अखिलाण्डेश्वरी पुष्पमालास्तोत्रम् अथवा अक्षरमालिका Akhilandeshvari Pushpamala Stotram

अध्वातीतपदे अलङ्कृतशिवे अर्थान्तरर्थे परेअत्यर्थे अमलाशये अतिदये अर्धेन्दुभूषोज्ज्वले ।अध्यक्षे अमराङ्गनापरिवृते अध्यात्मविद्यामयेअव्यक्ते अचलाधिराजतनये वन्देऽखिलाण्डेश्वरि ॥ १॥

adhvātītapade alaṅkṛtaśive arthāntararthe pareatyarthe amalāśaye atidaye ardhendubhūṣojjvale |adhyakṣe amarāṅganāparivṛte adhyātmavidyāmayeavyakte acalādhirājatanaye vande'khilāṇḍeśvari || 1||

आद्ये आगमसम्प्रदायनिपुणे आचार्यवर्यार्चितेआधारादिसरोजपीठनिलये आलोलनीलालके ।आताम्राधरचारुमन्दहसिते आपीनवक्षोरुहेआब्रह्माच्युतशङ्करार्चितपदे वन्देऽखिलाण्डेश्वरि ॥ २॥

ādye āgamasampradāyanipuṇe ācāryavaryārciteādhārādisarojapīṭhanilaye ālolanīlālake |ātāmrādharacārumandahasite āpīnavakṣoruheābrahmācyutaśaṅkarārcitapade vande'khilāṇḍeśvari || 2||

इच्छाज्ञानसमस्तशक्तिसहिते इन्दीवरश्यामलेइन्द्रोपेन्द्रवरपदे इभवनाधीशे इनाराधिते ।इज्ये इन्दुनिभानने इभनुते इष्टार्थसिद्धिप्रदेइन्द्राणीनमिते इभाननसुते वन्देऽखिलाण्डेश्वरि ॥ ३॥

icchājñānasamastaśaktisahite indīvaraśyāmaleindropendravarapade ibhavanādhīśe inārādhite |ijye indunibhānane ibhanute iṣṭārthasiddhipradeindrāṇīnamite ibhānanasute vande'khilāṇḍeśvari || 3||

ईशे ईशविरिञ्चिशौरिवरदे ईड्यालि ईशात्मिकेईर्ष्यादूषितचित्तदूरचरणे ईशप्रिये ईश्वरि ।ईडये ईश्वरवामभागनिलये ईङ्कारक्लृप्तोदयेईशित्वादिमहाविभूतिनिलये वन्देऽखिलाण्डेश्वरि ॥ ४॥

īśe īśaviriñciśaurivarade īḍyāli īśātmikeīrṣyādūṣitacittadūracaraṇe īśapriye īśvari |īḍaye īśvaravāmabhāganilaye īṅkāraklṛptodayeīśitvādimahāvibhūtinilaye vande'khilāṇḍeśvari || 4||

उद्यद्भानुसहस्रकोटिकिरणे उर्वीधरेन्द्रात्मजेउत्फुल्लाम्बुजलोचने उभयकावेर्यन्तरालाश्रये ।उद्यच्चन्द्रनिभानने उरुतरे उच्चासने उज्ज्वलेउद्दामद्युतिपुञ्जमञ्जुलतरे वन्देऽखिलाण्डेश्वरि ॥ ५॥

udyadbhānusahasrakoṭikiraṇe urvīdharendrātmajeutphullāmbujalocane ubhayakāveryantarālāśraye |udyaccandranibhānane urutare uccāsane ujjvaleuddāmadyutipuñjamañjulatare vande'khilāṇḍeśvari || 5||

ऊहापोहविवेकबाह्यनिलये ऊनातिरिक्तोज्ज्वलेऊर्जस्वन्मणिमेखलाविलसिते ऊरीकृतार्थप्रिये ।ऊर्ध्वाधोद्भवयोगमूलनिलये ऊष्मापहारोज्ज्वलेऊधः क्षीरसुधाधृतत्रिभुवने वन्देऽखिलाण्डेश्वरि ॥ ६॥

ūhāpohavivekabāhyanilaye ūnātiriktojjvaleūrjasvanmaṇimekhalāvilasite ūrīkṛtārthapriye |ūrdhvādhodbhavayogamūlanilaye ūṣmāpahārojjvaleūdhaḥ kṣīrasudhādhṛtatribhuvane vande'khilāṇḍeśvari || 6||

ऋग्वेदादिनिषेविते ऋतुनते ऋद्धानुकम्पावहे ।ऋद्धामोदमुखेप्सिते ऋतुनुते ऋक्षौघसंसेविते ।ऋक्षाधीशकलान्विते ऋणतमोभास्वत्पदाम्भोरुहेऋद्।ह्ध्यापूरितविष्टपत्रयनुते वन्देऽखिलाण्डेश्वरि ॥ ७॥

