गुह्यकालीसहस्रनामस्तोत्रम् Shri Guhyakali Sahasranama Stotra

महाकालसंहितायां(पूर्वपीठिका)देव्युवाचयदुक्तं भवता पूर्वं प्राणेश करुणावशात् ॥ १॥ (१८५५)

mahākālasaṃhitāyāṃ(pūrvapīṭhikā)devyuvācayaduktaṃ bhavatā pūrvaṃ prāṇeśa karuṇāvaśāt || 1|| (1855)

नाम्नां सहस्रं देव्यास्तु तदिदानीं वदप्रभो ।श्री महाकाल उवाचअतिप्रीतोऽस्मि देवेशि तवाहं वचसामुना ॥ २॥

nāmnāṃ sahasraṃ devyāstu tadidānīṃ vadaprabho |śrī mahākāla uvācaatiprīto'smi deveśi tavāhaṃ vacasāmunā || 2||

सहस्रनामस्तोत्रं यत् सर्वेषामुत्तमोत्तमम् ।सुगोपितं यद्यपि स्यात् कथयिष्ये तथापि ते ॥ ३॥

sahasranāmastotraṃ yat sarveṣāmuttamottamam |sugopitaṃ yadyapi syāt kathayiṣye tathāpi te || 3||

देव्याः सहस्रनामाख्यं स्तोत्रं पापौघमर्दनम् ।मह्यं पुरा भुवः कल्पे त्रिपुरघ्नेन कीर्तितम् ॥ ४॥

devyāḥ sahasranāmākhyaṃ stotraṃ pāpaughamardanam |mahyaṃ purā bhuvaḥ kalpe tripuraghnena kīrtitam || 4||

आज्ञप्तश्च तथा देव्या प्रत्यक्षङ्गतया तया ।त्वयैतत् प्रत्यहं पाठ्यं स्तोत्रं परमदुर्लभम् ॥ ५॥

ājñaptaśca tathā devyā pratyakṣaṅgatayā tayā |tvayaitat pratyahaṃ pāṭhyaṃ stotraṃ paramadurlabham || 5||

महापातकविध्वंसि सर्वसिद्धिविधायकम् ।महाभाग्यप्रदं दिव्यं सङ्ग्रामे जयकारकम् ॥ ६॥

mahāpātakavidhvaṃsi sarvasiddhividhāyakam |mahābhāgyapradaṃ divyaṃ saṅgrāme jayakārakam || 6||

विपक्षदर्पदलनं विपदम्भोधितारकम् ।कृत्याभिचारशमनं महाविभवदायकम् ॥ ७॥

vipakṣadarpadalanaṃ vipadambhodhitārakam |kṛtyābhicāraśamanaṃ mahāvibhavadāyakam || 7||

मनश्चिन्तितकार्यैकसाधकं वाग्मिताकरम् ।आयुरारोग्यजनकं बलपुष्टिप्रदं परम् ॥ ८॥

manaścintitakāryaikasādhakaṃ vāgmitākaram |āyurārogyajanakaṃ balapuṣṭipradaṃ param || 8||

नृपतस्करभीतिघ्नं विवादे जयवर्धनम् ।परशत्रुक्षयकरं कैवल्यामृतहैतुकम् ॥ ९॥

nṛpataskarabhītighnaṃ vivāde jayavardhanam |paraśatrukṣayakaraṃ kaivalyāmṛtahaitukam || 9||

सिद्धिरत्नाकरं श्रेष्ठं सद्यः प्रत्ययकारकम् ।नातः परतरं देव्याः अस्त्यन्यत् तुष्टिदं परमम् ॥ १०॥

siddhiratnākaraṃ śreṣṭhaṃ sadyaḥ pratyayakārakam |nātaḥ parataraṃ devyāḥ astyanyat tuṣṭidaṃ paramam || 10||

नाम्नां सहस्रं गुह्यायाः कथयिष्यामि ते प्रिये ।यत्पूर्वं सर्वदेवानां मन्त्ररूपतया स्थितम् ॥ ११॥

nāmnāṃ sahasraṃ guhyāyāḥ kathayiṣyāmi te priye |yatpūrvaṃ sarvadevānāṃ mantrarūpatayā sthitam || 11||

दैत्यदानवयक्षाणां गन्धर्वोरगरक्षसाम् ।प्राणवत् कण्ठदेशस्थं यत्स्वप्नेऽप्यपरिच्युतम् ॥ १२॥

daityadānavayakṣāṇāṃ gandharvoragarakṣasām |prāṇavat kaṇṭhadeśasthaṃ yatsvapne'pyaparicyutam || 12||

