गङ्गास्तवनम् १ Shri Ganga Stavanam

अये मातर्गऽङ्गेऽशरणशरणं लोकजननीविपन्नानां त्रात्री त्रिभुवनविधात्री यदसि तत् ।त्वया वेदं वेदं विमलसलिले पूर्णकलिलोजनोऽयं निस्तार्यो विततभवतापान्धितमतिः ॥ १॥

aye mātarga'ṅge'śaraṇaśaraṇaṃ lokajananīvipannānāṃ trātrī tribhuvanavidhātrī yadasi tat |tvayā vedaṃ vedaṃ vimalasalile pūrṇakalilojano'yaṃ nistāryo vitatabhavatāpāndhitamatiḥ || 1||

तपःपुञ्जै राज्ञो विमलचिदनन्तद्रवसरित्स्वरूपेणोद्भूय प्रचरसि जगत्पावनपयाः ।सहस्राणां षष्ठ्याः सगरतनयानां शुभगतिप्रदात्री त्वं मातर्जनिजनितजालं जरयसि ॥ २॥

tapaḥpuñjai rājño vimalacidanantadravasaritsvarūpeṇodbhūya pracarasi jagatpāvanapayāḥ |sahasrāṇāṃ ṣaṣṭhyāḥ sagaratanayānāṃ śubhagatipradātrī tvaṃ mātarjanijanitajālaṃ jarayasi || 2||

अहो! भव्यं भव्यं जगति तव कल्याणशरणीन च ध्यानं दानं श्रुतमथ वितानां विदधतः ।श्रयन्ते नायासं मुनिगणदुरापां शुभगतिंन कार्पण्यं गङ्गे कथमपि विधेयं मयि शिवे! ॥ ३॥

aho! bhavyaṃ bhavyaṃ jagati tava kalyāṇaśaraṇīna ca dhyānaṃ dānaṃ śrutamatha vitānāṃ vidadhataḥ |śrayante nāyāsaṃ munigaṇadurāpāṃ śubhagatiṃna kārpaṇyaṃ gaṅge kathamapi vidheyaṃ mayi śive! || 3||

अहं द्वारं द्वारं जननि बहुवारं घुटितवान्त्रपां त्यज्यं त्याज्यं पुनरपि च नैराश्यमसृपम् ।महापापक्षोणीधरविततपक्षच्छिदशनेदयापात्रं श्रान्तं कथमपि न मां देवि रहय ॥ ४॥

ahaṃ dvāraṃ dvāraṃ janani bahuvāraṃ ghuṭitavāntrapāṃ tyajyaṃ tyājyaṃ punarapi ca nairāśyamasṛpam |mahāpāpakṣoṇīdharavitatapakṣacchidaśanedayāpātraṃ śrāntaṃ kathamapi na māṃ devi rahaya || 4||

बृहद्व्यलीकाचलपक्षशम्बंविचूर्णिताशेषविपत्कदम्बम् ।समुच्छलल्लोलतरङ्गभङ्गंतनोतु शं तेऽम्बु ममावलम्बम् ॥ ५॥

bṛhadvyalīkācalapakṣaśambaṃvicūrṇitāśeṣavipatkadambam |samucchalallolataraṅgabhaṅgaṃtanotu śaṃ te'mbu mamāvalambam || 5||

इति आचार्य श्रीविष्णुप्रसादपाण्डेयविरचितं श्रीगङ्गास्तवनं सम्पूर्णम् ।

iti ācārya śrīviṣṇuprasādapāṇḍeyaviracitaṃ śrīgaṅgāstavanaṃ sampūrṇam |