देवीमाहात्म्यस्तोत्रं अथवा दुर्गास्तोत्रम् अथवा दुर्गासप्तशतीस्तोत्रं आपदुन्मूलनदुर्गास्तोत्रम् Devimahatmyastotram

(श्रीदुर्गासप्तशतीस्तोत्रम्) (आपदुन्मूलनदुर्गास्तोत्रम्)लक्ष्मीशे योगनिद्रां प्रभजति भुजगाधीशतल्पे सदर्पौउत्पन्नौ दानवौ तच्छ्रवणमलमयाङ्गौ मधुं कैटभं च ।दृष्ट्वा भीतस्य धातुः स्तुतिभिरभिनुतां आशु तौ नाशयन्तींदुर्गां देवीं प्रपद्ये शरणमहमशेषापदुन्मूलनाय ॥ १॥

(śrīdurgāsaptaśatīstotram) (āpadunmūlanadurgāstotram)lakṣmīśe yoganidrāṃ prabhajati bhujagādhīśatalpe sadarpauutpannau dānavau tacchravaṇamalamayāṅgau madhuṃ kaiṭabhaṃ ca |dṛṣṭvā bhītasya dhātuḥ stutibhirabhinutāṃ āśu tau nāśayantīṃdurgāṃ devīṃ prapadye śaraṇamahamaśeṣāpadunmūlanāya || 1||

युद्धे निर्जित्य दैत्यस्त्रिभुवनमखिलं यस्तदीयेषु धिष्ण्येष्वास्थाय स्वान् विधेयान् स्वयमगमदसौ शक्रतां विक्रमेण ।तं सामात्याप्तमित्रं महिषमपि निहत्यास्य मूर्धाधिरूढांदुर्गां देवीं प्रपद्ये शरणमहमशेषापदुन्मूलनाय ॥ २॥

yuddhe nirjitya daityastribhuvanamakhilaṃ yastadīyeṣu dhiṣṇyeṣvāsthāya svān vidheyān svayamagamadasau śakratāṃ vikrameṇa |taṃ sāmātyāptamitraṃ mahiṣamapi nihatyāsya mūrdhādhirūḍhāṃdurgāṃ devīṃ prapadye śaraṇamahamaśeṣāpadunmūlanāya || 2||

विश्वोत्पत्तिप्रणाशस्थितिविहृतिपरे देवि घोरामरारित्रासात् त्रातं कुलं नः पुनरपि च महासङ्कटेष्वीदृशेषु।आविर्भूयाः पुरस्तादिति चरणनमत्सर्वगीर्वाणवर्गांदुर्गां देवीं प्रपद्ये शरणमहमशेषापदुन्मूलनाय ॥ ३॥

viśvotpattipraṇāśasthitivihṛtipare devi ghorāmarāritrāsāt trātaṃ kulaṃ naḥ punarapi ca mahāsaṅkaṭeṣvīdṛśeṣu|āvirbhūyāḥ purastāditi caraṇanamatsarvagīrvāṇavargāṃdurgāṃ devīṃ prapadye śaraṇamahamaśeṣāpadunmūlanāya || 3||

हन्तुं शुम्भं निशुम्भं त्रिदशगणनुतां हेमडोलां हिमाद्रौआरूढां व्यूढदर्पान् युधि निहतवतीं धूम्रदृक्चण्डमुण्डान् ।चामुण्डाख्यां दधानां उपशमितमहारक्तबीजोपसर्गांदुर्गां देवीं प्रपद्ये शरणमहमशेषापदुन्मूलनाय ॥ ४॥

hantuṃ śumbhaṃ niśumbhaṃ tridaśagaṇanutāṃ hemaḍolāṃ himādrauārūḍhāṃ vyūḍhadarpān yudhi nihatavatīṃ dhūmradṛkcaṇḍamuṇḍān |cāmuṇḍākhyāṃ dadhānāṃ upaśamitamahāraktabījopasargāṃdurgāṃ devīṃ prapadye śaraṇamahamaśeṣāpadunmūlanāya || 4||

ब्रह्मेशस्कन्दनारायणकिटिनरसिंहेन्द्रशक्तीः स्वभृत्याःकृत्वा हत्वा निशुम्भं जितविबुधगणं त्रासिताशेषलोकम् ।एकीभूयाथ शुम्भं रणशिरसि निहत्यास्थितां आत्तखड्गांदुर्गां देवीं प्रपद्ये शरणमहमशेषापदुन्मूलनाय ॥ ५॥

brahmeśaskandanārāyaṇakiṭinarasiṃhendraśaktīḥ svabhṛtyāḥkṛtvā hatvā niśumbhaṃ jitavibudhagaṇaṃ trāsitāśeṣalokam |ekībhūyātha śumbhaṃ raṇaśirasi nihatyāsthitāṃ āttakhaḍgāṃdurgāṃ devīṃ prapadye śaraṇamahamaśeṣāpadunmūlanāya || 5||