देवर्षीणां मुनीनां च वेदवद्।ह्रसनागतम् ।सार्वभौममहीपालैः प्रत्यहं यच्च पठ्यते ॥ १३॥

devarṣīṇāṃ munīnāṃ ca vedavad|hrasanāgatam |sārvabhaumamahīpālaiḥ pratyahaṃ yacca paṭhyate || 13||

मया च त्रिपुरघ्नेन जप्यते यद्दिने दिने ।यस्मात् परं नो भविता स्तोत्रं त्रिजगतीतले ॥ १४॥

mayā ca tripuraghnena japyate yaddine dine |yasmāt paraṃ no bhavitā stotraṃ trijagatītale || 14||

वेदवन्मन्त्रवद् यच्च शिववक्त्रविनिर्गतम् ।यन्नान्यतन्त्रागमेषु यामले डामरे न च ॥ १५॥

vedavanmantravad yacca śivavaktravinirgatam |yannānyatantrāgameṣu yāmale ḍāmare na ca || 15||

न चान्यसंहिताग्रन्थे नैव ब्रह्माण्डगोलके ।संसारसागरं तर्तुमेतत् पोतवदिष्यते ॥ १६॥

na cānyasaṃhitāgranthe naiva brahmāṇḍagolake |saṃsārasāgaraṃ tartumetat potavadiṣyate || 16||

नानाविधमहासिद्धिकोषरूपं महोदयम् ।या देवी सर्वदेवानां या माता जगदोकसाम् ॥ १७॥

nānāvidhamahāsiddhikoṣarūpaṃ mahodayam |yā devī sarvadevānāṃ yā mātā jagadokasām || 17||

या सृर्ष्टिकर्त्रीं देवानां विश्वावित्री च या स्मृता ।या च त्रिलोक्याः संहर्त्री या दात्री सर्वसम्पदाम् ॥ १८॥

yā sṛrṣṭikartrīṃ devānāṃ viśvāvitrī ca yā smṛtā |yā ca trilokyāḥ saṃhartrī yā dātrī sarvasampadām || 18||

ब्रह्माण्डं या च विष्टभ्य तिष्ठत्यमरपूजिता ।पुराणोपनिषद्।ह्वेद्या या चैका जगदम्बिका ॥ १९॥

brahmāṇḍaṃ yā ca viṣṭabhya tiṣṭhatyamarapūjitā |purāṇopaniṣad|hvedyā yā caikā jagadambikā || 19||

यस्याः परं नान्यदस्ति किमपीह जगत्त्रये ।सा गुह्यास्य प्रसादेन वशीभूतेव तिष्ठति ॥ २०॥

yasyāḥ paraṃ nānyadasti kimapīha jagattraye |sā guhyāsya prasādena vaśībhūteva tiṣṭhati || 20||

अत एव महत्स्तोत्रमेतज्जगति दुर्लभम् ।पठनीयं प्रयत्नेन परं पदमभीप्सुभिः ॥ २१॥

ata eva mahatstotrametajjagati durlabham |paṭhanīyaṃ prayatnena paraṃ padamabhīpsubhiḥ || 21||

किमन्यैः स्तोत्रविस्तारैर्नायं चेत् पठितोऽभवत् ।किमन्यैः स्तोत्रविस्तारैरयं चेत् पठितो भवेत् ॥ २२॥

kimanyaiḥ stotravistārairnāyaṃ cet paṭhito'bhavat |kimanyaiḥ stotravistārairayaṃ cet paṭhito bhavet || 22||

दुर्वाससे नारदाय कपिलायात्रये तथा ।दक्षाय च वसिष्ठाय संवर्ताय च विष्णवे ॥ २३॥

durvāsase nāradāya kapilāyātraye tathā |dakṣāya ca vasiṣṭhāya saṃvartāya ca viṣṇave || 23||

अन्येभ्योऽपि देवेभ्योऽवदं स्तोत्रमिदं पुरा ।इदानीं कथयिष्यामि तव त्रिदशवन्दिते ॥ २४॥

anyebhyo'pi devebhyo'vadaṃ stotramidaṃ purā |idānīṃ kathayiṣyāmi tava tridaśavandite || 24||

इदं शृणुष्व यत्नेन श्रुत्वा चैवावधारय ।धृत्वाऽन्येभ्योऽपि देहि त्वं यान् वै कृपयसे सदा ॥ २५॥

idaṃ śṛṇuṣva yatnena śrutvā caivāvadhāraya |dhṛtvā'nyebhyo'pi dehi tvaṃ yān vai kṛpayase sadā || 25||

