गुरुकवचम् (2) Shrigurukavacham

॥ अथ पुरश्चरणरसोल्लासे ईश्वरदेवीसंवादे श्रीगुरुकवचम् ॥पूर्वपीठिका॥ श्रीईश्वर उवाच ॥शृणु देवि\! प्रवक्ष्यामि गुह्याद्गुह्यतरं महत् ।लोकोपकारकं प्रश्नं न केनापि कृतं पुरा ॥ १॥

|| atha puraścaraṇarasollāse īśvaradevīsaṃvāde śrīgurukavacam ||pūrvapīṭhikā|| śrīīśvara uvāca ||śṛṇu devi\! pravakṣyāmi guhyādguhyataraṃ mahat |lokopakārakaṃ praśnaṃ na kenāpi kṛtaṃ purā || 1||

अद्य प्रभृति कस्यापि न ख्यातं कवचं मया ।देशिकाः बहवः सन्ति मन्त्रसाधनतत्पराः ॥ २॥

adya prabhṛti kasyāpi na khyātaṃ kavacaṃ mayā |deśikāḥ bahavaḥ santi mantrasādhanatatparāḥ || 2||

न तेषां जायते सिद्धिः मन्त्रैर्वा चक्रपूजनैः ।गुरोर्विधानं कवचमज्ञात्वा क्रियते जपः ।वृथाश्रमो भवेत् तस्य न सिद्धिर्मन्त्रपूजनैः ॥ ३॥

na teṣāṃ jāyate siddhiḥ mantrairvā cakrapūjanaiḥ |gurorvidhānaṃ kavacamajñātvā kriyate japaḥ |vṛthāśramo bhavet tasya na siddhirmantrapūjanaiḥ || 3||

गुरुपादं पुरस्कृत्य प्राप्यते कवचं शुभम् ।तदा मन्त्रस्य यन्त्रस्य सिद्धिर्भवति तत्क्षणात् ।सुगोप्यं तु प्रजप्तव्यं न वक्तव्यं वरानने ॥ ४॥

gurupādaṃ puraskṛtya prāpyate kavacaṃ śubham |tadā mantrasya yantrasya siddhirbhavati tatkṣaṇāt |sugopyaṃ tu prajaptavyaṃ na vaktavyaṃ varānane || 4||

॥ सविधि श्रीगुरुकवचस्तोत्रम् ॥विनियोगःॐ नमोऽस्य श्रीगुरुकवचनाममन्त्रस्य परमब्रह्म ऋषिःसर्ववेदानुज्ञो देवदेवो श्री आदिशिवः देवता नमो हसौंहंसः हसक्षमलवरयूं सोऽहं हंसः बीजंसहक्षमलवरयीं शक्तिःहंसः सोऽहं कीलकंसमस्तश्रीगुरुमण्डलप्रीत्यर्थे जपे विनियोगः ।ऋष्यादिन्यासःश्रीपरमब्रह्मर्षये नमः शिरसि । सर्ववेदानुज्ञदेवदेवश्री आदिशिवदेवतायै नमः हृदि । नमः हसौं हंसःहसक्षमलवरयूं सोऽहं हंसः बीजाय नमः गुह्ये ।सहक्षमलवरयीं शक्तये नमः नाभौ । हंसः सोऽहंकीलकाय नमः पादयोः । समस्तश्रीगुरुमण्डलप्रीत्यर्थे जपे विनियोगायनमः अञ्जलौ ।अथ षडङ्गन्यासः ।ॐ हसाम् । ॐ हसीम् । ॐ हसूम् । ॐ हसैम् । ॐ हसौम् । ॐ हसः ।अथ करन्यासः ।ॐ हसां अङ्गुष्ठाभ्यां नमः ।ॐ हसीं तर्जनीभ्यां नमः ।ॐ हसूं मध्यमाभ्यां नमः ।ॐ हसैं अनामिकाभ्यां नमः ।ॐ हसौं कनिष्ठाभ्यां नमः ।ॐ हसः करतलकरपृष्ठाभ्यां नमः ।अथ अङ्गन्यासः ।ॐ हसां हृदयाय नमः ।ॐ हसीं शिरसे स्वाहा ।ॐ हसूं शिखायै वषट् ।ॐ हसैं कवचाय हुं ।ॐ हसौं नेत्रत्रयाय वौषट् ।ॐ हसः अस्त्राय फट् ।ध्यानम्श्रीसिद्धमानवमुखा गुरवः स्वरूपंसंसारदाहशमनं द्विभुजं त्रिनेत्रम् ।वामाङ्गशक्तिसकलाभरणैर्विभूषंध्यायेज्जपेत् सकलसिद्धिफलप्रदं च ॥मानसपूजनलं पृथिव्यात्मकं गन्धतन्मात्रप्रकृत्यात्मकं गन्धंसशक्तिकाय श्रीगुरवे समर्पयामि नमः ।हं आकाशात्मकं शब्दतन्मात्रप्रकृत्यात्मकं पुष्पंसशक्तिकाय श्रीगुरवे समर्पयामि नमः ।यं वाय्वात्मकं स्पर्शतन्मात्रप्रकृत्यात्मकं धूपंसशक्तिकाय श्रीगुरवे घ्रापयामि नमः ।रं वह्न्यात्मकं रूपतन्मत्रप्रकृत्यात्मकं दीपंसशक्तिकाय श्रीगुरवे समर्पयामि नमः ।वं अमृतात्मकं रसतन्मात्रप्रकृत्यात्मकं नैवेद्यंसशक्तिकाय श्रीगुरवे समर्पयामि नमः ।सं सर्वात्मिकां ताम्बूलादिसर्वोपचारपूजांसशक्तिकाय श्रीगुरवे समर्पयामि नमः ।॥ कवचस्तोत्रम् ॥ॐ नमः प्रकाशानन्दनाथः तु शिखायां पातु मे सदा ।परशिवानन्दनाथः शिरो मे रक्षयेत् सदा ॥ १॥

