दत्तात्रेयस्तोत्रम् ०९ Shri Dattatreya Stotram 9

नमस्तेऽनसूयासुतायार्तिहन्त्रे नमस्तेऽत्रिपुत्राय सर्वाधिहन्त्रे ।नमस्तेऽवधूताय लोकैकभर्त्रे नमस्ते समस्तेडितायादिकर्त्रे ॥ १॥

namaste'nasūyāsutāyārtihantre namaste'triputrāya sarvādhihantre |namaste'vadhūtāya lokaikabhartre namaste samasteḍitāyādikartre || 1||

नमस्ते मखादिक्रियाऽपापकर्त्रे नमस्ते जगत्साक्षिणे ते विकर्त्रे ।नमस्तेऽसुरारातये भक्तपात्रे नमस्तेऽखिलस्यास्य पित्रे च मात्रे ॥ २॥

namaste makhādikriyā'pāpakartre namaste jagatsākṣiṇe te vikartre |namaste'surārātaye bhaktapātre namaste'khilasyāsya pitre ca mātre || 2||

नमस्ते जगन्मानसप्रेरकाय नमस्ते जगद्यन्त्रसञ्चालकाय ।नमो योगिवर्य प्रभो मे प्रसीद नमो भिक्षुवन्द्य प्रभो मे प्रसीद ॥ ३॥

namaste jaganmānasaprerakāya namaste jagadyantrasañcālakāya |namo yogivarya prabho me prasīda namo bhikṣuvandya prabho me prasīda || 3||

भुजङ्गप्रयातेडितास्मासु माला भुजङ्गप्रयातोपमं ते विशाला ।भवं नाशयित्वा वसत्वीशमूर्तिः शिवङ्कर्यपीड्याधिहन्त्री च कीर्तिः ॥ ४॥

bhujaṅgaprayāteḍitāsmāsu mālā bhujaṅgaprayātopamaṃ te viśālā |bhavaṃ nāśayitvā vasatvīśamūrtiḥ śivaṅkaryapīḍyādhihantrī ca kīrtiḥ || 4||

इति श्रीवासुदेवानन्दसरस्वतीविरचितं श्रीदत्तात्रेयस्तोत्रं सम्पूर्णम् ।

iti śrīvāsudevānandasarasvatīviracitaṃ śrīdattātreyastotraṃ sampūrṇam |