गङ्गाकवचम् ४ Shri Ganga Kavacham

ॐ श्रीगणेशाय नमः ।ॐ गङ्गायै नमः ।विनियोगःगङ्गाकवचस्य विष्णुरृषिविराट्छन्दःचतुर्दश पुरुष उद्धारण अर्थे पाठे विनियोगः ।ॐ द्रव्यरूपा महाभागा स्नाने च तर्पणेऽपि च ।अभिषेके पूजने च पातु मां शुक्लरुपिणी ॥ १॥

oṃ śrīgaṇeśāya namaḥ |oṃ gaṅgāyai namaḥ |viniyogaḥgaṅgākavacasya viṣṇurṛṣivirāṭchandaḥcaturdaśa puruṣa uddhāraṇa arthe pāṭhe viniyogaḥ |oṃ dravyarūpā mahābhāgā snāne ca tarpaṇe'pi ca |abhiṣeke pūjane ca pātu māṃ śuklarupiṇī || 1||

विष्णुपादप्रसूतासि वैष्णवी नामधारिणी ।पाहि मां सर्वतो रक्षेद्गङ्गा त्रिपथगामिनी ॥ २॥

viṣṇupādaprasūtāsi vaiṣṇavī nāmadhāriṇī |pāhi māṃ sarvato rakṣedgaṅgā tripathagāminī || 2||

मन्दाकिनी सदा पातु देहान्ते स्वर्गवल्लभा ।अलकनन्दा च वामभागे पृथिव्यां या तु तिष्ठति ॥ ३॥

mandākinī sadā pātu dehānte svargavallabhā |alakanandā ca vāmabhāge pṛthivyāṃ yā tu tiṣṭhati || 3||

भोगवती च पाताले स्वर्गे मन्दाकिनी तथा ।पञ्चाक्षरमिमं मन्त्रं यः पठेच्छृणुयादपि ॥ ४॥

bhogavatī ca pātāle svarge mandākinī tathā |pañcākṣaramimaṃ mantraṃ yaḥ paṭhecchṛṇuyādapi || 4||

रोगी रोगात्प्रमुच्येत्बद्धो मुच्येत बन्धनात् ।गुर्विणी जनयेत् पुत्रं वन्ध्या पुत्रवती भवेत् ॥ ५॥

rogī rogātpramucyetbaddho mucyeta bandhanāt |gurviṇī janayet putraṃ vandhyā putravatī bhavet || 5||

गङ्गास्मरणमात्रेण निष्पापो जायते नरः ।यः पठेद्गृहमध्ये तु गङ्गास्नानफलं लभेत् ॥ ६॥

gaṅgāsmaraṇamātreṇa niṣpāpo jāyate naraḥ |yaḥ paṭhedgṛhamadhye tu gaṅgāsnānaphalaṃ labhet || 6||

स्नानकाले पठेद्यस्तु शतकोटिफलं लभेत् ।यः पठेत्प्रयतो भक्त्या मुक्तः कोटिकुलैः सह ॥ ७॥

snānakāle paṭhedyastu śatakoṭiphalaṃ labhet |yaḥ paṭhetprayato bhaktyā muktaḥ koṭikulaiḥ saha || 7||

॥ इति श्रीविष्णुयामले शिवपार्वतीसंवादे गङ्गाकवचं सम्पूर्णम् ।

|| iti śrīviṣṇuyāmale śivapārvatīsaṃvāde gaṅgākavacaṃ sampūrṇam |