अथ विनियोगःॐ अस्य श्रीगुह्यकालीसहस्रनामस्तोत्रस्य श्रीत्रिपुरघ्न ऋषिः ।अनुष्टुप् छन्दः । एकवक्त्रादिशतवक्त्रान्ता श्रीगुह्यकालीदेवता ।फ्रूं बीजम् । ख्रैं ख्रैं शक्तिः । छ्रीं ख्रीं कीलकम् ।पुरुषार्थचतुष्टयसाधनपूर्वकश्रीचण्डयोगेश्वरीप्रीत्यर्थेजपे विनियोगः । ॐ तत्सत् ।अथ श्रीगुह्यकालीसहस्रनामस्तोत्रम् ।ॐ फ्रें कराली चामुण्डा चण्डयोगेश्वरी शिवा ।दुर्गा कात्यायनी सिद्धिविकराली मनोजवा ॥ १॥ (१८८०)

atha viniyogaḥoṃ asya śrīguhyakālīsahasranāmastotrasya śrītripuraghna ṛṣiḥ |anuṣṭup chandaḥ | ekavaktrādiśatavaktrāntā śrīguhyakālīdevatā |phrūṃ bījam | khraiṃ khraiṃ śaktiḥ | chrīṃ khrīṃ kīlakam |puruṣārthacatuṣṭayasādhanapūrvakaśrīcaṇḍayogeśvarīprītyarthejape viniyogaḥ | oṃ tatsat |atha śrīguhyakālīsahasranāmastotram |oṃ phreṃ karālī cāmuṇḍā caṇḍayogeśvarī śivā |durgā kātyāyanī siddhivikarālī manojavā || 1|| (1880)

उल्कामुखी फेरुरावा भीषणा भैरवासना ।कपालिनी कालरात्रिर्गौरी कङ्कालधारिणी ॥ २॥

ulkāmukhī pherurāvā bhīṣaṇā bhairavāsanā |kapālinī kālarātrirgaurī kaṅkāladhāriṇī || 2||

श्मशानवासिनी प्रेतासना रक्तोदधिप्रिया ।योगमाता महारात्रिः पञ्चकालानलस्थिता ॥ ३॥

śmaśānavāsinī pretāsanā raktodadhipriyā |yogamātā mahārātriḥ pañcakālānalasthitā || 3||

रुद्राणी रौद्ररूपा च रुधिरद्वीपचारिणी ।मुण्डमालाधरा चण्डी बलवर्वरकुन्तला ॥ ४॥

rudrāṇī raudrarūpā ca rudhiradvīpacāriṇī |muṇḍamālādharā caṇḍī balavarvarakuntalā || 4||

मेधा महाडाकिनी च योगिनी योगिवन्दिता ।कौलिनी कुरुकुल्ला च घोरा पिङ्गजटा जया ॥ ५॥

medhā mahāḍākinī ca yoginī yogivanditā |kaulinī kurukullā ca ghorā piṅgajaṭā jayā || 5||

सावित्री वेदजननी गायत्री गगनालया ।नवपञ्चमहाचक्रनिलया दारुणस्वना ॥ ६॥

sāvitrī vedajananī gāyatrī gaganālayā |navapañcamahācakranilayā dāruṇasvanā || 6||

उग्रा कपर्दिगृहिणी जगदाद्या जनाश्रया ।कालकर्णी कुण्डलिनी भूतप्रेतगणाधिपा ॥ ७॥

ugrā kapardigṛhiṇī jagadādyā janāśrayā |kālakarṇī kuṇḍalinī bhūtapretagaṇādhipā || 7||

जालन्धरी मसीदेहा पूर्णानन्दपतङ्गिनी ।पालिनी पावकाभासा प्रसन्ना परमेश्वरी ॥ ८॥

jālandharī masīdehā pūrṇānandapataṅginī |pālinī pāvakābhāsā prasannā parameśvarī || 8||

रतिप्रिया रोगहरी नागहारा नगात्मजा ।अव्यया वीतरागा च भवानी भूतधारिणी ॥ ९॥

ratipriyā rogaharī nāgahārā nagātmajā |avyayā vītarāgā ca bhavānī bhūtadhāriṇī || 9||

कादम्बिनी नीलदेहा काली कादम्बरीप्रिया ।माननीया महादेवी महामण्डलवर्तिनी ॥ १०॥

kādambinī nīladehā kālī kādambarīpriyā |mānanīyā mahādevī mahāmaṇḍalavartinī || 10||

महामांसाशनीशानी चिद्रूपा वागगोचरा ।यज्ञाम्बुजामनादेवी दर्वीकरविभूषिता ॥ ११॥

mahāmāṃsāśanīśānī cidrūpā vāgagocarā |yajñāmbujāmanādevī darvīkaravibhūṣitā || 11||

