बालात्रैलोक्यविजयकवचम् Shri Bala Trailokyavijaya Kavacham

श्रीभैरव उवाचअधुना ते प्रवक्ष्यामि कवचं मन्त्रविग्रहम् ।त्रैलोक्यविजयं नाम रहस्यं देवद्रुलभम् ॥ १॥

śrībhairava uvācaadhunā te pravakṣyāmi kavacaṃ mantravigraham |trailokyavijayaṃ nāma rahasyaṃ devadrulabham || 1||

श्रीदेव्युवाचया देवी त्र्यक्षरी बाला चित्कला श्रीसरस्वती ।महाविद्येश्वरी नित्या महात्रिपुरसुन्दरी ॥ २॥

śrīdevyuvācayā devī tryakṣarī bālā citkalā śrīsarasvatī |mahāvidyeśvarī nityā mahātripurasundarī || 2||

तस्याः कवचमीशान मन्त्रगर्भं परात्मकम् ।त्रैलोक्यविजयं नाम श्रोतुमिच्छामि तत्त्वतः ॥ ३॥

tasyāḥ kavacamīśāna mantragarbhaṃ parātmakam |trailokyavijayaṃ nāma śrotumicchāmi tattvataḥ || 3||

श्रीभैरव उवाचदेवदेवि महादेवि बालाकवचमुत्तमम् ।मन्त्रगर्भं परं तत्त्वं लक्ष्मीसंवर्धनं महत् (परम्) ॥ ४॥

śrībhairava uvācadevadevi mahādevi bālākavacamuttamam |mantragarbhaṃ paraṃ tattvaṃ lakṣmīsaṃvardhanaṃ mahat (param) || 4||

सर्वस्वं मे रहस्यं तु गुह्यं त्रिदशगोपितम् ।प्रवक्ष्यामि तव स्नेहान्नाख्येयं यस्य कस्यचित् ॥ ५॥

sarvasvaṃ me rahasyaṃ tu guhyaṃ tridaśagopitam |pravakṣyāmi tava snehānnākhyeyaṃ yasya kasyacit || 5||

(यद्धृत्वा कवचं देव्या मातृकाक्षरमण्डितम् ।नारायणोऽपि दैत्येन्द्रान् जघान रणमण्डले ॥ ६॥

(yaddhṛtvā kavacaṃ devyā mātṛkākṣaramaṇḍitam |nārāyaṇo'pi daityendrān jaghāna raṇamaṇḍale || 6||

त्र्यम्बकः कामदेवं च बलं शक्रो जघान हि ।कुमारस्तारकं दैत्यमन्धकं चन्द्रशेखरः ॥ ७॥

tryambakaḥ kāmadevaṃ ca balaṃ śakro jaghāna hi |kumārastārakaṃ daityamandhakaṃ candraśekharaḥ || 7||

अवधीद्रावणं रामो वातापिं कुम्भसम्भवः ।कवचस्यास्य देवेशि धारणात्पठनादपि ॥ ८॥

avadhīdrāvaṇaṃ rāmo vātāpiṃ kumbhasambhavaḥ |kavacasyāsya deveśi dhāraṇātpaṭhanādapi || 8||

स्रष्टा प्रजापतिर्ब्रह्मा विष्णुस्त्रैलोक्यपालकः ।शिवोऽणिमादिसिद्धीशो मघवान् देवनायकः ॥ ९॥

sraṣṭā prajāpatirbrahmā viṣṇustrailokyapālakaḥ |śivo'ṇimādisiddhīśo maghavān devanāyakaḥ || 9||

सूर्यस्तेजोनिधिर्देवि चन्द्रस्ताराधिपः स्थितः ।वह्निर्महोर्मिनिलयो वरुणोऽपि दिशां पतिः ॥ १०॥

sūryastejonidhirdevi candrastārādhipaḥ sthitaḥ |vahnirmahorminilayo varuṇo'pi diśāṃ patiḥ || 10||

समीरो बलवांल्लोके यमो धर्मनिधिः स्मृतः ।कुबेरो निधिनाथोऽस्ति नैरृतिः सर्वराक्षसान् ॥ ११॥

samīro balavāṃlloke yamo dharmanidhiḥ smṛtaḥ |kubero nidhinātho'sti nairṛtiḥ sarvarākṣasān || 11||

ईश्वरः शङ्करो रुद्रो देवि रत्नाकरोऽम्बुधिः ।अस्य स्मरणमात्रेण कुले तस्य कुलेश्वरि ॥ १२॥

