अणु राघवेन्द्रस्तोत्रम् Shri Anu Raghavendra Stotram

पूज्याय राघवेन्द्राय सत्यधर्मरताय च ।भजतां कल्पवृक्षाय नमतां कामधेनवे ॥ १॥

pūjyāya rāghavendrāya satyadharmaratāya ca |bhajatāṃ kalpavṛkṣāya namatāṃ kāmadhenave || 1||

दुर्वादिध्वान्तरवये वैष्णवेन्दीवरेन्दवे ।श्रीराघवेन्द्रगुरवे नमोऽत्यन्तदयालवे ॥ २॥

durvādidhvāntaravaye vaiṣṇavendīvarendave |śrīrāghavendragurave namo'tyantadayālave || 2||

श्रीसुधीन्द्राब्धिसम्भूतान् राघवेन्द्रकलानिधीन् ।सेवे सज्ज्ञानसौख्यार्थं सन्तापत्रयशान्तये ॥ ३॥ (सत्ज्ञान)

śrīsudhīndrābdhisambhūtān rāghavendrakalānidhīn |seve sajjñānasaukhyārthaṃ santāpatrayaśāntaye || 3|| (satjñāna)

अघं द्रावयते यस्माद्वेङ्कारो वाञ्छितप्रदः ।राघवेन्द्रयतिस्तस्माल्लोके ख्यातो भविष्यति ॥ ४॥

aghaṃ drāvayate yasmādveṅkāro vāñchitapradaḥ |rāghavendrayatistasmālloke khyāto bhaviṣyati || 4||

व्यासेन व्युप्तबीजः श्रुतिभुवि भगवत्पादलब्धाङ्कुरश्रीःब्रध्नैरीषत्प्रभिन्नोऽजनि जयमुनिना सम्यगुद्भिन्नशाखः ।मौनीशव्यासराजादुदितकिसलयःपुष्पितोऽयं जयीन्द्रादद्य श्रीराघवेन्द्राद्विलसति फलितो मध्वसिद्धान्तशाखी ॥ ५॥

vyāsena vyuptabījaḥ śrutibhuvi bhagavatpādalabdhāṅkuraśrīḥbradhnairīṣatprabhinno'jani jayamuninā samyagudbhinnaśākhaḥ |maunīśavyāsarājāduditakisalayaḥpuṣpito'yaṃ jayīndrādadya śrīrāghavendrādvilasati phalito madhvasiddhāntaśākhī || 5||

मूकोऽपि यत्प्रसादेन मुकुन्दशयनायते ।राजराजायते रिक्तो राघवेन्द्रं तमाश्रये ॥ ६॥

mūko'pi yatprasādena mukundaśayanāyate |rājarājāyate rikto rāghavendraṃ tamāśraye || 6||

इति श्री अणुराघवेन्द्रस्तोत्रं सम्पूर्णम् ।

iti śrī aṇurāghavendrastotraṃ sampūrṇam |