चण्डमुण्डप्रमथनी खेचरी खेचरोदिता ।तमालश्यामला तीव्रा तापिनी तापनाशिनी ॥ १२॥

caṇḍamuṇḍapramathanī khecarī khecaroditā |tamālaśyāmalā tīvrā tāpinī tāpanāśinī || 12||

महामाया महादंष्ट्रा महोरगविराजिता ।लम्बोदरी लोलजटा लक्ष्म्यालक्ष्मीप्रदायिनी ॥ १३॥

mahāmāyā mahādaṃṣṭrā mahoragavirājitā |lambodarī lolajaṭā lakṣmyālakṣmīpradāyinī || 13||

धात्री धाराधराकारा धोरणी धावनप्रिया ।हरजाया हराराध्या हरिवक्त्रा हरीश्वरी ॥ १४॥

dhātrī dhārādharākārā dhoraṇī dhāvanapriyā |harajāyā harārādhyā harivaktrā harīśvarī || 14||

विश्वेश्वरी वज्रनखी स्वरारोहा बलप्रदा ।घोणकी घर्घरारावा घोराघौघप्रणाशिनी ॥ १५॥

viśveśvarī vajranakhī svarārohā balapradā |ghoṇakī ghargharārāvā ghorāghaughapraṇāśinī || 15||

कल्पान्तकारिणी भीमा ज्वालामालिन्यवामया ।सृष्टिः स्थितिः क्षोभणा च कराला चापराजिता ॥ १६॥

kalpāntakāriṇī bhīmā jvālāmālinyavāmayā |sṛṣṭiḥ sthitiḥ kṣobhaṇā ca karālā cāparājitā || 16||

वज्रहस्तानन्तशक्तिर्विरूपा च परापरा ।ब्रह्माण्डमर्दिनी प्रध्वंसिनी लक्षभुजा सती ॥ १७॥

vajrahastānantaśaktirvirūpā ca parāparā |brahmāṇḍamardinī pradhvaṃsinī lakṣabhujā satī || 17||

विद्युज्जिह्वा महादंष्ट्रा छायाध्वरसुताद्यहृत् ।महाकालाग्निमूर्तिश्च मेघनादा कटङ्कटा ॥ १८॥

vidyujjihvā mahādaṃṣṭrā chāyādhvarasutādyahṛt |mahākālāgnimūrtiśca meghanādā kaṭaṅkaṭā || 18||

प्रदीप्ता विश्वरूपा च जीवदात्री जनेश्वरी ।साक्षिणी शर्वरी शान्ता शममार्गप्रकाशिका ॥ १९॥

pradīptā viśvarūpā ca jīvadātrī janeśvarī |sākṣiṇī śarvarī śāntā śamamārgaprakāśikā || 19||

क्षेत्रज्ञा क्षेपणी क्षम्याऽक्षता क्षामोदरी क्षितिः ।अप्रमेया कुलाचारकर्त्री कौलिकपालिनी ॥ २०॥

kṣetrajñā kṣepaṇī kṣamyā'kṣatā kṣāmodarī kṣitiḥ |aprameyā kulācārakartrī kaulikapālinī || 20||

माननीया मनोगम्या मेनानन्दप्रदायिनी ।सिद्धान्तखनिरध्यक्षा मुण्डिनी मण्डलप्रिया ॥ २१॥

mānanīyā manogamyā menānandapradāyinī |siddhāntakhaniradhyakṣā muṇḍinī maṇḍalapriyā || 21||

बाला च युवती वृद्धा वयोतीता बलप्रदा ।रत्नमालाधरा दान्ता दर्वीकरविराजिता ॥ २२॥

bālā ca yuvatī vṛddhā vayotītā balapradā |ratnamālādharā dāntā darvīkaravirājitā || 22||

धर्ममूर्तिर्ध्वान्तरुचिर्धरित्री धावनप्रिया ।सङ्कल्पिनी कल्पकरी कलातीता कलस्वना ॥ २३॥

dharmamūrtirdhvāntarucirdharitrī dhāvanapriyā |saṅkalpinī kalpakarī kalātītā kalasvanā || 23||

वसुन्धरा बोधदात्री वर्णिनी वानरानरा ।विद्या विद्यात्मिका वन्या बन्धनी बन्धनाशिनी ॥ २४॥

vasundharā bodhadātrī varṇinī vānarānarā |vidyā vidyātmikā vanyā bandhanī bandhanāśinī || 24||

गेया जटाजटरम्या जरती जाह्नवी जडा ।तारिणी तीर्थरूपा च तपनीया तनूदरी ॥ २५॥

geyā jaṭājaṭaramyā jaratī jāhnavī jaḍā |tāriṇī tīrtharūpā ca tapanīyā tanūdarī || 25||