बालास्तोत्रम् ४ Shri Bala Stotram 4

वेलातिलङ्घ्य करुणे ! विबुधेन्द्रवन्द्येलीलाविनिर्मितचराचरहृन्निवासे ।मालाकिरीटमणिकुण्डलमण्डिताङ्गेबालाम्बिके ! मयि निधेहि कृपाकटाक्षम् ॥ १॥

velātilaṅghya karuṇe ! vibudhendravandyelīlāvinirmitacarācarahṛnnivāse |mālākirīṭamaṇikuṇḍalamaṇḍitāṅgebālāmbike ! mayi nidhehi kṛpākaṭākṣam || 1||

कञ्जासनादि मणिमञ्जुकिरीटकोटिप्रत्युप्तरत्नरुचिरञ्जितपादपद्मे ।मञ्जीरमञ्जुलविनिर्जितहंसनादेबालाम्बिके मयि निधेहि कृपाकटाक्षम् ॥ २॥

kañjāsanādi maṇimañjukirīṭakoṭipratyuptaratnarucirañjitapādapadme |mañjīramañjulavinirjitahaṃsanādebālāmbike mayi nidhehi kṛpākaṭākṣam || 2||

प्रालेयभानुकलिकाकलितातिरम्येपादाग्रजावलिविनिर्जितमौक्तिकाभे ।प्राणेश्वरि ! प्रथमलोकपते ! प्रजानांबालाम्बिके ! मयि निधेहि कृपाकटाक्षम् ॥ ३॥

prāleyabhānukalikākalitātiramyepādāgrajāvalivinirjitamauktikābhe |prāṇeśvari ! prathamalokapate ! prajānāṃbālāmbike ! mayi nidhehi kṛpākaṭākṣam || 3||

जङ्घादिभिर्विजितचित्तजतूणीभागेरम्भादिमार्दवकरीन्द्रकरोरुयुग्मे ।शम्पाशताधिकसमुज्ज्वलचेललीले !बालाम्बिके! मयि निधेहि कृपाकटाक्षम् ॥ ४॥

jaṅghādibhirvijitacittajatūṇībhāgerambhādimārdavakarīndrakaroruyugme |śampāśatādhikasamujjvalacelalīle !bālāmbike! mayi nidhehi kṛpākaṭākṣam || 4||

माणिक्यमौक्तिकविनिर्मितमेखलाढ्येमायाविलग्नविलसन्मणिपट्टबन्धे ।लोलम्बराजिविलसन्नवरोमजालेबालाम्बिके ! मयि निधेहि कृपाकटाक्षम् ॥ ५॥

māṇikyamauktikavinirmitamekhalāḍhyemāyāvilagnavilasanmaṇipaṭṭabandhe |lolambarājivilasannavaromajālebālāmbike ! mayi nidhehi kṛpākaṭākṣam || 5||

न्यग्रोधपल्लवतलोदरनिम्ननाभेनिर्धूतहारविलसत्कुचचक्रवाके ।निष्कादिमञ्जुमणिभूषणभूषिताङ्गेबालाम्बिके! मयि निधेहि कृपाकटाक्षम् ॥ ६॥

nyagrodhapallavatalodaranimnanābhenirdhūtahāravilasatkucacakravāke |niṣkādimañjumaṇibhūṣaṇabhūṣitāṅgebālāmbike! mayi nidhehi kṛpākaṭākṣam || 6||

कन्दर्पचापमदभङ्गकृतातिरम्येभ्रूवल्लरीविविधचेष्टितरम्यमाने ।कन्दर्पसोदरसमाकृतिभालदेशेबालाम्बिके ! मयि निधेहि कृपाकटाक्षम् ॥ ७॥

kandarpacāpamadabhaṅgakṛtātiramyebhrūvallarīvividhaceṣṭitaramyamāne |kandarpasodarasamākṛtibhāladeśebālāmbike ! mayi nidhehi kṛpākaṭākṣam || 7||

मुक्तावलीविलसदूर्मितकुम्बुकण्ठेमन्दस्मिताननविनिर्मितचन्द्रबिम्बे ।भक्तेष्टदाननिरतामृतपूर्णदृष्टेबालाम्बिके ! मयि निधेहि कृपाकटाक्षम् ॥ ८॥

muktāvalīvilasadūrmitakumbukaṇṭhemandasmitānanavinirmitacandrabimbe |bhakteṣṭadānaniratāmṛtapūrṇadṛṣṭebālāmbike ! mayi nidhehi kṛpākaṭākṣam || 8||

कर्णावलम्बिमणिकुण्डलगण्डभागेकर्णान्तदीर्घनवनीरजपत्रनेत्रे ।स्वर्णायकादिगुणमौक्तिकशोभिनासेबालाम्बिके ! मयि निधेहि कृपाकटाक्षम् ॥ ९॥

karṇāvalambimaṇikuṇḍalagaṇḍabhāgekarṇāntadīrghanavanīrajapatranetre |svarṇāyakādiguṇamauktikaśobhināsebālāmbike ! mayi nidhehi kṛpākaṭākṣam || 9||

लोलम्बराजिललितालकजालशोभेमल्लीनवीनकलिकानवकुन्दजाले ।भालेन्दुमञ्जुलकिरीटविराजमानेबालाम्बिके ! मयि निधेहि कृपाकटाक्षम् ॥ १०॥

lolambarājilalitālakajālaśobhemallīnavīnakalikānavakundajāle |bhālendumañjulakirīṭavirājamānebālāmbike ! mayi nidhehi kṛpākaṭākṣam || 10||

बालाम्बिके ! महाराज्ञि विद्या(वैद्य)नाथप्रियेश्वरि ! ।पाहि मामम्ब! कृपया त्वत्पादं शरणं गतः ॥ ११॥

bālāmbike ! mahārājñi vidyā(vaidya)nāthapriyeśvari ! |pāhi māmamba! kṛpayā tvatpādaṃ śaraṇaṃ gataḥ || 11||

इति श्रीबालास्तोत्रं (४) सम्पूर्णम् ।

iti śrībālāstotraṃ (4) sampūrṇam |