सन्तदासाष्टकम् Shri Santadasa Ashtakam

(श्री लक्ष्मीमिश्रविरचितं)शरदिन्दुकुन्दतुषारहारपवीरपारदसुन्दरंजपमालिकामणिपद्मपाणिमशेषलोकहितैषिणम् ।कुलमौलिमादिगुरुं जटामुकुटादिभूषणभूषितंप्रणमामि सम्प्रति सन्तदासमिहैव दर्शितविष्णुकम् ॥ १॥

(śrī lakṣmīmiśraviracitaṃ)śaradindukundatuṣārahārapavīrapāradasundaraṃjapamālikāmaṇipadmapāṇimaśeṣalokahitaiṣiṇam |kulamaulimādiguruṃ jaṭāmukuṭādibhūṣaṇabhūṣitaṃpraṇamāmi samprati santadāsamihaiva darśitaviṣṇukam || 1||

शुमनिम्बभानुपथानुगं हरिभक्तिपरायणं शिवंबहुलानुरागनिवासरासविलासदर्शनरागिणम् ।रमणीय वेणुनिनादवादविवादसंश्रवणे रुचिम्,प्रणमामि सम्प्रति सन्तदासमिहैव दर्शितविष्णुकम् ॥ २॥

śumanimbabhānupathānugaṃ haribhaktiparāyaṇaṃ śivaṃbahulānurāganivāsarāsavilāsadarśanarāgiṇam |ramaṇīya veṇuninādavādavivādasaṃśravaṇe rucim,praṇamāmi samprati santadāsamihaiva darśitaviṣṇukam || 2||

शिवब्रह्मविष्णुप्रपूजकं निजभक्तिरक्षितसाधकंनवसिद्धयोगीमुनीन्द्रवन्दितनिम्ब भानुकुलोद्भवम् ।करुणालयं हि उदारता करशान्तदान्तसुमन्दिरंप्रणमामि सम्प्रति सन्तदासमिहैव दर्शित विष्णुवम् ॥ ३॥

śivabrahmaviṣṇuprapūjakaṃ nijabhaktirakṣitasādhakaṃnavasiddhayogīmunīndravanditanimba bhānukulodbhavam |karuṇālayaṃ hi udāratā karaśāntadāntasumandiraṃpraṇamāmi samprati santadāsamihaiva darśita viṣṇuvam || 3||

सकलां विहाय स्वसम्पदं मुरारिपादसमाश्रितंजगतां स्वकीयविशुद्धमार्गप्रदर्शकं हरिसेवकम् ।कलिकल्मषघ्नमशेषसद्गुणसागरं नरनागरंप्रणमामि सम्प्रतिसन्तदासमिहैव दर्शित विष्णुकम् ॥ ४॥

sakalāṃ vihāya svasampadaṃ murāripādasamāśritaṃjagatāṃ svakīyaviśuddhamārgapradarśakaṃ harisevakam |kalikalmaṣaghnamaśeṣasadguṇasāgaraṃ naranāgaraṃpraṇamāmi sampratisantadāsamihaiva darśita viṣṇukam || 4||

सनकादिकैर्मुनिभिः प्रदर्शितपद्धतौ पथिकं स्थिरंजगतीतलैकसुवाटिका हृदिकञ्जकुड्मलषटपदम् ।वृषभानुजाप्रियपद्मरेणुसितं हितं सुललाटकंप्रणमामि सम्प्रति सन्तदासमिहैव दर्शितविष्णुकम् ॥ ५॥

sanakādikairmunibhiḥ pradarśitapaddhatau pathikaṃ sthiraṃjagatītalaikasuvāṭikā hṛdikañjakuḍmalaṣaṭapadam |vṛṣabhānujāpriyapadmareṇusitaṃ hitaṃ sulalāṭakaṃpraṇamāmi samprati santadāsamihaiva darśitaviṣṇukam || 5||

यमुनातरङ्गसमाकुले पुलिने विहारपरायणंनिजधर्मकर्मपथे स्थितं प्रथितं विचारप्रवाहने ।सततं सुसेवितसज्जनं जनतां सुधीरप्रचारकंप्रणमामि सम्प्रति सन्तदासमिहैव दर्शित विष्णुकम् ॥ ६॥

yamunātaraṅgasamākule puline vihāraparāyaṇaṃnijadharmakarmapathe sthitaṃ prathitaṃ vicārapravāhane |satataṃ susevitasajjanaṃ janatāṃ sudhīrapracārakaṃpraṇamāmi samprati santadāsamihaiva darśita viṣṇukam || 6||

गुरुपादपद्मरजःकणैर्विमलीकृतं सुललाटकंमुनिमण्डलीनदराजहंसमसङ्ख्यशिष्यसुसेवितम् ।हरिनामपावनसागरं ब्रजधूलिभूषणभूषितंप्रणमामि सम्प्रति सन्तदासमिहैव दर्शित विष्णुकम् ॥ ७॥

gurupādapadmarajaḥkaṇairvimalīkṛtaṃ sulalāṭakaṃmunimaṇḍalīnadarājahaṃsamasaṅkhyaśiṣyasusevitam |harināmapāvanasāgaraṃ brajadhūlibhūṣaṇabhūṣitaṃpraṇamāmi samprati santadāsamihaiva darśita viṣṇukam || 7||

निजसम्प्रदायसमुन्नतौ यतमानमामरणं परंजगतीतलैकसुधाकरं निजभक्तजनैक सुरक्षकम् ।कलिकल्मषोत्कटतापनं भवसागरात् परित्राणदंप्रणमामि सम्प्रति सन्तदासमिहैव दर्शितविष्णुकम् ॥ ८॥

nijasampradāyasamunnatau yatamānamāmaraṇaṃ paraṃjagatītalaikasudhākaraṃ nijabhaktajanaika surakṣakam |kalikalmaṣotkaṭatāpanaṃ bhavasāgarāt paritrāṇadaṃpraṇamāmi samprati santadāsamihaiva darśitaviṣṇukam || 8||

भक्तिमान् यः पठेन्नित्यं सन्तदासाष्टकं शुभम् ।ऐहिकं हि सुखं भुक्त्वाचान्ते मोक्षमवाप्नुयात् ॥भक्तिदं वैष्णवाणां च मुमुक्षूणां च मोक्षदम् ।सन्तदासाष्टकं श्रुत्वा नरः सद्गतिमाप्नुयात् ॥इति श्रीलक्ष्मीमिश्रविरचितं श्रीसन्तदासाष्टकं सम्पूर्णम् ।

bhaktimān yaḥ paṭhennityaṃ santadāsāṣṭakaṃ śubham |aihikaṃ hi sukhaṃ bhuktvācānte mokṣamavāpnuyāt ||bhaktidaṃ vaiṣṇavāṇāṃ ca mumukṣūṇāṃ ca mokṣadam |santadāsāṣṭakaṃ śrutvā naraḥ sadgatimāpnuyāt ||iti śrīlakṣmīmiśraviracitaṃ śrīsantadāsāṣṭakaṃ sampūrṇam |