|| savidhi śrīgurukavacastotram ||viniyogaḥoṃ namo'sya śrīgurukavacanāmamantrasya paramabrahma ṛṣiḥsarvavedānujño devadevo śrī ādiśivaḥ devatā namo hasauṃhaṃsaḥ hasakṣamalavarayūṃ so'haṃ haṃsaḥ bījaṃsahakṣamalavarayīṃ śaktiḥhaṃsaḥ so'haṃ kīlakaṃsamastaśrīgurumaṇḍalaprītyarthe jape viniyogaḥ |ṛṣyādinyāsaḥśrīparamabrahmarṣaye namaḥ śirasi | sarvavedānujñadevadevaśrī ādiśivadevatāyai namaḥ hṛdi | namaḥ hasauṃ haṃsaḥhasakṣamalavarayūṃ so'haṃ haṃsaḥ bījāya namaḥ guhye |sahakṣamalavarayīṃ śaktaye namaḥ nābhau | haṃsaḥ so'haṃkīlakāya namaḥ pādayoḥ | samastaśrīgurumaṇḍalaprītyarthe jape viniyogāyanamaḥ añjalau |atha ṣaḍaṅganyāsaḥ |oṃ hasām | oṃ hasīm | oṃ hasūm | oṃ hasaim | oṃ hasaum | oṃ hasaḥ |atha karanyāsaḥ |oṃ hasāṃ aṅguṣṭhābhyāṃ namaḥ |oṃ hasīṃ tarjanībhyāṃ namaḥ |oṃ hasūṃ madhyamābhyāṃ namaḥ |oṃ hasaiṃ anāmikābhyāṃ namaḥ |oṃ hasauṃ kaniṣṭhābhyāṃ namaḥ |oṃ hasaḥ karatalakarapṛṣṭhābhyāṃ namaḥ |atha aṅganyāsaḥ |oṃ hasāṃ hṛdayāya namaḥ |oṃ hasīṃ śirase svāhā |oṃ hasūṃ śikhāyai vaṣaṭ |oṃ hasaiṃ kavacāya huṃ |oṃ hasauṃ netratrayāya vauṣaṭ |oṃ hasaḥ astrāya phaṭ |dhyānamśrīsiddhamānavamukhā guravaḥ svarūpaṃsaṃsāradāhaśamanaṃ dvibhujaṃ trinetram |vāmāṅgaśaktisakalābharaṇairvibhūṣaṃdhyāyejjapet sakalasiddhiphalapradaṃ ca ||mānasapūjanalaṃ pṛthivyātmakaṃ gandhatanmātraprakṛtyātmakaṃ gandhaṃsaśaktikāya śrīgurave samarpayāmi namaḥ |haṃ ākāśātmakaṃ śabdatanmātraprakṛtyātmakaṃ puṣpaṃsaśaktikāya śrīgurave samarpayāmi namaḥ |yaṃ vāyvātmakaṃ sparśatanmātraprakṛtyātmakaṃ dhūpaṃsaśaktikāya śrīgurave ghrāpayāmi namaḥ |raṃ vahnyātmakaṃ rūpatanmatraprakṛtyātmakaṃ dīpaṃsaśaktikāya śrīgurave samarpayāmi namaḥ |vaṃ amṛtātmakaṃ rasatanmātraprakṛtyātmakaṃ naivedyaṃsaśaktikāya śrīgurave samarpayāmi namaḥ |saṃ sarvātmikāṃ tāmbūlādisarvopacārapūjāṃsaśaktikāya śrīgurave samarpayāmi namaḥ ||| kavacastotram ||oṃ namaḥ prakāśānandanāthaḥ tu śikhāyāṃ pātu me sadā |paraśivānandanāthaḥ śiro me rakṣayet sadā || 1||

