दशावतारमङ्गलाशासनम् Shri Dashavatara Mangalashasanam

आदावम्बुजसम्भवादिविनुतः शान्तोऽच्युतः शाश्वतःसम्फुल्लामलपुण्डरीकनयनः पुण्यः पुराणः पुमान् ।लोकेशः श्रुतिचोरसोमकहरो मत्स्यावतारो हरिःश्रीमान् सिंहगिरीश्वरः करुणया दद्यात्सदा मङ्गलम् ॥ १॥

ādāvambujasambhavādivinutaḥ śānto'cyutaḥ śāśvataḥsamphullāmalapuṇḍarīkanayanaḥ puṇyaḥ purāṇaḥ pumān |lokeśaḥ śruticorasomakaharo matsyāvatāro hariḥśrīmān siṃhagirīśvaraḥ karuṇayā dadyātsadā maṅgalam || 1||

सप्तद्वीपकुलाचलेन्द्रजलधिस्तोमाभिसङ्क्रान्तभूभारालीढफणीन्द्रमन्दरधरो मन्दारमालार्चितः ।भावज्ञो बहुचक्रलाञ्छिततनुः कूर्मावतारो हरिःश्रीमान सिंहगिरीश्वरः करुणया दद्यात्सदा मङ्गलम् ॥ २॥

saptadvīpakulācalendrajaladhistomābhisaṅkrāntabhūbhārālīḍhaphaṇīndramandaradharo mandāramālārcitaḥ |bhāvajño bahucakralāñchitatanuḥ kūrmāvatāro hariḥśrīmāna siṃhagirīśvaraḥ karuṇayā dadyātsadā maṅgalam || 2||

लीलालोडितसर्वसागरजलः सम्पूर्णचन्द्रप्रभोहेमाक्षासुरखण्डनो भुजगदः चक्राङ्कितः सन्ततम् ।दंष्ट्राग्रोद्धृतमेदिनीभयहरः क्रोडावतारो हरिःश्रीमान् सिंहगिरीश्वरः करुणया दद्यात्सदा मङ्गलम् ॥ ३॥

līlāloḍitasarvasāgarajalaḥ sampūrṇacandraprabhohemākṣāsurakhaṇḍano bhujagadaḥ cakrāṅkitaḥ santatam |daṃṣṭrāgroddhṛtamedinībhayaharaḥ kroḍāvatāro hariḥśrīmān siṃhagirīśvaraḥ karuṇayā dadyātsadā maṅgalam || 3||

कुन्देन्दुस्फटिकप्रभो बहुभुजो भूषासहस्रोज्ज्वलोदैत्येन्द्रोदरदारणेऽतिनिपुणः स्तम्भोद्भवो भीषणः ।प्रह्लादार्तिहरोदयो नरमृगाकारावतारो हरिःश्रीमान् सिंहगिरीश्वरः करुणया दद्यात्सदा मङ्गलम् ॥ ४॥

kundendusphaṭikaprabho bahubhujo bhūṣāsahasrojjvalodaityendrodaradāraṇe'tinipuṇaḥ stambhodbhavo bhīṣaṇaḥ |prahlādārtiharodayo naramṛgākārāvatāro hariḥśrīmān siṃhagirīśvaraḥ karuṇayā dadyātsadā maṅgalam || 4||

धातृक्षालितपादपङ्कजभवस्रोतोमहाशाम्बरःप्रक्षालीकृतपादपद्मयुगलो बालो जगज्जीवनः ।भिक्षार्थी बलिदर्पहा पटुवटुः खर्वावतारो हरिःश्रीमान् सिंहगिरीश्वरः करुणया दद्यात्सदा मङ्गलम् ॥ ५॥

dhātṛkṣālitapādapaṅkajabhavasrotomahāśāmbaraḥprakṣālīkṛtapādapadmayugalo bālo jagajjīvanaḥ |bhikṣārthī balidarpahā paṭuvaṭuḥ kharvāvatāro hariḥśrīmān siṃhagirīśvaraḥ karuṇayā dadyātsadā maṅgalam || 5||