ṛgvedādiniṣevite ṛtunate ṛddhānukampāvahe |ṛddhāmodamukhepsite ṛtunute ṛkṣaughasaṃsevite |ṛkṣādhīśakalānvite ṛṇatamobhāsvatpadāmbhoruheṛd|hdhyāpūritaviṣṭapatrayanute vande'khilāṇḍeśvari || 7||

रूपारूपसदाशिवान्तरगते रूपे सदा रूपिणिरूपातीतपरापरार्थनिलये रूढप्ररूढात्मिके ।नॄणां जन्मजरापहारनिलये नृत्राणकल्पद्रुमेनॄणां पापविमोचनाद्यफलदे वन्देऽखिलाण्डेश्वरि ॥ ८॥

rūpārūpasadāśivāntaragate rūpe sadā rūpiṇirūpātītaparāparārthanilaye rūḍhaprarūḍhātmike |nṝṇāṃ janmajarāpahāranilaye nṛtrāṇakalpadrumenṝṇāṃ pāpavimocanādyaphalade vande'khilāṇḍeśvari || 8||

क्लृप्ताशेषजगन्महेशनिलये क्लृप्ताङ्गरागोज्ज्वलेक्लृप्ताक्लृप्तविशङ्क्यमानविलसन्मध्यावलीरञ्जिते ।लिङ्गाराधनतत्परे लिकुचराजत्पाणिपङ्केरुहेक्लृप्ताकल्पमनोहराङ्गलतिके वन्देऽखिलाण्डेश्वरि ॥ ९॥

klṛptāśeṣajaganmaheśanilaye klṛptāṅgarāgojjvaleklṛptāklṛptaviśaṅkyamānavilasanmadhyāvalīrañjite |liṅgārādhanatatpare likucarājatpāṇipaṅkeruheklṛptākalpamanoharāṅgalatike vande'khilāṇḍeśvari || 9||

लूताधीशगजेन्द्रपूजितपदे लूनाहितेशान्विते।क्लीङ्काराङ्कित बिन्दुपीठनिलये क्लीङ्काररूपेडिते ।लूतातन्तुजडीकृतेशनिलये लूनाहिवल्लीदलेलूताक्ष्मापतिमुक्तिदातृमहिले वन्देऽखिलाण्डेश्वरि ॥ १०॥

lūtādhīśagajendrapūjitapade lūnāhiteśānvite|klīṅkārāṅkita bindupīṭhanilaye klīṅkārarūpeḍite |lūtātantujaḍīkṛteśanilaye lūnāhivallīdalelūtākṣmāpatimuktidātṛmahile vande'khilāṇḍeśvari || 10||

एके एकमहाम्बुराशिनिलये एकान्तक्लृप्तोदयेएकानेकतया विभक्तभुवने एकातपत्रोज्ज्वले ।एणीचारुविलोललोचनयुगे एकावलीभूषणेएतत्तत्त्वमयाणिमादिवरदे वन्देऽखिलाण्डेश्वरि ॥ ११॥

eke ekamahāmburāśinilaye ekāntaklṛptodayeekānekatayā vibhaktabhuvane ekātapatrojjvale |eṇīcāruvilolalocanayuge ekāvalībhūṣaṇeetattattvamayāṇimādivarade vande'khilāṇḍeśvari || 11||

ऐङ्कारासनमध्यपीठनिलये ऐन्द्रादिलोकप्रदेऐरावत्युपमानदेहलतिके ऐन्द्रादिशक्तीडिते ।ऐङ्काराक्षरवेदवेद्यविभवे ऐश्वर्यदानेक्षणेऐमैमित्यनुसन्दधानभुवने वन्देऽखिलाण्डेश्वरि ॥ १२॥

aiṅkārāsanamadhyapīṭhanilaye aindrādilokapradeairāvatyupamānadehalatike aindrādiśaktīḍite |aiṅkārākṣaravedavedyavibhave aiśvaryadānekṣaṇeaimaimityanusandadhānabhuvane vande'khilāṇḍeśvari || 12||

ओमित्येकपदावलीडितपदे ओजोविशेषान्वितेओष्ठाधावितबिम्बविद्रुमलते ओघत्रयाराधिते ।ओघैरप्सरसां सदापरिवृते ओताखिलार्थाधिपेओजोराजितवाग्विभूतिविनुते वन्देऽखिलाण्डेश्वरि ॥ १३॥

omityekapadāvalīḍitapade ojoviśeṣānviteoṣṭhādhāvitabimbavidrumalate oghatrayārādhite |oghairapsarasāṃ sadāparivṛte otākhilārthādhipeojorājitavāgvibhūtivinute vande'khilāṇḍeśvari || 13||

औशीरादिसुगन्धिशोभनकचे औत्पत्तिजालप्रियेऔदासीन्यविभिन्नदैत्यविभवे औपाधिकोपान्विते ।औदार्याकरपादपङ्कजयुगे औपम्यहीनाननेऔमाकान्तपदप्रदार्तिहपदे वन्देऽखिलाण्डेश्वरि ॥ १४॥

auśīrādisugandhiśobhanakace autpattijālapriyeaudāsīnyavibhinnadaityavibhave aupādhikopānvite |audāryākarapādapaṅkajayuge aupamyahīnānaneaumākāntapadapradārtihapade vande'khilāṇḍeśvari || 14||