īśvaraḥ śaṅkaro rudro devi ratnākaro'mbudhiḥ |asya smaraṇamātreṇa kule tasya kuleśvari || 12||

आयुः कीर्तिः प्रभा लक्ष्मीर्वृद्धिर्भवति सन्ततम् ।कवचं सुभगं देवि बालायाः कौलिकेश्वरि ॥) १३॥ऋषिः स्याद्दक्षिणामूर्तिः पङ्क्तिश्छन्द उदाहृतः ।बाला सरस्वती देवि देवता त्र्यक्षरी स्मृता ॥ १४॥

āyuḥ kīrtiḥ prabhā lakṣmīrvṛddhirbhavati santatam |kavacaṃ subhagaṃ devi bālāyāḥ kaulikeśvari ||) 13||ṛṣiḥ syāddakṣiṇāmūrtiḥ paṅktiśchanda udāhṛtaḥ |bālā sarasvatī devi devatā tryakṣarī smṛtā || 14||

बीजं तु वाग्भवं प्रोक्तं शक्तिः शक्तिरुदाहृता ।कीलकं कामराजं तु फडाशाबन्धनं तथा ।भोगापवर्गसिद्।ह्ध्यर्थं विनियोगः प्रकीर्तितः ॥ १५॥

bījaṃ tu vāgbhavaṃ proktaṃ śaktiḥ śaktirudāhṛtā |kīlakaṃ kāmarājaṃ tu phaḍāśābandhanaṃ tathā |bhogāpavargasid|hdhyarthaṃ viniyogaḥ prakīrtitaḥ || 15||

अकुलकुलमयन्ती चक्रमध्ये स्फुरन्तीमधुरमधु पिबन्ती कण्टकान् भक्षयन्ती ।दुरतिमपहरन्ती साधकान् पोषयन्तीजयतु जयतु बाला सुन्दरी क्रीडयन्ती ॥ऐं बीजं मे शिरः पातु क्लीं बीजं भ्रुकुटीं मम ।सौः भालं पातु मे बाला ऐं क्लीं सौः नयने मम ॥ १॥

akulakulamayantī cakramadhye sphurantīmadhuramadhu pibantī kaṇṭakān bhakṣayantī |duratimapaharantī sādhakān poṣayantījayatu jayatu bālā sundarī krīḍayantī ||aiṃ bījaṃ me śiraḥ pātu klīṃ bījaṃ bhrukuṭīṃ mama |sauḥ bhālaṃ pātu me bālā aiṃ klīṃ sauḥ nayane mama || 1||

अं आं इं ईं श्रुती पातु बाला पञ्चाक्षरी मम ।उं ऊं ऋं ॠं सदा पातु मम नासापुटद्वयम् ॥ २॥

aṃ āṃ iṃ īṃ śrutī pātu bālā pañcākṣarī mama |uṃ ūṃ ṛṃ ṝṃ sadā pātu mama nāsāpuṭadvayam || 2||

ऌं ॡं एं ऐं पातु गण्डौ ऐं क्लीं सौः त्रिपुराम्बिका ।ॐ औं अं अः मुखं पातु सौः क्लीं ऐं त्रिपुरेश्वरी ॥ ३॥

ḷṃ ḹṃ eṃ aiṃ pātu gaṇḍau aiṃ klīṃ sauḥ tripurāmbikā |oṃ auṃ aṃ aḥ mukhaṃ pātu sauḥ klīṃ aiṃ tripureśvarī || 3||

कं खं गं घं डं करौ मे सौः क्लीं ऐं भगमालिनी ।चं छं ज झं ञं मे पातु बाहू सौः सर्वसिद्धिदा ॥ ४॥

kaṃ khaṃ gaṃ ghaṃ ḍaṃ karau me sauḥ klīṃ aiṃ bhagamālinī |caṃ chaṃ ja jhaṃ ñaṃ me pātu bāhū sauḥ sarvasiddhidā || 4||

टं ठं डं ढं णं मे पातु वक्षः क्लीं वीरनायिका ।तं थं दं धं नं मे पातु ऐं कुक्षौ कुलनायिका ॥ ५॥

ṭaṃ ṭhaṃ ḍaṃ ḍhaṃ ṇaṃ me pātu vakṣaḥ klīṃ vīranāyikā |taṃ thaṃ daṃ dhaṃ naṃ me pātu aiṃ kukṣau kulanāyikā || 5||