परशक्तिदिव्यानन्दनाथो भाले च रक्षतु ।कामेश्वरानन्दनाथो मुखं रक्षतु सर्वधृक् ॥ २॥

paraśaktidivyānandanātho bhāle ca rakṣatu |kāmeśvarānandanātho mukhaṃ rakṣatu sarvadhṛk || 2||

दिव्यौघो मस्तकं देवि\! पातु सर्वशिरः सदा ।कण्ठादिनाभिपर्यन्तं सिद्धौघा गुरवः प्रिये ॥ ३॥

divyaugho mastakaṃ devi\! pātu sarvaśiraḥ sadā |kaṇṭhādinābhiparyantaṃ siddhaughā guravaḥ priye || 3||

भोगानन्दनाथ गुरुः पातु दक्षिणबाहुकम् ।समयानन्दनाथश्च सन्ततं हृदयेऽवतु ॥ ४॥

bhogānandanātha guruḥ pātu dakṣiṇabāhukam |samayānandanāthaśca santataṃ hṛdaye'vatu || 4||

सहजानन्दनाथश्च कटिं नाभिं च रक्षतु ।एष स्थानेषु सिद्धौघाः रक्षन्तु गुरवः सदा ॥ ५॥

sahajānandanāthaśca kaṭiṃ nābhiṃ ca rakṣatu |eṣa sthāneṣu siddhaughāḥ rakṣantu guravaḥ sadā || 5||

अधरे मानवौघाश्च गुरवः कुलनायिके\!गगनानन्दनाथश्च गुल्फयोः पातु सर्वदा ॥ ६॥

adhare mānavaughāśca guravaḥ kulanāyike\!gaganānandanāthaśca gulphayoḥ pātu sarvadā || 6||

नीलौघानन्दनाथश्च रक्षयेत् पादपृष्ठतः ।स्वात्मानन्दनाथगुरुः पादाङ्गुलीश्च रक्षतु ॥ ७॥

nīlaughānandanāthaśca rakṣayet pādapṛṣṭhataḥ |svātmānandanāthaguruḥ pādāṅgulīśca rakṣatu || 7||

कन्दोलानन्दनाथश्च रक्षेत् पादतले सदा ।इत्येवं मानवौघाश्च न्यसेन्नाभ्यादिपादयोः ॥ ८॥

kandolānandanāthaśca rakṣet pādatale sadā |ityevaṃ mānavaughāśca nyasennābhyādipādayoḥ || 8||

गुरुर्मे रक्षयेदुर्व्यां सलिले परमो गुरुः ।परापरगुरुर्वह्नौ रक्षयेत् शिववल्लभे ॥ ९॥

gururme rakṣayedurvyāṃ salile paramo guruḥ |parāparagururvahnau rakṣayet śivavallabhe || 9||

परमेष्ठीगुरुश्चैव रक्षयेत् वायुमण्डले ।शिवादिगुरवः साक्षात् आकाशे रक्षयेत् सदा ॥ १०॥

parameṣṭhīguruścaiva rakṣayet vāyumaṇḍale |śivādiguravaḥ sākṣāt ākāśe rakṣayet sadā || 10||

इन्द्रो गुरुः पातु पूर्वे आग्नेयां गुरुरग्नयः ।दक्षे यमो गुरुः पातु नैरृत्यां निऋतिर्गुरुः ॥ ११॥

indro guruḥ pātu pūrve āgneyāṃ gururagnayaḥ |dakṣe yamo guruḥ pātu nairṛtyāṃ niṛtirguruḥ || 11||