अम्भोजासनमुख्यसेवितपदे अम्भोधरश्यामलेअङ्गाकल्पितरत्नभूषणशते अण्डौघसंसेविते ।अम्ब्वाकाशतया विभक्तभुवने अम्भोरुहाङ्घ्रिद्वयेअह्नायान्तकसूदनप्रियतमे वन्देऽखिलाण्डेश्वरि ॥ १५॥

ambhojāsanamukhyasevitapade ambhodharaśyāmaleaṅgākalpitaratnabhūṣaṇaśate aṇḍaughasaṃsevite |ambvākāśatayā vibhaktabhuvane ambhoruhāṅghridvayeahnāyāntakasūdanapriyatame vande'khilāṇḍeśvari || 15||

अस्ताघे अवनम्रदेवनिवहे अस्तोकभाग्योदयेअर्धाधिक्यमनोहरे अचलजे अष्टाक्षरैरर्चिते ।अर्घातीतमनोज्ञभूषणशते अक्षीणसौभाग्यदेअर्काम्भोरुहवैरिवह्निनयने वन्देऽखिलाण्डेश्वरि ॥ १६॥

astāghe avanamradevanivahe astokabhāgyodayeardhādhikyamanohare acalaje aṣṭākṣarairarcite |arghātītamanojñabhūṣaṇaśate akṣīṇasaubhāgyadearkāmbhoruhavairivahninayane vande'khilāṇḍeśvari || 16||

कावेरीपुलिनालये कमलजे कामारिवामालयेकारुण्यामृतलोचने कविनुते कन्दर्पकान्तिप्रदे ।कल्याणि क्षितिलोककल्पलतिके कारुण्यवारान्निधेकालाम्भोधरकम्रकुण्डलधरे वन्देऽखिलाण्डेश्वरि ॥ १७॥

kāverīpulinālaye kamalaje kāmārivāmālayekāruṇyāmṛtalocane kavinute kandarpakāntiprade |kalyāṇi kṣitilokakalpalatike kāruṇyavārānnidhekālāmbhodharakamrakuṇḍaladhare vande'khilāṇḍeśvari || 17||

खर्वाटे खगकेतनानुजवरे खट्वाङ्गपाणिस्तुतेखर्वाखर्वविवर्जिते खगमयूखाराधिते खड्गिनि ।खद्योतेशवरप्रदे खगनुते खद्योतकोटिप्रभेखण्डेन्दूज्ज्वलशेखरे खगचरे वन्देऽखिलाण्डेश्वरि ॥ १८॥

kharvāṭe khagaketanānujavare khaṭvāṅgapāṇistutekharvākharvavivarjite khagamayūkhārādhite khaḍgini |khadyoteśavaraprade khaganute khadyotakoṭiprabhekhaṇḍendūjjvalaśekhare khagacare vande'khilāṇḍeśvari || 18||

गङ्गावर्तसमाननाभिकुहरे गण्डोज्ज्वलत्कुण्डलेगन्धर्वासुरसिद्धकिन्नरनुते गन्धोत्तमालेपिते ।गम्भीरामृतसिन्धुमध्यनिलये गाम्भीर्यधैर्याधिकेगङ्गोत्तुङ्गतरङ्गशेखरयुते वन्देऽखिलाण्डेश्वरि ॥ १९॥

gaṅgāvartasamānanābhikuhare gaṇḍojjvalatkuṇḍalegandharvāsurasiddhakinnaranute gandhottamālepite |gambhīrāmṛtasindhumadhyanilaye gāmbhīryadhairyādhikegaṅgottuṅgataraṅgaśekharayute vande'khilāṇḍeśvari || 19||

गीतानन्दमये गिरीशनमिते गीतप्रियाराधितेगीतोल्लासिनि गीयमानचरिते गीर्नाथसंसेविते ।गीष्पद्मावरदे गिरीन्द्रनिलये गीर्वाणवृन्दाञ्चितेगीते गीतमनोहरे गिरिसुते वन्देऽखिलाण्डेश्वरि ॥ २०॥

gītānandamaye girīśanamite gītapriyārādhitegītollāsini gīyamānacarite gīrnāthasaṃsevite |gīṣpadmāvarade girīndranilaye gīrvāṇavṛndāñcitegīte gītamanohare girisute vande'khilāṇḍeśvari || 20||