पं फं बं भं मं मे पातु पार्श्वौ परमसुन्दरी ।यं रं लं वं पातु पृष्ठं सौः क्लीं ऐं विश्वमातृका ॥ ६॥

paṃ phaṃ baṃ bhaṃ maṃ me pātu pārśvau paramasundarī |yaṃ raṃ laṃ vaṃ pātu pṛṣṭhaṃ sauḥ klīṃ aiṃ viśvamātṛkā || 6||

शं षं सं हं पातु नाभिं सौः सौः सौः त्रिगुणात्मिका ।लं क्षं कटिं सदा पातु क्लीं क्लीं क्लीं मातृकेश्वरी ॥ ७॥

śaṃ ṣaṃ saṃ haṃ pātu nābhiṃ sauḥ sauḥ sauḥ triguṇātmikā |laṃ kṣaṃ kaṭiṃ sadā pātu klīṃ klīṃ klīṃ mātṛkeśvarī || 7||

ऐं ऐं ऐं पातु लिङ्गं मे भगलिङ्गामृत्श्वरी ।ऐं क्लीं गुह्यं सदा पातु भगलिङ्गस्वरूपिणी ॥ ८॥

aiṃ aiṃ aiṃ pātu liṅgaṃ me bhagaliṅgāmṛtśvarī |aiṃ klīṃ guhyaṃ sadā pātu bhagaliṅgasvarūpiṇī || 8||

सौः ऐं ऊरू सदा पातु वेदमाताऽष्टसिद्धिदा ।सौः ऐं जानु सदा पातु महामुद्राभिमुद्रिता ॥ ९॥

sauḥ aiṃ ūrū sadā pātu vedamātā'ṣṭasiddhidā |sauḥ aiṃ jānu sadā pātu mahāmudrābhimudritā || 9||

सौः ऐं क्लीं पातु मे जङ्घे बाला त्रिभुवनेश्वरी ।ऐं ऐं सौः सौः पातु गुल्फौ त्रैलोक्यविजयप्रदा ॥ १०॥

sauḥ aiṃ klīṃ pātu me jaṅghe bālā tribhuvaneśvarī |aiṃ aiṃ sauḥ sauḥ pātu gulphau trailokyavijayapradā || 10||

ऐं ऐं क्लीं क्लीं पातु पादौ बाला त्र्यक्षररूपिणी ।शिरसः पादपर्यन्तं सर्वावयवसंयुतम् ॥ ११॥

aiṃ aiṃ klīṃ klīṃ pātu pādau bālā tryakṣararūpiṇī |śirasaḥ pādaparyantaṃ sarvāvayavasaṃyutam || 11||

पायात्पादादि शीर्षान्तं ऐं क्लीं सौः सकलं वपुः ।ब्राह्मी मां पूर्वतः पातु वह्नौ नारायणी तथा ॥ १२॥

pāyātpādādi śīrṣāntaṃ aiṃ klīṃ sauḥ sakalaṃ vapuḥ |brāhmī māṃ pūrvataḥ pātu vahnau nārāyaṇī tathā || 12||

माहेश्वरी दक्षिणेऽव्यान्नैरृत्ये चण्डिकाऽवतु ।पश्चिमे पातु कौमारी वायव्ये चापराजिता ॥ १३॥

māheśvarī dakṣiṇe'vyānnairṛtye caṇḍikā'vatu |paścime pātu kaumārī vāyavye cāparājitā || 13||

वाराही तूत्तरे पायादीशान्यां नारसिंहका ।प्रभाते भैरवी पातु मध्याह्ने योगिनी क्रमात् ॥ १४॥

vārāhī tūttare pāyādīśānyāṃ nārasiṃhakā |prabhāte bhairavī pātu madhyāhne yoginī kramāt || 14||

सायं मां वटुकः पायादर्धरात्रे शिवोऽवतु ।निशान्ते सर्वगा पातु सर्वदा चक्रनायिका ॥ १५॥

sāyaṃ māṃ vaṭukaḥ pāyādardharātre śivo'vatu |niśānte sarvagā pātu sarvadā cakranāyikā || 15||

रणे राजकुले द्यूते विवादे शत्रुसङ्कटे ।सर्वत्र सर्वतः पातु ऐं क्लौ सौः बीजभूषिता ॥ १६॥

raṇe rājakule dyūte vivāde śatrusaṅkaṭe |sarvatra sarvataḥ pātu aiṃ klau sauḥ bījabhūṣitā || 16||

इतीदं कवचं दिव्यं बालायाः सारमुत्तमम् ।मन्त्रविद्यामयं तत्त्वं मातृकाक्षरभूषितम् ॥ १७॥

itīdaṃ kavacaṃ divyaṃ bālāyāḥ sāramuttamam |mantravidyāmayaṃ tattvaṃ mātṛkākṣarabhūṣitam || 17||

