सारदानवकम् २ Shri Sarada Navakam

सर्व सौभाग्यसन्दोहे ब्रह्मानन्दपयस्विनि ।रामकृष्णार्चिते शुद्धे सारदे त्वां नमाम्यहम् ॥ १॥

sarva saubhāgyasandohe brahmānandapayasvini |rāmakṛṣṇārcite śuddhe sārade tvāṃ namāmyaham || 1||

विवेकानन्दसन्ध्येयां क्षमारूपां तपस्विनीम् ।सारदां दिव्यभूषां त्वां नारायणि स्मराम्यहम् ॥ २॥

vivekānandasandhyeyāṃ kṣamārūpāṃ tapasvinīm |sāradāṃ divyabhūṣāṃ tvāṃ nārāyaṇi smarāmyaham || 2||

माहेशि महदाराध्ये चित्प्रेमानन्दसम्प्रदे ।सारदे जगतामाद्ये नारायणि नमोऽस्तुते ॥ ३॥

māheśi mahadārādhye citpremānandasamprade |sārade jagatāmādye nārāyaṇi namo'stute || 3||

महापुरुषसंसेव्ये हंसेश्वरि सुमङ्गले ।शिवानन्दप्रदे मातः सारदे त्वामहं भजे ॥ ४॥

mahāpuruṣasaṃsevye haṃseśvari sumaṅgale |śivānandaprade mātaḥ sārade tvāmahaṃ bhaje || 4||

सारदानन्दसम्पूज्ये वरेण्ये सारदायिके ।प्रसन्नवदनाम्भोजे सारदे त्वां नतोऽस्म्यहम् ॥ ५॥

sāradānandasampūjye vareṇye sāradāyike |prasannavadanāmbhoje sārade tvāṃ nato'smyaham || 5||

विमले कमले सीते शारदे सारदे शिवे ।कलिकल्मषपापघ्ने कात्यायनि नमोऽस्तुते ॥ ६॥

vimale kamale sīte śārade sārade śive |kalikalmaṣapāpaghne kātyāyani namo'stute || 6||

यतिसङ्घसमाराध्ये यतिसङ्घसुहासिनि ।तत्सङ्घत्राणदात्री त्वं सारदे त्वां नता वयम् ॥ ७॥

yatisaṅghasamārādhye yatisaṅghasuhāsini |tatsaṅghatrāṇadātrī tvaṃ sārade tvāṃ natā vayam || 7||

सारदे वरदे मातर्ब्रह्मशक्ति सनातनि ।निष्कलङ्कसुचरित्रं भक्तिमन्तं कुरुष्व माम् ॥ ८॥

sārade varade mātarbrahmaśakti sanātani |niṣkalaṅkasucaritraṃ bhaktimantaṃ kuruṣva mām || 8||

सर्वोत्कृष्टगुणाधारे गुणाढ्ये सर्वसाधिके ।शरण्ये सारदे दुर्गे नारायणि नमोऽस्तुते ॥ ९॥

sarvotkṛṣṭaguṇādhāre guṇāḍhye sarvasādhike |śaraṇye sārade durge nārāyaṇi namo'stute || 9||

(जय) नारायणि नमोऽस्तु ते, नारायणि नमोऽस्तु ते ।नारायणि नमोऽस्तु ते, नारायणि नमोऽस्तु ते ॥इति श्रीसारदानवकं सम्पूर्णम् ।

(jaya) nārāyaṇi namo'stu te, nārāyaṇi namo'stu te |nārāyaṇi namo'stu te, nārāyaṇi namo'stu te ||iti śrīsāradānavakaṃ sampūrṇam |