गुप्ते गुप्ततरे गुहेशवरदे गुच्छोज्ज्वलन्मल्लिकेगुह्याचारगते गुरुस्तनभरे गुच्छार्धहारोज्ज्वले ।गुल्फस्थे गुणमन्दिरे गुरुवरे गुल्फोल्लसन्नूपुरेगूढार्थान्तगते गुरूत्तमनुते वन्देऽखिलाण्डेश्वरि । २१घण्टाघोरनिनादघातितमहादैत्ये घनश्यामलेघर्माघर्ममयूखवह्निनयने घर्मप्रशान्तिप्रदे ।घोराघोरविघोषदानवगणप्रोद्घुष्टघोरारवेघोराघौघनिवारणे घननिभे वन्देऽखिलाण्डेश्वरि ॥ २२॥

gupte guptatare guheśavarade gucchojjvalanmallikeguhyācāragate gurustanabhare gucchārdhahārojjvale |gulphasthe guṇamandire guruvare gulphollasannūpuregūḍhārthāntagate gurūttamanute vande'khilāṇḍeśvari | 21ghaṇṭāghoraninādaghātitamahādaitye ghanaśyāmalegharmāgharmamayūkhavahninayane gharmapraśāntiprade |ghorāghoravighoṣadānavagaṇaprodghuṣṭaghorāraveghorāghaughanivāraṇe ghananibhe vande'khilāṇḍeśvari || 22||

चातुर्वर्ग्यफलप्रदे सुचरिते चामुण्डिरूपोत्तरेचक्राधिष्ठितपादपद्मचतुरे चन्द्रानने चण्डिके ।चन्द्रोपेन्द्रचराचरात्मकजगद्रूपे चलत्कुण्डलेचञ्चल्लोचनवञ्चितेश्वरशिवे वन्देऽखिलाण्डेश्वरि ॥ २३॥

cāturvargyaphalaprade sucarite cāmuṇḍirūpottarecakrādhiṣṭhitapādapadmacature candrānane caṇḍike |candropendracarācarātmakajagadrūpe calatkuṇḍalecañcallocanavañciteśvaraśive vande'khilāṇḍeśvari || 23||

छिद्रघ्नस्मितचन्द्रिकाधवलिते छायेश्वरद्योतितेछन्दान्दोलितभूषणाङ्कितगले छन्दश्रियालङ्कृते ।छायाधीश धनञ्जयेन्दुनयने छन्नान्धकारारुणेछन्दोवृन्दमहस्सुकान्तिनिलये वन्देऽखिलाण्डेश्वरि ॥ २४॥

chidraghnasmitacandrikādhavalite chāyeśvaradyotitechandāndolitabhūṣaṇāṅkitagale chandaśriyālaṅkṛte |chāyādhīśa dhanañjayendunayane channāndhakārāruṇechandovṛndamahassukāntinilaye vande'khilāṇḍeśvari || 24||

जम्बूमूलनिधे जनार्दननुते जम्भारिसम्भावितेजम्बूद्वीपमनोज्ञकल्पलतिके जह्न्वात्मजाशेखरे ।जन्मव्याधिजरापहे जलमये जाम्बूनदालङ्कृतेजम्बूनाथमनोहरे जननुते वन्देऽखिलाण्डेश्वरि ॥ २५॥

jambūmūlanidhe janārdananute jambhārisambhāvitejambūdvīpamanojñakalpalatike jahnvātmajāśekhare |janmavyādhijarāpahe jalamaye jāmbūnadālaṅkṛtejambūnāthamanohare jananute vande'khilāṇḍeśvari || 25||

झञ्झावाततरङ्गितप्रविमल श्रीनिर्झराप्लावितेझङ्कारीकृतषट्पदालकभरे झाटित्यबुद्धिप्रदे ।झर्झारारवभूषणे झलझलन्मञ्जीरपादाम्बुजेझल्लीमद्दलझर्झरस्वननुते वन्देऽखिलाण्डेश्वरि ॥ २६॥

jhañjhāvātataraṅgitapravimala śrīnirjharāplāvitejhaṅkārīkṛtaṣaṭpadālakabhare jhāṭityabuddhiprade |jharjhārāravabhūṣaṇe jhalajhalanmañjīrapādāmbujejhallīmaddalajharjharasvananute vande'khilāṇḍeśvari || 26||

ज्ञानानन्दमहासमुद्रतरणे ज्ञानात्मरूपापरेज्ञानज्ञेयमये त्वदङ्घ्रिभजतां ज्ञानप्रदेऽज्ञानिनाम् ।ज्ञानाज्ञानमयस्वरूपिणि शिवज्ञानप्रकाशप्रदेज्ञातिक्षेत्रकलत्रधान्यधनदे वन्देऽखिलाण्डेश्वरि ॥ २७॥

jñānānandamahāsamudrataraṇe jñānātmarūpāparejñānajñeyamaye tvadaṅghribhajatāṃ jñānaprade'jñāninām |jñānājñānamayasvarūpiṇi śivajñānaprakāśapradejñātikṣetrakalatradhānyadhanade vande'khilāṇḍeśvari || 27||

टक्काद्यायुधभूषणोज्ज्वलकरे ठावेक्ष्यमानाननेडिम्भाहुङ्कृतढङ्कृतासुरशरे डोलाडिढेशस्मिते ।डिम्भाकारतया सुपालितजने ढक्कारवोद्घोषितेढण्ढण्डेति झटिक्वणादिमहिते वन्देऽखिलाण्डेश्वरि ॥ २८॥

