बालाष्टोत्तरशतनामस्तोत्रम् ५ Shribalashtottarashatanamastotram 5

अम्बा माता महालक्ष्मीः सुन्दरी भुवनेश्वरी ।शिवा भवानी चिद्रूपा त्रिपुरा भवरूपिणी ॥ १भयङ्करी भद्ररूपा भैरवी भववारिणी ।भाग्यपरदा भावगम्या भगमण्डलमध्यगा ॥ २मन्त्ररूपपदा नित्या पार्वती प्राणरूपिणी ।विश्वकर्त्री विश्वभोक्त्री विविधा विश्ववन्दिता ॥ ३एकाक्षरी मृडाराध्या मृडसन्तोषकारिणी ।वेदवेद्या विशालाक्षी विमला वीरसेविता ॥ ४विधुमण्डलमध्यस्था विधुबिम्बसमानना ।विश्वेश्वरी वियद्रूपा विश्वमाया विमोहिनी ॥ ५चतुर्भुजा चन्द्रचूडा चन्द्रकान्तिसमप्रभा ।वरप्रदा भाग्यरूपा भक्तरक्षणदीक्षिता ॥ ६भक्तिदा शुभदा शुभ्रा सूक्ष्मा सुरगणाचिता ।गानप्रिया गानलोला देवगानसमन्विता ॥ ७सूत्रस्वरूपा सूत्रार्था सुरवृन्दसुखप्रदा ।योगाप्रिया योगवेद्या योगिहृत्पद्मवासिनी ॥ ८योगमार्गरता देवी सुरासुरनिषेविता ।मुक्तिदा शिवदा शुद्धा शुद्धमार्गसमर्चिता ॥ ९ताराहारा वियद्रूपा स्वर्णताटङ्कशोभिता ।सर्वलक्षणसम्पन्ना सर्वलोकहृदिस्थिता ॥ १०सर्वेश्वरी सर्वतन्त्रा सर्वसम्पत्प्रदायिनी ।शिवा सर्वान्नसन्तुष्टा शिवप्रेमरतिप्रिया ॥ ११शिवान्तरङ्गनिलया रुद्राणी शम्भुमोहिनी ।भवार्धधारिणी गौरी भवपूजनतत्परा ॥ १२भवभक्तिप्रियाऽपर्णा सर्वतत्त्वस्वरूपिणी ।त्रिलोकसुन्दरी सौम्या पुण्यवर्त्मा रतिप्रिया ॥ १३॥

ambā mātā mahālakṣmīḥ sundarī bhuvaneśvarī |śivā bhavānī cidrūpā tripurā bhavarūpiṇī || 1bhayaṅkarī bhadrarūpā bhairavī bhavavāriṇī |bhāgyaparadā bhāvagamyā bhagamaṇḍalamadhyagā || 2mantrarūpapadā nityā pārvatī prāṇarūpiṇī |viśvakartrī viśvabhoktrī vividhā viśvavanditā || 3ekākṣarī mṛḍārādhyā mṛḍasantoṣakāriṇī |vedavedyā viśālākṣī vimalā vīrasevitā || 4vidhumaṇḍalamadhyasthā vidhubimbasamānanā |viśveśvarī viyadrūpā viśvamāyā vimohinī || 5caturbhujā candracūḍā candrakāntisamaprabhā |varapradā bhāgyarūpā bhaktarakṣaṇadīkṣitā || 6bhaktidā śubhadā śubhrā sūkṣmā suragaṇācitā |gānapriyā gānalolā devagānasamanvitā || 7sūtrasvarūpā sūtrārthā suravṛndasukhapradā |yogāpriyā yogavedyā yogihṛtpadmavāsinī || 8yogamārgaratā devī surāsuraniṣevitā |muktidā śivadā śuddhā śuddhamārgasamarcitā || 9tārāhārā viyadrūpā svarṇatāṭaṅkaśobhitā |sarvalakṣaṇasampannā sarvalokahṛdisthitā || 10sarveśvarī sarvatantrā sarvasampatpradāyinī |śivā sarvānnasantuṣṭā śivapremaratipriyā || 11śivāntaraṅganilayā rudrāṇī śambhumohinī |bhavārdhadhāriṇī gaurī bhavapūjanatatparā || 12bhavabhaktipriyā'parṇā sarvatattvasvarūpiṇī |trilokasundarī saumyā puṇyavartmā ratipriyā || 13||

पुराणी पुण्यनिलया भुक्तिमुक्तिप्रदायिनी ।दुष्टहन्त्री भक्तपूज्या भवभीतिनिवारिणी ॥ १४॥

purāṇī puṇyanilayā bhuktimuktipradāyinī |duṣṭahantrī bhaktapūjyā bhavabhītinivāriṇī || 14||

सर्वाङ्गसुन्दरी सौम्या सर्वावयवशोभिता ।कदम्बविपिनावासा करुणामृतसागरा ॥ १५॥

sarvāṅgasundarī saumyā sarvāvayavaśobhitā |kadambavipināvāsā karuṇāmṛtasāgarā || 15||

सत्कुलाधारिणी दुर्गा दुराचारविघातिनी ।इष्टदा धनदा शान्ता त्रिकोणान्तरमध्यगा ॥ १६॥

satkulādhāriṇī durgā durācāravighātinī |iṣṭadā dhanadā śāntā trikoṇāntaramadhyagā || 16||

त्रिखण्डामृतसम्पूज्या श्रीमत्त्रिपुरसुन्दरी ।स्तोत्रेणानेन देवेशीं विधुमण्डलमध्यगाम् ।ध्यायेज्जपेन्महादेवीं बालां सर्वार्थसिद्धिदाम् ॥ १७॥

trikhaṇḍāmṛtasampūjyā śrīmattripurasundarī |stotreṇānena deveśīṃ vidhumaṇḍalamadhyagām |dhyāyejjapenmahādevīṃ bālāṃ sarvārthasiddhidām || 17||

इति श्रीबालाष्टोत्तरशतनामस्तोत्रं (५) सम्पूर्णम् ।

iti śrībālāṣṭottaraśatanāmastotraṃ (5) sampūrṇam |