सद्यःखण्डितराजमण्डलशरीरोद्भूतरक्तापगासंसिक्ताखिलभूतलः पितृवचःसम्पालने निष्ठितः ।वेदज्ञो जमदग्निजः परशुभृद्रामावतारो हरिःश्रीमान् सिंहगिरीश्वरः करुणया दद्यात्सदा मङ्गलम् ॥ ६॥

sadyaḥkhaṇḍitarājamaṇḍalaśarīrodbhūtaraktāpagāsaṃsiktākhilabhūtalaḥ pitṛvacaḥsampālane niṣṭhitaḥ |vedajño jamadagnijaḥ paraśubhṛdrāmāvatāro hariḥśrīmān siṃhagirīśvaraḥ karuṇayā dadyātsadā maṅgalam || 6||

राजेन्द्रो रणरङ्गराजविनुतानेकासुराभासुराकारो रावणकोटिखण्डनपटुः कोदण्डदीक्षागुरुः ।सीतेशः सुरसज्जनामृतकरो रामावतारो हरिःश्रीमान् सिंहगिरीश्वरः करुणया दद्यात्सदा मङ्गलम् ॥ ७॥

rājendro raṇaraṅgarājavinutānekāsurābhāsurākāro rāvaṇakoṭikhaṇḍanapaṭuḥ kodaṇḍadīkṣāguruḥ |sīteśaḥ surasajjanāmṛtakaro rāmāvatāro hariḥśrīmān siṃhagirīśvaraḥ karuṇayā dadyātsadā maṅgalam || 7||

कालिन्दीजलभेदनो बहुभुजो भूषासमुद्भासुरःप्रध्वंसी मुसलायुधो हलधरो नीलाम्बरो निर्मलः ।लावण्याप्पतिरेवतीपतिरसौ रामावतारो हरिःश्रीमान् सिंहगिरीश्वरः करुणया दद्यात्सदा भङ्गलम् ॥ ८॥

kālindījalabhedano bahubhujo bhūṣāsamudbhāsuraḥpradhvaṃsī musalāyudho haladharo nīlāmbaro nirmalaḥ |lāvaṇyāppatirevatīpatirasau rāmāvatāro hariḥśrīmān siṃhagirīśvaraḥ karuṇayā dadyātsadā bhaṅgalam || 8||

धर्मज्ञत्रिपुराधिनाथवनिताधर्मोपदेष्टा च तत्पातिव्रत्यविशेषभञ्जनपरो वेदान्तवेद्यः सदा ।दैत्यव्रातविनाशनादिचतुरो बुद्धावतारो हरिःश्रीमान् सिंहगिरीश्वरः करुणया दद्यात्सदा मङ्गलम् ॥ ९॥

dharmajñatripurādhināthavanitādharmopadeṣṭā ca tatpātivratyaviśeṣabhañjanaparo vedāntavedyaḥ sadā |daityavrātavināśanādicaturo buddhāvatāro hariḥśrīmān siṃhagirīśvaraḥ karuṇayā dadyātsadā maṅgalam || 9||

म्लेच्छव्रातविनाशकः कलियुगान्तेऽश्वाधिरूढो महामायावी बहुभानुकोटिसदृशो भीमांशुचक्रायुधः ।यश्चाङ्गीकृतकल्किरूपविभवो भूमौ अविष्यान्वयःश्रीमान् सिंहगिरीश्वरः करुणया दद्यात्सदा मङ्गलम् ॥ १०॥

mlecchavrātavināśakaḥ kaliyugānte'śvādhirūḍho mahāmāyāvī bahubhānukoṭisadṛśo bhīmāṃśucakrāyudhaḥ |yaścāṅgīkṛtakalkirūpavibhavo bhūmau aviṣyānvayaḥśrīmān siṃhagirīśvaraḥ karuṇayā dadyātsadā maṅgalam || 10||

इति श्रीदशावतारमङ्गलाशासन सम्पूर्णम् ।

iti śrīdaśāvatāramaṅgalāśāsana sampūrṇam |