ṭakkādyāyudhabhūṣaṇojjvalakare ṭhāvekṣyamānānaneḍimbhāhuṅkṛtaḍhaṅkṛtāsuraśare ḍolāḍiḍheśasmite |ḍimbhākāratayā supālitajane ḍhakkāravodghoṣiteḍhaṇḍhaṇḍeti jhaṭikvaṇādimahite vande'khilāṇḍeśvari || 28||

तत्त्वार्थप्रतिपाद्यमानचरणे तत्त्वत्रयोद्दीपिकेतत्त्वातीतपदे तपोधननुते तारेशचूडामणे ।तारुण्यामृतसिन्धुमध्यलतिके तार्क्ष्यध्वजाराधितेतापिच्छस्तबकद्युते तनुलते वन्देऽखिलाण्डेश्वरि ॥ २९॥

tattvārthapratipādyamānacaraṇe tattvatrayoddīpiketattvātītapade tapodhananute tāreśacūḍāmaṇe |tāruṇyāmṛtasindhumadhyalatike tārkṣyadhvajārādhitetāpicchastabakadyute tanulate vande'khilāṇḍeśvari || 29||

स्थाणुप्रेमनिधे स्थितीशमहिते स्थैर्यस्थिते स्थापिकेस्थानास्थानकृतार्थदेहिनिवहस्थित्यन्तसर्गोद्यते ।स्थानाधिक्यमनोहरे स्थिरतरस्थाण्वन्तरालाश्रयेस्थूलागोचरदर्शने स्थितिमये वन्देऽखिलाण्डेश्वरि ॥ ३०॥

sthāṇupremanidhe sthitīśamahite sthairyasthite sthāpikesthānāsthānakṛtārthadehinivahasthityantasargodyate |sthānādhikyamanohare sthiratarasthāṇvantarālāśrayesthūlāgocaradarśane sthitimaye vande'khilāṇḍeśvari || 30||

दाक्षाचारवरप्रदे दमयुते दक्षे दयाङ्कूरितेदान्ते द्रष्टृमनोहरद्विजवरे दन्तावलाराधिते ।दानादानविदानचोदनपरे दातृस्वरूपापरेदैन्याध्यात्मिकतापहारिचरणे वन्देऽखिलाण्डेश्वरि ॥ ३१॥

dākṣācāravaraprade damayute dakṣe dayāṅkūritedānte draṣṭṛmanoharadvijavare dantāvalārādhite |dānādānavidānacodanapare dātṛsvarūpāparedainyādhyātmikatāpahāricaraṇe vande'khilāṇḍeśvari || 31||

दिव्यज्ञानमये दिवाकरनिभे दिव्याम्बरालङ्कृतेदिव्यस्त्रीजनसेविते द्विजमये दीक्षाप्रदानोद्यते ।दीप्ते दीप्तशशाङ्कवह्निनयने दीनादिमुक्तिप्रदेदिक्पालादिदिगम्बरार्चितपदे वन्देऽखिलाण्डेश्वरि ॥ ३२॥

divyajñānamaye divākaranibhe divyāmbarālaṅkṛtedivyastrījanasevite dvijamaye dīkṣāpradānodyate |dīpte dīptaśaśāṅkavahninayane dīnādimuktipradedikpālādidigambarārcitapade vande'khilāṇḍeśvari || 32||

दुर्भिक्षादिसमस्तदुःखहरणे दुःशीलतापापहेदुर्गाद्यावृतिदेवतार्चितपदे दूर्वाङ्कुरश्यामले ।दुर्लक्ष्यागमचित्तदूरचरिते दुर्गादिवस्यापरेदुर्वासादिमुनीश्वरस्तुतिपदे वन्देऽखिलाण्डेश्वरि ॥ ३३॥

durbhikṣādisamastaduḥkhaharaṇe duḥśīlatāpāpahedurgādyāvṛtidevatārcitapade dūrvāṅkuraśyāmale |durlakṣyāgamacittadūracarite durgādivasyāparedurvāsādimunīśvarastutipade vande'khilāṇḍeśvari || 33||

धर्मिष्ठे धरणीधरेन्द्रतनये धाराधरोद्यत्प्रभेधम्मिल्लाञ्चितमल्लिकादिकुसुमे धर्मादिसंसेविते ।धर्माद्यर्थचतुष्टयस्थितिपदेधामत्रयाराधितेधन्ये धार्मिकचित्तनित्यनिलये वन्देऽखिलाण्डेश्वरि ॥ ३४॥

dharmiṣṭhe dharaṇīdharendratanaye dhārādharodyatprabhedhammillāñcitamallikādikusume dharmādisaṃsevite |dharmādyarthacatuṣṭayasthitipadedhāmatrayārādhitedhanye dhārmikacittanityanilaye vande'khilāṇḍeśvari || 34||

