गुरुस्तोत्रम् ५ Shrigurustotram (2)

बृहद्विज्ञान परमेश्वरतन्त्रार्गतम्॥ ॐ नमः श्रीनाथाय ॥॥ श्रीमहादेव्युवाच ॥गुरोरर्मन्त्रस्य देवस्य धर्मस्य तस्य एव वा ।विशेषस्तु महादेव! तद् वदस्व दयानिधे ॥॥ श्रीमहादेव उवाच ॥जीवात्मनं परमात्मनं दानं ध्यानं योगो ज्ञानम् ।उत्कलकाशीगङ्गामरणं न गुरोरधिकं न गुरोरधिकम् ॥ १॥

bṛhadvijñāna parameśvaratantrārgatam|| oṃ namaḥ śrīnāthāya |||| śrīmahādevyuvāca ||gurorarmantrasya devasya dharmasya tasya eva vā |viśeṣastu mahādeva! tad vadasva dayānidhe |||| śrīmahādeva uvāca ||jīvātmanaṃ paramātmanaṃ dānaṃ dhyānaṃ yogo jñānam |utkalakāśīgaṅgāmaraṇaṃ na guroradhikaṃ na guroradhikam || 1||

प्राणं देहं गेहं राज्यं स्वर्गं भोगं योगं मुक्तिम् ।भार्यामिष्टं पुत्रं मित्रं न गुरोरधिकं न गुरोरधिकम् ॥ २॥

prāṇaṃ dehaṃ gehaṃ rājyaṃ svargaṃ bhogaṃ yogaṃ muktim |bhāryāmiṣṭaṃ putraṃ mitraṃ na guroradhikaṃ na guroradhikam || 2||

वानप्रस्थं यतिविधधर्मं पारमहंस्यं भिक्षुकचरितम् ।साधोःसेवां बहुसुखभुक्तिं न गुरोरधिकं न गुरोरधिकम्॥ ३॥

vānaprasthaṃ yatividhadharmaṃ pāramahaṃsyaṃ bhikṣukacaritam |sādhoḥsevāṃ bahusukhabhuktiṃ na guroradhikaṃ na guroradhikam|| 3||

विष्णोभक्तिं पूजनरक्तिं वैष्णवसेवां मातरिभक्तिम् ।विष्णोरिव पितृसेवनयोगं न गुरोरधिकं न गुरोरधिकम् ॥ ४॥

viṣṇobhaktiṃ pūjanaraktiṃ vaiṣṇavasevāṃ mātaribhaktim |viṣṇoriva pitṛsevanayogaṃ na guroradhikaṃ na guroradhikam || 4||

प्रत्याहारं चेन्द्रिययजनं प्राणायामं न्यासविधानम् ।इष्टे पूजा जप तपभक्तिर्न न गुरोरधिकं न गुरोरधिकम् ॥ ५॥

pratyāhāraṃ cendriyayajanaṃ prāṇāyāmaṃ nyāsavidhānam |iṣṭe pūjā japa tapabhaktirna na guroradhikaṃ na guroradhikam || 5||

काली दुर्गा कमला भुवना त्रिपुरा भीमा बगला पूर्णा ।श्रीमातङ्गी धूमा तारा न गुरोरधिकं न गुरोरधिकम् ॥ ६॥

kālī durgā kamalā bhuvanā tripurā bhīmā bagalā pūrṇā |śrīmātaṅgī dhūmā tārā na guroradhikaṃ na guroradhikam || 6||

मात्स्यं कौर्मं श्रीवाराहं नरहरिरूपं वामनचरितम् ।नरनारायणचरितं योगं न गुरोरधिकं न गुरोरधिकम् ॥ ७॥

mātsyaṃ kaurmaṃ śrīvārāhaṃ naraharirūpaṃ vāmanacaritam |naranārāyaṇacaritaṃ yogaṃ na guroradhikaṃ na guroradhikam || 7||

श्रीभृगुदेवं श्रीरघुनाथं श्रीयदुनाथं बौद्धं कल्क्यम् ।अवतारा दश वेदविधानं न गुरोरधिकं न गुरोरधिकम् ॥ ८॥

śrībhṛgudevaṃ śrīraghunāthaṃ śrīyadunāthaṃ bauddhaṃ kalkyam |avatārā daśa vedavidhānaṃ na guroradhikaṃ na guroradhikam || 8||

गङ्गा काशी काञ्ची द्वारा मायाऽयोध्याऽवन्ती मथुरा ।यमुना रेवा पुष्करतीर्थं न गुरोरधिकं न गुरोरधिकम् ॥ ९॥

gaṅgā kāśī kāñcī dvārā māyā'yodhyā'vantī mathurā |yamunā revā puṣkaratīrthaṃ na guroradhikaṃ na guroradhikam || 9||

गोकुलगमनं गोपुररमणं श्रीवृन्दावनमधुपुररटनम् ।एतत् सर्वंसुन्दरि! मातर्न गुरोरधिकं न गुरोरधिकम् ॥ १०॥

gokulagamanaṃ gopuraramaṇaṃ śrīvṛndāvanamadhupuraraṭanam |etat sarvaṃsundari! mātarna guroradhikaṃ na guroradhikam || 10||

तुलसीसेवा हरिहरभक्तिः गङ्गासागरसङ्गममुक्तिः ।किमपरमधिकं कृष्णेभक्तिर्न गुरोरधिकं न गुरोरधिकम् ॥ ११॥

tulasīsevā hariharabhaktiḥ gaṅgāsāgarasaṅgamamuktiḥ |kimaparamadhikaṃ kṛṣṇebhaktirna guroradhikaṃ na guroradhikam || 11||

एतत्सोत्रं पठति च नित्यं मोक्षज्ञानी सोऽपि च धन्यम् ।ब्रह्माण्डान्तर्यद्यद्ध्येयं न गुरोरधिकं न गुरोरधिकम् ॥ १२॥

etatsotraṃ paṭhati ca nityaṃ mokṣajñānī so'pi ca dhanyam |brahmāṇḍāntaryadyaddhyeyaṃ na guroradhikaṃ na guroradhikam || 12||

॥ बृहद्विज्ञान परमेश्वरतन्त्रे त्रिपुराशिवसंवादे श्रीगुरोःस्तोत्रम् ॥

|| bṛhadvijñāna parameśvaratantre tripurāśivasaṃvāde śrīguroḥstotram ||