शरणाष्टकम् Sharanashtakam

आर्तत्राणपरायणे ! भगवति ! ब्रह्मेन्द्रनारायणस्तुत्ये शाणित सत्कृपाणनृशिरोऽभीतिष्टपाणे शिवे !।मातर्मुक्तशिरोरुहे ! नरशिरःस्त्रग्भूषणे भीषणे !श्यामे ! त्वच्चरणं व्रजामि शरणं गत्यन्तरं नास्ति मे ॥ १॥

ārtatrāṇaparāyaṇe ! bhagavati ! brahmendranārāyaṇastutye śāṇita satkṛpāṇanṛśiro'bhītiṣṭapāṇe śive !|mātarmuktaśiroruhe ! naraśiraḥstragbhūṣaṇe bhīṣaṇe !śyāme ! tvaccaraṇaṃ vrajāmi śaraṇaṃ gatyantaraṃ nāsti me || 1||

आजन्मामरणं च कालहरणं प्रायो ममाकारणंशुद्धान्तःकरणं कदाचन च ना नाम्नस्तवोच्चारणम् ।सत्कर्मांचरणं च नाहह वृथा प्राणस्य सन्धारणंश्यामे ! त्वच्चरणं व्रजामि शरणं गत्यन्तरं नास्ति मे ॥ २॥

ājanmāmaraṇaṃ ca kālaharaṇaṃ prāyo mamākāraṇaṃśuddhāntaḥkaraṇaṃ kadācana ca nā nāmnastavoccāraṇam |satkarmāṃcaraṇaṃ ca nāhaha vṛthā prāṇasya sandhāraṇaṃśyāme ! tvaccaraṇaṃ vrajāmi śaraṇaṃ gatyantaraṃ nāsti me || 2||

नाधीतं विधिवन्न वा हरिहरौ भक्त्या समाराधितौ ।तप्तं नैव तपो मनागपि मया मायामयेऽस्मिन् भवे ।न प्रत्तं न हुतं च सम्यगधुना भीतोऽन्तकालेऽन्तकात्श्यामे ! त्वच्चरणं व्रजामि शरणं गत्यन्तरं नास्ति मे ॥ ३॥

nādhītaṃ vidhivanna vā hariharau bhaktyā samārādhitau |taptaṃ naiva tapo manāgapi mayā māyāmaye'smin bhave |na prattaṃ na hutaṃ ca samyagadhunā bhīto'ntakāle'ntakātśyāme ! tvaccaraṇaṃ vrajāmi śaraṇaṃ gatyantaraṃ nāsti me || 3||

नो तीर्थाण्युपसेवितानि गुरवो भक्त्या न संसेवितानो श्राद्धैरपि तर्पिताः स्वपितरश्चीर्णं न किञ्चिद् व्रतम् ।भक्त्या नातिशयोर्चिताः सपदि हा ! हन्तातिचिन्तातुरःश्यामे ! त्वच्चरणं व्रजामि शरणं गत्यन्तरं नास्ति मे ॥ ४॥

no tīrthāṇyupasevitāni guravo bhaktyā na saṃsevitāno śrāddhairapi tarpitāḥ svapitaraścīrṇaṃ na kiñcid vratam |bhaktyā nātiśayorcitāḥ sapadi hā ! hantāticintāturaḥśyāme ! tvaccaraṇaṃ vrajāmi śaraṇaṃ gatyantaraṃ nāsti me || 4||

नाचारो मम विद्यते न विनयो वैधं न शौचं परंन ज्ञानं न विरागता न च पराभक्तिर्भवत्यामपि ।मातः शासनतोऽव मां पितृपते प्रेताकृती शासनेश्यामे ! त्वच्चरणं व्रजामि शरणं गत्यन्तरं नास्ति मे ॥ ५॥

nācāro mama vidyate na vinayo vaidhaṃ na śaucaṃ paraṃna jñānaṃ na virāgatā na ca parābhaktirbhavatyāmapi |mātaḥ śāsanato'va māṃ pitṛpate pretākṛtī śāsaneśyāme ! tvaccaraṇaṃ vrajāmi śaraṇaṃ gatyantaraṃ nāsti me || 5||

स्वं वर्णोचितमाश्रमोचितमपि प्रायेण नानुष्ठितंसत्कृत्यं विधिवन्मया हतधिया शास्त्रोदितं श्रेयसे ।चेतः सीदति साम्प्रतं जननि ! मे तत् सव्यथं सर्वथाश्यामे ! त्वच्चरणं ! व्रजामि शरणं गत्यन्तरं नास्ति मे ॥ ६॥

svaṃ varṇocitamāśramocitamapi prāyeṇa nānuṣṭhitaṃsatkṛtyaṃ vidhivanmayā hatadhiyā śāstroditaṃ śreyase |cetaḥ sīdati sāmprataṃ janani ! me tat savyathaṃ sarvathāśyāme ! tvaccaraṇaṃ ! vrajāmi śaraṇaṃ gatyantaraṃ nāsti me || 6||

नीतं दुर्व्यसनैर्महद्भिरशिवोदकैः शिवे ! शैशवंतारुण्यञ्च कलत्रपुत्रभरणाद्यर्थेपदर्थेहया ।कालत्रासवशेन सम्प्रति जडीभूतो जराजर्जरःश्यामे ! त्वच्चरणं व्रजामि शरणं गन्यन्तरं नास्ति मे ॥ ७॥

nītaṃ durvyasanairmahadbhiraśivodakaiḥ śive ! śaiśavaṃtāruṇyañca kalatraputrabharaṇādyarthepadarthehayā |kālatrāsavaśena samprati jaḍībhūto jarājarjaraḥśyāme ! tvaccaraṇaṃ vrajāmi śaraṇaṃ ganyantaraṃ nāsti me || 7||

सञ्चिन्त्यान्तकमन्ततोऽन्तिकतमं सन्त्रासपर्याकुलंस्वान्तं ध्वान्तमनन्तकं जननि ! मेऽशान्तं समुद्गाहते ।हन्ताश्वासय साम्प्रतं सकृदपि व्याहृत्य मा भैरितिश्यामे ! त्वच्चरणं व्रजामि शरणं गत्यन्तरं नास्ति मे ॥ ८॥

sañcintyāntakamantato'ntikatamaṃ santrāsaparyākulaṃsvāntaṃ dhvāntamanantakaṃ janani ! me'śāntaṃ samudgāhate |hantāśvāsaya sāmprataṃ sakṛdapi vyāhṛtya mā bhairitiśyāme ! tvaccaraṇaṃ vrajāmi śaraṇaṃ gatyantaraṃ nāsti me || 8||

माता रुदितमिदं मे मरणासन्नप्रसन्नमिश्रस्य ।शृणु शिवहृदयनिषण्णे बहुदयहृदयेऽवसन्नस्य ॥ ९॥

mātā ruditamidaṃ me maraṇāsannaprasannamiśrasya |śṛṇu śivahṛdayaniṣaṇṇe bahudayahṛdaye'vasannasya || 9||

इति पण्डितश्रीप्रसन्नमिश्रेण विरचितं शरणाष्टकं सम्पूर्णम् ।

iti paṇḍitaśrīprasannamiśreṇa viracitaṃ śaraṇāṣṭakaṃ sampūrṇam |