नानारत्नविभूषणे नवघनश्यामे नटेशप्रियेनक्षत्रेशधरे नगेन्द्रनिलये नागारिवाहानुजे ।नानादेववृते नरोत्तमनुते नाथे नृमुक्तिप्रदेनाकौकोगणनम्यमानचरणे वन्देऽखिलाण्डेश्वरि ॥ ३५॥

nānāratnavibhūṣaṇe navaghanaśyāme naṭeśapriyenakṣatreśadhare nagendranilaye nāgārivāhānuje |nānādevavṛte narottamanute nāthe nṛmuktipradenākaukogaṇanamyamānacaraṇe vande'khilāṇḍeśvari || 35||

नीहाराचलकन्यके निगमगे नित्यात्मिके निर्मलेनिःशेषाण्डसुमातृके निशिचराराध्ये निशीशाङ्कि(ञ्चि)ते ।नीपारण्यनिवासनित्यरसिके निर्निद्रपद्मेक्षणेनिःशोकाकृतिके निरञ्जनपदे वन्देऽखिलाण्डेश्वरि ॥ ३६॥

nīhārācalakanyake nigamage nityātmike nirmaleniḥśeṣāṇḍasumātṛke niśicarārādhye niśīśāṅki(ñci)te |nīpāraṇyanivāsanityarasike nirnidrapadmekṣaṇeniḥśokākṛtike nirañjanapade vande'khilāṇḍeśvari || 36||

पद्मे पद्मनिभानने परतरे पद्मार्चिताङ्घ्रिद्वयेपद्मस्ते परदानवारिविनुते पद्मासनाराधिते ।पद्मास्ये परलोकसाधनपरे पञ्चाक्षरालङ्कृतेपक्षापक्षविवर्जिते परशिवे वन्देऽखिलाण्डेश्वरि ॥ ३७॥

padme padmanibhānane paratare padmārcitāṅghridvayepadmaste paradānavārivinute padmāsanārādhite |padmāsye paralokasādhanapare pañcākṣarālaṅkṛtepakṣāpakṣavivarjite paraśive vande'khilāṇḍeśvari || 37||

फुल्लाम्भोजदलेक्षणेन्दुविकृतालीकाभिरामाननेफूत्काराहिफणाधरेन्द्ररमणीनृत्तान्तरालस्थिते ।स्फायत्पण्डितसूक्तिमर्मविभवे स्फाटिक्यतेजोमयस्फूर्जत्कान्तिमये फणीन्द्रवरदे वन्देऽखिलाण्डेश्वरि ॥ ३८॥

phullāmbhojadalekṣaṇenduvikṛtālīkābhirāmānanephūtkārāhiphaṇādharendraramaṇīnṛttāntarālasthite |sphāyatpaṇḍitasūktimarmavibhave sphāṭikyatejomayasphūrjatkāntimaye phaṇīndravarade vande'khilāṇḍeśvari || 38||

बालेऽबालपराक्रमे बहुविधे बालप्रवालाधरेबालादित्यसमप्रभे बहुनुते बालेन्दुभूषोज्ज्वले ।बन्धुकारुणविग्रहे बहुविधब्रह्माण्डभाण्डोदरिब्रह्मागस्त्यसुरेन्द्रवन्दितपदे वन्देऽखिलाण्डेश्वरि ॥ ३९॥

bāle'bālaparākrame bahuvidhe bālapravālādharebālādityasamaprabhe bahunute bālendubhūṣojjvale |bandhukāruṇavigrahe bahuvidhabrahmāṇḍabhāṇḍodaribrahmāgastyasurendravanditapade vande'khilāṇḍeśvari || 39||

भावातीतपदप्रवर्तितगुणे भाषे भवाराधितेभावाद्ये भवरोगभञ्जनकरे भद्रे भयच्छेदिनि ।भव्ये भाग्यवदुत्तमेड्यचरणे भागीरथीशान्वितेभास्वच्चन्द्रविलोचनार्चितपदे वन्देऽखिलाण्डेश्वरि ॥ ४०॥

bhāvātītapadapravartitaguṇe bhāṣe bhavārādhitebhāvādye bhavarogabhañjanakare bhadre bhayacchedini |bhavye bhāgyavaduttameḍyacaraṇe bhāgīrathīśānvitebhāsvaccandravilocanārcitapade vande'khilāṇḍeśvari || 40||

माये मन्मथसेविते मरकतश्यामे मनोज्ञामलेमायामोहविवर्जिते मणिमयाकल्पे महामञ्जुले ।मायातीतमहामुनीद्रवरदे माणिक्यकेयूरकेमालालङ्करणे मतङ्गतनये वन्देऽखिलाण्डेश्वरि ॥ ४१॥

māye manmathasevite marakataśyāme manojñāmalemāyāmohavivarjite maṇimayākalpe mahāmañjule |māyātītamahāmunīdravarade māṇikyakeyūrakemālālaṅkaraṇe mataṅgatanaye vande'khilāṇḍeśvari || 41||