वरुणो गुरुः पश्चिमे वायव्यां मारुतो गुरुः ।उत्तरे धनदः पातु ऐशान्यामीश्वरो गुरुः ॥ १२॥

varuṇo guruḥ paścime vāyavyāṃ māruto guruḥ |uttare dhanadaḥ pātu aiśānyāmīśvaro guruḥ || 12||

ऊर्ध्वं पातु गुरुर्ब्रह्मा अनन्तो गुरुरप्यधः ।एवं दशदिशः पान्तु इन्द्रादिगुरवः क्रमात् ॥ १३॥

ūrdhvaṃ pātu gururbrahmā ananto gururapyadhaḥ |evaṃ daśadiśaḥ pāntu indrādiguravaḥ kramāt || 13||

शिरसः पादपर्यन्तं पान्तु दिव्यौघसिद्धयः ।मानवौघाश्च गुरवो व्यापकं पान्तु सर्वदा ॥ १४॥

śirasaḥ pādaparyantaṃ pāntu divyaughasiddhayaḥ |mānavaughāśca guravo vyāpakaṃ pāntu sarvadā || 14||

सर्वत्र गुरुरूपेण संरक्षेत् साधकोत्तमम् ।आत्मानं गुरुरूपं च ध्यायेन् मन्त्रं सदा बुधः ॥ १५॥

sarvatra gururūpeṇa saṃrakṣet sādhakottamam |ātmānaṃ gururūpaṃ ca dhyāyen mantraṃ sadā budhaḥ || 15||

॥ फलश्रुतिः ॥इत्येवं गुरुकवचं ब्रह्मलोकेऽपि दुर्लभम् ।तव प्रीत्या मया ख्यातं न कस्य कथितं प्रिये ॥ १॥

|| phalaśrutiḥ ||ityevaṃ gurukavacaṃ brahmaloke'pi durlabham |tava prītyā mayā khyātaṃ na kasya kathitaṃ priye || 1||

पूजाकाले पठेद् यस्तु जपकाले विशेषतः ।त्रैलोक्यदुर्लभं देवि । भुक्तिमुक्तिफलप्रदम् ॥ २॥

pūjākāle paṭhed yastu japakāle viśeṣataḥ |trailokyadurlabhaṃ devi | bhuktimuktiphalapradam || 2||

सर्वमन्त्रफलं तस्य सर्वयन्त्रफलं तथा ।सर्वतीर्थफलं देवि । यः पठेत् कवचं गुरोः ॥ ३॥

sarvamantraphalaṃ tasya sarvayantraphalaṃ tathā |sarvatīrthaphalaṃ devi | yaḥ paṭhet kavacaṃ guroḥ || 3||

अष्टगन्धेन भूर्जे च लिख्यते चक्रसंयुतम् ।कवचं गुरुपङ्क्तेस्तु भक्त्या च शुबवासरे ॥ ४॥

aṣṭagandhena bhūrje ca likhyate cakrasaṃyutam |kavacaṃ gurupaṅktestu bhaktyā ca śubavāsare || 4||

पूजयेत् धूपदीपाद्यैः सुधाभिः सितसंयुतैः ।तर्पयेत् गुरुमन्त्रेण साधकः शुद्धचेतसा ॥ ५॥

pūjayet dhūpadīpādyaiḥ sudhābhiḥ sitasaṃyutaiḥ |tarpayet gurumantreṇa sādhakaḥ śuddhacetasā || 5||

धारयेत् कवचं देवि\! इह भूतभयापहम् ।पठेन्मन्त्री त्रिकालं हि स मुक्तो भवबन्धनात् ।एवं कवचं परमं दिव्यसिद्धौघकलावान् ॥ ६॥

dhārayet kavacaṃ devi\! iha bhūtabhayāpaham |paṭhenmantrī trikālaṃ hi sa mukto bhavabandhanāt |evaṃ kavacaṃ paramaṃ divyasiddhaughakalāvān || 6||

॥ इति पुरश्चरणरसोल्लासे द्वितीयप्रश्ने दशमपटलेईश्वरदेवीसंवादे श्रीगुरुकवचं सम्पूर्णम् ॥

|| iti puraścaraṇarasollāse dvitīyapraśne daśamapaṭaleīśvaradevīsaṃvāde śrīgurukavacaṃ sampūrṇam ||