बालगोपालाष्टकम् Balagopala Ashtakam

देव ! त्वदाम्रेडनलम्पटेन दिव्येन निर्व्याजमधुद्रवेणउदीरये किञ्चिदुदञ्चिताभ्यां कर्णाञ्चलाभ्यामवधारयस्व ॥ १॥

deva ! tvadāmreḍanalampaṭena divyena nirvyājamadhudraveṇaudīraye kiñcidudañcitābhyāṃ karṇāñcalābhyāmavadhārayasva || 1||

स्तोकोत्तानं चरणकमलं दक्षिणं बामजङ्घामूलापान्ते मृदुनि दधती मञ्जु मध्यं वहन्ती ।वल्गद्बालाङ्गुलिदरवलद्वक्त्रनेत्राभिरामं (नेत्राभिरामा)वंशीमग्ना वहतु हृदि वो बालगोपालमूर्तिः ॥ २॥

stokottānaṃ caraṇakamalaṃ dakṣiṇaṃ bāmajaṅghāmūlāpānte mṛduni dadhatī mañju madhyaṃ vahantī |valgadbālāṅgulidaravaladvaktranetrābhirāmaṃ (netrābhirāmā)vaṃśīmagnā vahatu hṛdi vo bālagopālamūrtiḥ || 2||

अक्ष्णामक्ष्णाममृतलुलितं हर्षवर्षं दुहानाबाला नीलाञ्जनपरिणतिर्मन्जुळस्मेरवक्त्रा ।अङ्गेष्वङ्गेष्वविरलवहत्कान्तिभारं वहन्तीचेतस्याभिर्भवतु भवतां बालगोपालमूर्तिः ॥ ३॥ (चेतस्याविर्भवतु)

akṣṇāmakṣṇāmamṛtalulitaṃ harṣavarṣaṃ duhānābālā nīlāñjanapariṇatirmanjuḷasmeravaktrā |aṅgeṣvaṅgeṣvaviralavahatkāntibhāraṃ vahantīcetasyābhirbhavatu bhavatāṃ bālagopālamūrtiḥ || 3|| (cetasyāvirbhavatu)

बर्होत्तंसा विपुलनयना मुग्धवक्त्रेन्दुबिम्बाकम्बुग्रीवा करुणहृदया कोमलाजानुबाहुः ।मञ्जन्नाभिर्मृदुलजघना बालपादारविन्दामन्दं मन्दं वहतु हृदि वो बालगोपालमूर्तिः ॥ ४॥

barhottaṃsā vipulanayanā mugdhavaktrendubimbākambugrīvā karuṇahṛdayā komalājānubāhuḥ |mañjannābhirmṛdulajaghanā bālapādāravindāmandaṃ mandaṃ vahatu hṛdi vo bālagopālamūrtiḥ || 4||

भूयो भूयो विसृतभुवनाह्लादलीलाकटाक्षाभूषाभोगव्यतिकरलुठत्पुष्टकान्तिप्रवाहा ।श्रीमद्बर्हाभरणसुभगश्लक्ष्णधम्मल्लभाराचित्ते नित्यं चरतु भवतां बालगोपालमूर्तिः ॥ ५॥

bhūyo bhūyo visṛtabhuvanāhlādalīlākaṭākṣābhūṣābhogavyatikaraluṭhatpuṣṭakāntipravāhā |śrīmadbarhābharaṇasubhagaślakṣṇadhammallabhārācitte nityaṃ caratu bhavatāṃ bālagopālamūrtiḥ || 5||

माधुर्याणामवधिरवधिर्मञ्जुकैशोरभाजांमङ्गल्यानां प्रथमभवनं मङ्गलं मङ्गलानाम् ।वंशीवादव्यसनरसिका विश्वविश्वाननश्रीर्वीचीभारा तरुणयतु वो बालगोपालमूर्तिः ॥ ६॥

mādhuryāṇāmavadhiravadhirmañjukaiśorabhājāṃmaṅgalyānāṃ prathamabhavanaṃ maṅgalaṃ maṅgalānām |vaṃśīvādavyasanarasikā viśvaviśvānanaśrīrvīcībhārā taruṇayatu vo bālagopālamūrtiḥ || 6||

भावेलीलारचिततिलका भङ्गुरभ्रूपताके (भालेलीला)भद्रां मुद्रां किमपि सुभगं विभ्रती विभ्रमाणाम् ।श्रीमद्वंशीवदनवलितैः शीतशीतैरपाङ्गैश्चित्ताभोगं शिशिरयतु वो बालगोपालमूर्तिः ॥ ७॥

bhāvelīlāracitatilakā bhaṅgurabhrūpatāke (bhālelīlā)bhadrāṃ mudrāṃ kimapi subhagaṃ vibhratī vibhramāṇām |śrīmadvaṃśīvadanavalitaiḥ śītaśītairapāṅgaiścittābhogaṃ śiśirayatu vo bālagopālamūrtiḥ || 7||

श्यामश्यामा शिशिरशिशिरापाङ्गमङ्गल्यलीलास्वादुस्वादुः सरससरसस्निग्धमुग्धाननेन्दुः ।स्मेरस्मेरा मधुर मधुरोदार बिम्बाधरोष्ठीमध्येचित्तं वहतु भवतां बालगोपालमूर्तिः ॥ ८।

śyāmaśyāmā śiśiraśiśirāpāṅgamaṅgalyalīlāsvādusvāduḥ sarasasarasasnigdhamugdhānanenduḥ |smerasmerā madhura madhurodāra bimbādharoṣṭhīmadhyecittaṃ vahatu bhavatāṃ bālagopālamūrtiḥ || 8|

धारा भासां तत इत इति प्रस्फुरन्ती समन्तात्सान्द्रानन्दस्तिमितलहरीभङ्गितुङ्गानुभावा ।सेवानम्रत्रिदशपरिषद्दत्तचिसावधानाचेतःपीठीमधिवसतु वो बालगोपालमूर्तिः ॥ ९॥

dhārā bhāsāṃ tata ita iti prasphurantī samantātsāndrānandastimitalaharībhaṅgituṅgānubhāvā |sevānamratridaśapariṣaddattacisāvadhānācetaḥpīṭhīmadhivasatu vo bālagopālamūrtiḥ || 9||

जगदखिलमनोज्ञे बालगोपालवालेकिमपि कुतुकभाजा कृष्णलीलाशुकेन ।विरचितमिति वाचां वीचिमाधुर्यधारापरिमलपरिपाकं भावका भावयन्ताम् ॥ १०॥

jagadakhilamanojñe bālagopālavālekimapi kutukabhājā kṛṣṇalīlāśukena |viracitamiti vācāṃ vīcimādhuryadhārāparimalaparipākaṃ bhāvakā bhāvayantām || 10||

इति श्रीलीलाशुकमुनिविरचितं बालगोपालाष्टकं सम्पूर्णम् ।

iti śrīlīlāśukamuniviracitaṃ bālagopālāṣṭakaṃ sampūrṇam |