मित्राग्नीन्दुविलोचने मिहिरभे मीनोल्लसल्लोचनेमिथ्याज्ञानमनोऽतिदूरचरणे मीनध्वजाराधिते ।मीमांसादि समस्त शास्त्रमहिते मृष्टान्नदानोद्यमेमित्रोद्भासिनि मित्रवह्निविनुते वन्देऽखिलाण्डेश्वरि ॥ ४२॥

mitrāgnīnduvilocane mihirabhe mīnollasallocanemithyājñānamano'tidūracaraṇe mīnadhvajārādhite |mīmāṃsādi samasta śāstramahite mṛṣṭānnadānodyamemitrodbhāsini mitravahnivinute vande'khilāṇḍeśvari || 42||

मुग्धे मुग्धशशाङ्कशेखरयुते मूलागमार्थोदयेमुक्ते मूषिकवाहनार्चितपदे मूर्तित्रयाराधिते ।मलाधारगते मुखाब्जविलसन्मुग्धस्मिते मुक्तिदेमुद्रामोदितमानसे मुनिनुते वन्देऽखिलाण्डेश्वरि ॥ ४३॥

mugdhe mugdhaśaśāṅkaśekharayute mūlāgamārthodayemukte mūṣikavāhanārcitapade mūrtitrayārādhite |malādhāragate mukhābjavilasanmugdhasmite muktidemudrāmoditamānase muninute vande'khilāṇḍeśvari || 43||

यज्ञे यज्ञफलप्रदे यमनुते यक्षेश्वराराधितेयक्ष्मघ्ने यमसूदनप्रियतमे यज्ञेशसम्पूजिते ।यन्त्रस्थे यतिपूजिते यतिकृतश्रीचक्रभूषोज्ज्वलेयक्षिण्यादिसमस्तशक्तिविनुते वन्देऽखिलाण्डेश्वरि ॥ ४४॥

yajñe yajñaphalaprade yamanute yakṣeśvarārādhiteyakṣmaghne yamasūdanapriyatame yajñeśasampūjite |yantrasthe yatipūjite yatikṛtaśrīcakrabhūṣojjvaleyakṣiṇyādisamastaśaktivinute vande'khilāṇḍeśvari || 44||

रामे रामवरप्रदे रसकले राजीवपत्रार्चितेराकाचन्द्रनिभे रमार्चितपदे राजाधिराजानते ।रम्ये राजतशैलशृङ्गनिलये रत्याप्तपत्या नुतेरागद्वेषविहीनचित्तसुलभे वन्देऽखिलाण्डेश्वरि ॥ ४५॥

rāme rāmavaraprade rasakale rājīvapatrārciterākācandranibhe ramārcitapade rājādhirājānate |ramye rājataśailaśṛṅganilaye ratyāptapatyā nuterāgadveṣavihīnacittasulabhe vande'khilāṇḍeśvari || 45||

लावण्याम्बुनिधे ललाटनयने लम्बोदराराधितेलाक्षारञ्जितपादपद्मयुगले लम्बालकोद्भासिते ।लङ्केशारिनुते लयोद्भवकरे लक्ष्मीपतीड्यप्रियेलक्ष्यालक्ष्यमनोज्ञमध्यलतिके वन्देऽखिलाण्डेश्वरि ॥ ४६॥

lāvaṇyāmbunidhe lalāṭanayane lambodarārādhitelākṣārañjitapādapadmayugale lambālakodbhāsite |laṅkeśārinute layodbhavakare lakṣmīpatīḍyapriyelakṣyālakṣyamanojñamadhyalatike vande'khilāṇḍeśvari || 46||

वाच्ये (वामे) वारिजलोचनार्चितपदे वाग्देवताऽऽराधितेवामाद्ये वरशैलराजतनये वामादिशक्त्यात्मिके ।वश्याकर्षणसिद्धिमूलगुलिके वादित्रनादप्रियेवाणीवल्लभवज्रपाणिवरदे वन्देऽखिलाण्डेश्वरि ॥ ४७॥

vācye (vāme) vārijalocanārcitapade vāgdevatā''rādhitevāmādye varaśailarājatanaye vāmādiśaktyātmike |vaśyākarṣaṇasiddhimūlagulike vāditranādapriyevāṇīvallabhavajrapāṇivarade vande'khilāṇḍeśvari || 47||

शान्ते शङ्करवल्लभे शशियुते शातोदरि श्यामलेशङ्काहीनविशोकदे शतमखाराध्ये शशाङ्कानने ।शक्ते शक्तिधरार्चिते शमधनाधीशार्चिते शारदेशैवाद्यागमपारगे शमधने वन्देऽखिलाण्डेश्वरि ॥ ४८॥

śānte śaṅkaravallabhe śaśiyute śātodari śyāmaleśaṅkāhīnaviśokade śatamakhārādhye śaśāṅkānane |śakte śaktidharārcite śamadhanādhīśārcite śāradeśaivādyāgamapārage śamadhane vande'khilāṇḍeśvari || 48||