ब्रह्मविद्यामयं ब्रह्मसाधनं मन्त्रसाधनम् ।यः पठेत्सततं भक्त्या धारयेद्वा महेश्वरि ॥ १८॥

brahmavidyāmayaṃ brahmasādhanaṃ mantrasādhanam |yaḥ paṭhetsatataṃ bhaktyā dhārayedvā maheśvari || 18||

तस्य सर्वार्थसिद्धिः स्यात् साधकस्य न संशयः ।रवौ भूर्जे लिखित्वेदं अर्चयेद्धारयेत्ततः ॥ १९॥

tasya sarvārthasiddhiḥ syāt sādhakasya na saṃśayaḥ |ravau bhūrje likhitvedaṃ arcayeddhārayettataḥ || 19||

वन्ध्यापि काकवन्ध्यापि मृतवत्सापि पार्वति ।लभेत्पुत्रान् महावीरान् मार्कण्डेयसमायुषः ॥ २०॥

vandhyāpi kākavandhyāpi mṛtavatsāpi pārvati |labhetputrān mahāvīrān mārkaṇḍeyasamāyuṣaḥ || 20||

वित्तं दरिद्रो लभते मतिमानयशःस्त्रियः ।य एतद्धारयेद्वर्म सङ्ग्रामे स रिपून् जयेत् ॥ २१॥

vittaṃ daridro labhate matimānayaśaḥstriyaḥ |ya etaddhārayedvarma saṅgrāme sa ripūn jayet || 21||

जित्वा वैरिकुलं घोरं कल्याणं गृहमाविशेत् ।बाहौ कण्ठे तथा देवि धारयेन्मूर्ध्नि सन्ततम् ॥ २२॥

jitvā vairikulaṃ ghoraṃ kalyāṇaṃ gṛhamāviśet |bāhau kaṇṭhe tathā devi dhārayenmūrdhni santatam || 22||

इह लोके धनारोग्यं परमायुर्यशः श्रियम् ।प्राप्य भक्त्या नरो भोगानन्ते याति परं पदम् ॥ २३॥

iha loke dhanārogyaṃ paramāyuryaśaḥ śriyam |prāpya bhaktyā naro bhogānante yāti paraṃ padam || 23||

इदं रहस्यं परमं सर्वतत्त्वेषु ह्युत्तमम् ।गुह्याद्गुह्यमिमं नित्यं गोपनीयं स्वयोनिवत् ॥ २४॥

idaṃ rahasyaṃ paramaṃ sarvatattveṣu hyuttamam |guhyādguhyamimaṃ nityaṃ gopanīyaṃ svayonivat || 24||

(रुद्रयामले)(११६ श्लोकेषु पाठभेदःअं आं इं ईं श्रुती पातु बाला कामेश्वरी मम ।उं उं ऋं ॠं सदा पातु मम नासापुटद्वयम् ॥ २॥

(rudrayāmale)(116 ślokeṣu pāṭhabhedaḥaṃ āṃ iṃ īṃ śrutī pātu bālā kāmeśvarī mama |uṃ uṃ ṛṃ ṝṃ sadā pātu mama nāsāpuṭadvayam || 2||

ऌं ॡं एं ऐं पातु गण्डौ ऐं क्लीं सौः त्रिपुराम्बिका ।ॐ औं अं अः मुखं पातु क्लीं ऐं सौः त्रिपुरेश्वरी ॥ ३॥

ḷṃ ḹṃ eṃ aiṃ pātu gaṇḍau aiṃ klīṃ sauḥ tripurāmbikā |oṃ auṃ aṃ aḥ mukhaṃ pātu klīṃ aiṃ sauḥ tripureśvarī || 3||

कं खं गं घं ङं करौ मे सौः ऐं क्लीं शत्रुमर्दिनी ।चं छं जं झं ञं पातु मे कुक्षिं ऐं कुलनायिका ॥ ४॥

kaṃ khaṃ gaṃ ghaṃ ṅaṃ karau me sauḥ aiṃ klīṃ śatrumardinī |caṃ chaṃ jaṃ jhaṃ ñaṃ pātu me kukṣiṃ aiṃ kulanāyikā || 4||

टं ठं डं ढं णं पातु मे वक्षः क्लीं भगमालिनी ।तं थं दं धं नं पातु मे बाहू सौः जयदायिनी ॥ ५॥

