बालात्रिपुरसुन्दरी अष्टोत्तरशतनामस्तोत्रम् १ Shri Bala Ashtottarashatanamastotram 1

अगस्त्य उवाचहयग्रीव दयासिन्धो भगवन्भक्तवत्सल ।बालात्रिपुरसुन्दर्या नाम्नामष्टोत्तरं शुभम् ।वदस्व मे त्वं कृपया येन ज्ञानं प्रवर्तते ॥ १॥

agastya uvācahayagrīva dayāsindho bhagavanbhaktavatsala |bālātripurasundaryā nāmnāmaṣṭottaraṃ śubham |vadasva me tvaṃ kṛpayā yena jñānaṃ pravartate || 1||

हयग्रीव उवाचशृणु सम्यक्प्रवक्ष्यामि श्रीबालाष्टोत्तरं शतम् ।सर्वविद्यात्मकं ज्ञेयं श्रीबालाप्रीतिदायकम् ॥ २॥

hayagrīva uvācaśṛṇu samyakpravakṣyāmi śrībālāṣṭottaraṃ śatam |sarvavidyātmakaṃ jñeyaṃ śrībālāprītidāyakam || 2||

अस्य श्रीबालात्रिपुरसुन्दर्यष्टोत्तरशतनामस्तोत्रमहामन्त्रस्यदक्षिणामूर्तिः ऋषिः । अनुष्टुप्छन्दः । श्री बालात्रिपुरसुन्दरी देवता ।ऐं बीजम् । क्लीं शक्तिः । सौः कीलकम् ।श्रीबालात्रिपुरसुन्दरीप्रसादसिद्।ह्ध्यर्थे नामपारायणे विनियोगः ।अथ करन्यासःॐ ऐं अङ्गुष्ठाभ्यां नमः । क्लीं तर्जनीभ्यां नमः ।सौः मध्यमाभ्यां नमः । ऐं अनामिकाभ्यां नमः ।क्लीं कनिष्ठिकाभ्यां नमः । सौः करतलकरपृष्ठाभ्यां नमः ।अथ हृदयादिन्यासःऐं हृदयाय नमः । क्लीं शिरसे स्वाहा । सौः शिखायै वषट् ।ऐं कवचाय हुम् । क्लीं नेत्रत्रयाय वौषट् । सौः अस्त्राय फट् ।भूर्भुवस्सुवरों इति दिग्बन्धः ।ध्यानम्पाशाङ्कुशे पुस्तकाक्षसूत्रे च दधती करैः ।रक्ता त्र्यक्षा चन्द्रफाला पातु बाला सुरार्चिता ॥लमित्यादि पञ्चपूजालं पृथिव्यात्मिकायै गन्धं समर्पयामि ।हं आकाशात्मिकायै पुष्पाणि समर्पयामि ।यं वाय्वात्मिकायै धूपमाघ्रापयामि ।रं अग्न्यात्मिकायै दीपं दर्शयामि ।वं अमृतात्मिकायै अमृतोपहारं निवेदयामि ।सं सर्वात्मिकायै सर्वोपचारपूजाः समर्पयामि ॥अथ श्री बाला अष्टोत्तरशतनामस्तोत्रम् ।ॐ कल्याणी त्रिपुरा बाला माया त्रिपुरसुन्दरी ।सुन्दरी सौभाग्यवती क्लीङ्कारी सर्वमङ्गला ॥ १॥

asya śrībālātripurasundaryaṣṭottaraśatanāmastotramahāmantrasyadakṣiṇāmūrtiḥ ṛṣiḥ | anuṣṭupchandaḥ | śrī bālātripurasundarī devatā |aiṃ bījam | klīṃ śaktiḥ | sauḥ kīlakam |śrībālātripurasundarīprasādasid|hdhyarthe nāmapārāyaṇe viniyogaḥ |atha karanyāsaḥoṃ aiṃ aṅguṣṭhābhyāṃ namaḥ | klīṃ tarjanībhyāṃ namaḥ |sauḥ madhyamābhyāṃ namaḥ | aiṃ anāmikābhyāṃ namaḥ |klīṃ kaniṣṭhikābhyāṃ namaḥ | sauḥ karatalakarapṛṣṭhābhyāṃ namaḥ |atha hṛdayādinyāsaḥaiṃ hṛdayāya namaḥ | klīṃ śirase svāhā | sauḥ śikhāyai vaṣaṭ |aiṃ kavacāya hum | klīṃ netratrayāya vauṣaṭ | sauḥ astrāya phaṭ |bhūrbhuvassuvaroṃ iti digbandhaḥ |dhyānampāśāṅkuśe pustakākṣasūtre ca dadhatī karaiḥ |raktā tryakṣā candraphālā pātu bālā surārcitā ||lamityādi pañcapūjālaṃ pṛthivyātmikāyai gandhaṃ samarpayāmi |haṃ ākāśātmikāyai puṣpāṇi samarpayāmi |yaṃ vāyvātmikāyai dhūpamāghrāpayāmi |raṃ agnyātmikāyai dīpaṃ darśayāmi |vaṃ amṛtātmikāyai amṛtopahāraṃ nivedayāmi |saṃ sarvātmikāyai sarvopacārapūjāḥ samarpayāmi ||atha śrī bālā aṣṭottaraśatanāmastotram |oṃ kalyāṇī tripurā bālā māyā tripurasundarī |sundarī saubhāgyavatī klīṅkārī sarvamaṅgalā || 1||