उत्पन्ना नन्दजेति स्वयमवनितले शुम्भमन्यं निशुम्भंभ्रामर्याख्यारुणाख्यं पुनरपि जननी दुर्गमाख्यं निहन्तुम् ।भीमा शाकम्भरीति त्रुटितरिपुभटां रक्तदन्तेति जातांदुर्गां देवीं प्रपद्ये शरणमहमशेषापदुन्मूलनाय ॥ ६॥

utpannā nandajeti svayamavanitale śumbhamanyaṃ niśumbhaṃbhrāmaryākhyāruṇākhyaṃ punarapi jananī durgamākhyaṃ nihantum |bhīmā śākambharīti truṭitaripubhaṭāṃ raktadanteti jātāṃdurgāṃ devīṃ prapadye śaraṇamahamaśeṣāpadunmūlanāya || 6||

त्रैगुण्यानां गुणानां अनुसरणकलाकेलिनानावतारैःत्रैलोक्यत्राणशीलां दनुजकुलवनीवह्निलीलां सलीलाम् ।देवीं सच्चिन्मयीं तां वितरितविनमत्सत्रिवर्गापवर्गांदुर्गां देवीं प्रपद्ये शरणमहमशेषापदुन्मूलनाय ॥ ७॥

traiguṇyānāṃ guṇānāṃ anusaraṇakalākelinānāvatāraiḥtrailokyatrāṇaśīlāṃ danujakulavanīvahnilīlāṃ salīlām |devīṃ saccinmayīṃ tāṃ vitaritavinamatsatrivargāpavargāṃdurgāṃ devīṃ prapadye śaraṇamahamaśeṣāpadunmūlanāya || 7||

सिंहारूढां त्रिनेत्रां करतलविलसच्छङ्खचक्रासिरम्यांभक्ताभीष्टप्रदात्रीं रिपुमथनकरीं सर्वलोकैकवन्द्याम् ।सर्वालङ्कारयुक्तां शशियुतमकुटां श्यामलाङ्गीं कृशाङ्गींदुर्गां देवीं प्रपद्ये शरणमहमशेषापदुन्मूलनाय ॥ ८॥

siṃhārūḍhāṃ trinetrāṃ karatalavilasacchaṅkhacakrāsiramyāṃbhaktābhīṣṭapradātrīṃ ripumathanakarīṃ sarvalokaikavandyām |sarvālaṅkārayuktāṃ śaśiyutamakuṭāṃ śyāmalāṅgīṃ kṛśāṅgīṃdurgāṃ devīṃ prapadye śaraṇamahamaśeṣāpadunmūlanāya || 8||

त्रायस्व स्वामिनीति त्रिभुवनजननि प्रार्थना त्वय्यपार्थापाल्यन्तेऽभ्यर्थनायां भगवति शिशवः किन्त्वनन्या जनन्याः ।तत्तुभ्यं स्यान्नमस्येत्यवनतविबुधाह्लादिवीक्षाविसर्गांदुर्गां देवीं प्रपद्ये शरणमहमशेषापदुन्मूलनाय ॥ ९॥

trāyasva svāminīti tribhuvanajanani prārthanā tvayyapārthāpālyante'bhyarthanāyāṃ bhagavati śiśavaḥ kintvananyā jananyāḥ |tattubhyaṃ syānnamasyetyavanatavibudhāhlādivīkṣāvisargāṃdurgāṃ devīṃ prapadye śaraṇamahamaśeṣāpadunmūlanāya || 9||

एतं सन्तः पठन्तु स्तवमखिलविपज्जालतूलानलाभंहृन्मोहध्वान्तभानुप्रथितमखिलसङ्कल्पकल्पद्रुकल्पम् ।दौर्गं दौर्गत्यघोरातपतुहिनकरप्रख्यमंहोगजेन्द्रश्रेणीपञ्चास्यदेश्यं विपुलभयदकालाहितार्क्ष्यप्रभावम् ॥ १०॥

etaṃ santaḥ paṭhantu stavamakhilavipajjālatūlānalābhaṃhṛnmohadhvāntabhānuprathitamakhilasaṅkalpakalpadrukalpam |daurgaṃ daurgatyaghorātapatuhinakaraprakhyamaṃhogajendraśreṇīpañcāsyadeśyaṃ vipulabhayadakālāhitārkṣyaprabhāvam || 10||

दुर्गां देवीं शरणमहम् प्रपद्ये ॥इति देवीमाहात्म्यस्तोत्रम् अथवा दुर्गास्तोत्रम् अथवा श्रीदुर्गासप्तशतीस्तोत्रं सम्पूर्णम् ।आपदुन्मूलनदुर्गास्तोत्रम् च

durgāṃ devīṃ śaraṇamaham prapadye ||iti devīmāhātmyastotram athavā durgāstotram athavā śrīdurgāsaptaśatīstotraṃ sampūrṇam |āpadunmūlanadurgāstotram ca