ṭaṃ ṭhaṃ ḍaṃ ḍhaṃ ṇaṃ pātu me vakṣaḥ klīṃ bhagamālinī |taṃ thaṃ daṃ dhaṃ naṃ pātu me bāhū sauḥ jayadāyinī || 5||

पं फं बं भं मं मे पातु पार्श्वे परमसुन्दरी ।यं रं लं वं पातु पृष्ठं ऐं क्लीं सौः विश्वमातृका ॥ ६॥

paṃ phaṃ baṃ bhaṃ maṃ me pātu pārśve paramasundarī |yaṃ raṃ laṃ vaṃ pātu pṛṣṭhaṃ aiṃ klīṃ sauḥ viśvamātṛkā || 6||

शं षं सं हं पातु नाभिं भगवत्यमृतेश्वरी ।लं क्षं कटिं सदा पातु क्लीं क्लीं क्लीं मातृकेश्वरी ॥ ७॥

śaṃ ṣaṃ saṃ haṃ pātu nābhiṃ bhagavatyamṛteśvarī |laṃ kṣaṃ kaṭiṃ sadā pātu klīṃ klīṃ klīṃ mātṛkeśvarī || 7||

ऐं ऐं ऐं पातु मे लिङ्गं भगं मे भगगर्भिणी ।सौः सौः सौः पातु मे ऊरू वीरमाताऽष्टसिद्धिदा ॥ ८॥

aiṃ aiṃ aiṃ pātu me liṅgaṃ bhagaṃ me bhagagarbhiṇī |sauḥ sauḥ sauḥ pātu me ūrū vīramātā'ṣṭasiddhidā || 8||

सौः ऐं क्लीं जानू मे पातु महामुद्राभिमुद्रिता ।सौः क्लीं ऐं पातु मे जङ्घे बाला त्रिभुवनेश्वरी ॥ ९॥

sauḥ aiṃ klīṃ jānū me pātu mahāmudrābhimudritā |sauḥ klīṃ aiṃ pātu me jaṅghe bālā tribhuvaneśvarī || 9||

क्लीं ऐं सौः पातु गुल्फौ मे त्रैलोक्यविजयप्रदा ।ऐं क्लीं सौः पातु मे पादौ बाला त्र्यक्षररूपणी ॥ १०॥

klīṃ aiṃ sauḥ pātu gulphau me trailokyavijayapradā |aiṃ klīṃ sauḥ pātu me pādau bālā tryakṣararūpaṇī || 10||

शीर्षादिपादपर्यन्तं सर्वावयवसंयुतम् ।पायात्पाय्वादि शीर्षाङ्गं ऐं क्लीं सौः सकलं वपुः ॥ ११॥

śīrṣādipādaparyantaṃ sarvāvayavasaṃyutam |pāyātpāyvādi śīrṣāṅgaṃ aiṃ klīṃ sauḥ sakalaṃ vapuḥ || 11||

ब्राह्मी मां पूर्वतः पातु वह्नी वाराहिकाऽवतु ।महेश्वरी दक्षिणे च इन्द्राणी पातु नैरृतौ ॥ १२॥

brāhmī māṃ pūrvataḥ pātu vahnī vārāhikā'vatu |maheśvarī dakṣiṇe ca indrāṇī pātu nairṛtau || 12||

पश्चिमे पातु कौमारी वायव्ये चण्डिकाऽवतु ।वैष्णवी पातु कौबेर्यां ईशान्यां नारसिंहिका ॥ १३॥

paścime pātu kaumārī vāyavye caṇḍikā'vatu |vaiṣṇavī pātu kauberyāṃ īśānyāṃ nārasiṃhikā || 13||

प्रभाते भैरवी पातु मध्याह्ने योगिनी तथा ।सापाह्ने वटुका पातु अर्धरात्रे शिवाऽवतु ॥ १४॥

prabhāte bhairavī pātu madhyāhne yoginī tathā |sāpāhne vaṭukā pātu ardharātre śivā'vatu || 14||

निशान्ते सर्वगा पातु सर्वदा चक्रनायिका ।रणे नागकुले द्यूते विवादे शत्रुसङ्कटे ॥सर्वत्र सर्वदा पातु ऐं क्लीं सौः बीजभूषिता । १५॥)

niśānte sarvagā pātu sarvadā cakranāyikā |raṇe nāgakule dyūte vivāde śatrusaṅkaṭe ||sarvatra sarvadā pātu aiṃ klīṃ sauḥ bījabhūṣitā | 15||)

इति श्रीबालात्रैलोक्यविजयकवचं सम्पूर्णम् ।

iti śrībālātrailokyavijayakavacaṃ sampūrṇam |