षट्चक्रान्तगते षडक्षरमये षट्त्रिंशतत्त्वात्मिकेषट्पद्मान्तपुरे षडानननुते षट्कोणसम्भाविते ।षड्वक्त्रद्विपवक्त्ररामवरदे षड्ग्रन्थिवन्द्यात्मिकेषट्शक्तिप्रभवात्मनः प्रियतमे वन्देऽखिलाण्डेश्वरि ॥ ४९॥

ṣaṭcakrāntagate ṣaḍakṣaramaye ṣaṭtriṃśatattvātmikeṣaṭpadmāntapure ṣaḍānananute ṣaṭkoṇasambhāvite |ṣaḍvaktradvipavaktrarāmavarade ṣaḍgranthivandyātmikeṣaṭśaktiprabhavātmanaḥ priyatame vande'khilāṇḍeśvari || 49||

सर्वाभीष्टफलप्रदे सुमतिभिः संसेविते सात्त्विकैःसर्वालङ्करणे सदाशिवमये सम्पत्करे साक्षिणि ।सादिस्थे सरसीरुहाक्षियुगले सङ्घट्टवक्षोरुहेसाक्षात्कारिणि सर्वलोकवरदे वन्देऽखिलाण्डेश्वरि ॥ ५०॥

sarvābhīṣṭaphalaprade sumatibhiḥ saṃsevite sāttvikaiḥsarvālaṅkaraṇe sadāśivamaye sampatkare sākṣiṇi |sādisthe sarasīruhākṣiyugale saṅghaṭṭavakṣoruhesākṣātkāriṇi sarvalokavarade vande'khilāṇḍeśvari || 50||

हाहाकाररवैस्त्रिभिः स्तुतपदे हाराभिरामेऽसमेहंसोल्लासितरम्यविश्वविभवे हम्बीजमूलाङ्कुरे ।हस्थे हस्तिवनालये हरिहरब्रह्मेन्द्रवन्द्येश्वरिहंसातीतपदे हकारचरिते वन्देऽखिलाण्डेश्वरि ॥ ५१॥

hāhākāraravaistribhiḥ stutapade hārābhirāme'samehaṃsollāsitaramyaviśvavibhave hambījamūlāṅkure |hasthe hastivanālaye hariharabrahmendravandyeśvarihaṃsātītapade hakāracarite vande'khilāṇḍeśvari || 51||

ळम्बीजे लकुळे लतामृदुतनो ळङ्कारसम्पूजितेळम्बीजेन सुलक्षितेड्यविभवे क्लीङ्काररूपान्विते ।ळान्ते हन्त गरे जवात्समुदिते त्रस्तान्सुरान्वीक्ष्य तत्ळान्ते के विनियच्छदीशमहिळे वन्देऽखिलाण्डेश्वरि ॥ ५२॥

ḷambīje lakuḷe latāmṛdutano ḷaṅkārasampūjiteḷambījena sulakṣiteḍyavibhave klīṅkārarūpānvite |ḷānte hanta gare javātsamudite trastānsurānvīkṣya tatḷānte ke viniyacchadīśamahiḷe vande'khilāṇḍeśvari || 52||

क्षोणीशाग्र्यपदैकलक्षणविधिक्षेपप्रमाणेक्षणेक्षिप्रादक्षिणकुक्षिशिक्षणमनःक्षेत्रज्ञसंरक्षिणि ।त्र्यक्षालक्ष्यतितिक्षुदक्षदमनक्षान्तान्तसंवीक्षणेक्षन्तव्यं क्षितिभृत्सुते स्तुतिवचः क्षुद्रं मदीयं शिवे ॥ ५३॥

kṣoṇīśāgryapadaikalakṣaṇavidhikṣepapramāṇekṣaṇekṣiprādakṣiṇakukṣiśikṣaṇamanaḥkṣetrajñasaṃrakṣiṇi |tryakṣālakṣyatitikṣudakṣadamanakṣāntāntasaṃvīkṣaṇekṣantavyaṃ kṣitibhṛtsute stutivacaḥ kṣudraṃ madīyaṃ śive || 53||

इति गिरिवरपुत्रीपादराजीवभूषाभुवनममलयन्ती सूक्तिसौरभ्यसारैः ।शिवपदमकरन्दस्यन्दिनी मन्निदानामदयतु कविभृङ्गान्मातृकापुष्पम् ॥ ५४॥

iti girivaraputrīpādarājīvabhūṣābhuvanamamalayantī sūktisaurabhyasāraiḥ |śivapadamakarandasyandinī mannidānāmadayatu kavibhṛṅgānmātṛkāpuṣpam || 54||

इति अखिलाण्डेश्वरीपुष्पमालास्तोत्रं सम्पूर्णम् ।अक्षरमालिका

iti akhilāṇḍeśvarīpuṣpamālāstotraṃ sampūrṇam |akṣaramālikā