मस्पर्धिकरं प्रसन्नवदनं पादावधूताम्बुजंदीनानुग्रहकातरं मधुमयं सद्भक्तसेवाप्रियंसंसारार्णवपारदं परतरं कष्टार्त्यनिष्टापहंवन्दे त्वां पुरुषोत्तमं सुखनिधिं श्रीस्वामिनारायणम् ॥ ७॥

padmaspardhikaraṃ prasannavadanaṃ pādāvadhūtāmbujaṃdīnānugrahakātaraṃ madhumayaṃ sadbhaktasevāpriyaṃsaṃsārārṇavapāradaṃ parataraṃ kaṣṭārtyaniṣṭāpahaṃvande tvāṃ puruṣottamaṃ sukhanidhiṃ śrīsvāminārāyaṇam || 7||

तमीशं भुवि सेविताङ्घ्रियुगलं सद्भक्तवृन्दैः सदानौमीड्यं परमेष्ठिनं गुणनिधिं श्रीनीलकण्ठं प्रभुम् ।श्रीलं कारणकारणं नरतनुं सौख्यप्रदं स्वामिनंवन्दे त्वां पुरुषोत्तमं सुखनिधिं श्रीस्वामिनारायणम् ॥ ८॥

tamīśaṃ bhuvi sevitāṅghriyugalaṃ sadbhaktavṛndaiḥ sadānaumīḍyaṃ parameṣṭhinaṃ guṇanidhiṃ śrīnīlakaṇṭhaṃ prabhum |śrīlaṃ kāraṇakāraṇaṃ naratanuṃ saukhyapradaṃ svāminaṃvande tvāṃ puruṣottamaṃ sukhanidhiṃ śrīsvāminārāyaṇam || 8||

इति रामकृष्णभाईरचितं श्रीस्वामिनारायणस्तुतिः समाप्ता ।

iti rāmakṛṣṇabhāīracitaṃ śrīsvāminārāyaṇastutiḥ samāptā |