ह्रीङ्कारी स्कन्दजननी परा पञ्चदशाक्षरी ।त्रिलोकी मोहनाधीशा सर्वेशी सर्वरूपिणी ॥ २॥

hrīṅkārī skandajananī parā pañcadaśākṣarī |trilokī mohanādhīśā sarveśī sarvarūpiṇī || 2||

सर्वसंक्षोभिणी पूर्णा नवमुद्रेश्वरी शिवा ।अनङ्गकुसुमा ख्याता अनङ्गा भुवनेश्वरी ॥ ३॥

sarvasaṃkṣobhiṇī pūrṇā navamudreśvarī śivā |anaṅgakusumā khyātā anaṅgā bhuvaneśvarī || 3||

जप्या स्तव्या श्रुतिर्निता नित्यक्लिन्नाऽमृतोद्भवा ।मोहिनी परमाऽऽनन्दा कामेशतरुणा कला ॥ ४॥

japyā stavyā śrutirnitā nityaklinnā'mṛtodbhavā |mohinī paramā''nandā kāmeśataruṇā kalā || 4||

कलावती भगवती पद्मरागकिरीटिनी ।सौगन्धिनी सरिद्वेणी मन्त्रिणि मन्त्ररूपिणि ॥ ५॥

kalāvatī bhagavatī padmarāgakirīṭinī |saugandhinī saridveṇī mantriṇi mantrarūpiṇi || 5||

तत्त्वत्रयी तत्त्वमयी सिद्धा त्रिपुरवासिनी ।श्रीर्मतिश्च महादेवी कौलिनी परदेवता ॥ ६॥

tattvatrayī tattvamayī siddhā tripuravāsinī |śrīrmatiśca mahādevī kaulinī paradevatā || 6||

कैवल्यरेखा वशिनी सर्वेशी सर्वमातृका ।विष्णुस्वसा देवमाता सर्वसम्पत्प्रदायिनी ॥ ७॥

kaivalyarekhā vaśinī sarveśī sarvamātṛkā |viṣṇusvasā devamātā sarvasampatpradāyinī || 7||

किङ्करी माता गीर्वाणी सुरापानानुमोदिनी । (सुधापानविनोदिनी)आधाराहितपत्नीका स्वाधिष्ठानसमाश्रया ॥ ८॥

kiṅkarī mātā gīrvāṇī surāpānānumodinī | (sudhāpānavinodinī)ādhārāhitapatnīkā svādhiṣṭhānasamāśrayā || 8||

अनाहताब्जनिलया मणिपूरासमाश्रया ।आज्ञा पद्मासनासीना विशुद्धस्थलसंस्थिता ॥ ९॥

anāhatābjanilayā maṇipūrāsamāśrayā |ājñā padmāsanāsīnā viśuddhasthalasaṃsthitā || 9||

अष्टत्रिंशत्कलामूर्ति स्सुषुम्ना चारुमध्यमा ।योगेश्वरी मुनिध्येया परब्रह्मस्वरूपिणी ॥ १०॥

aṣṭatriṃśatkalāmūrti ssuṣumnā cārumadhyamā |yogeśvarī munidhyeyā parabrahmasvarūpiṇī || 10||

चतुर्भुजा चन्द्रचूडा पुराणागमरूपिनी ।ऐंकारादिर्महाविद्या पञ्चप्रणवरूपिणी ॥ ११॥

caturbhujā candracūḍā purāṇāgamarūpinī |aiṃkārādirmahāvidyā pañcapraṇavarūpiṇī || 11||

भूतेश्वरी भूतमयी पञ्चाशद्वर्णरूपिणी ।षोढान्यास महाभूषा कामाक्षी दशमातृका ॥ १२॥

bhūteśvarī bhūtamayī pañcāśadvarṇarūpiṇī |ṣoḍhānyāsa mahābhūṣā kāmākṣī daśamātṛkā || 12||

आधारशक्तिः तरुणी लक्ष्मीः त्रिपुरभैरवी ।शाम्भवी सच्चिदानन्दा सच्चिदानन्दरूपिणी ॥ १३॥

ādhāraśaktiḥ taruṇī lakṣmīḥ tripurabhairavī |śāmbhavī saccidānandā saccidānandarūpiṇī || 13||

माङ्गल्य दायिनी मान्या सर्वमङ्गलकारिणी ।योगलक्ष्मीः भोगलक्ष्मीः राज्यलक्ष्मीः त्रिकोणगा ॥ १४॥

māṅgalya dāyinī mānyā sarvamaṅgalakāriṇī |yogalakṣmīḥ bhogalakṣmīḥ rājyalakṣmīḥ trikoṇagā || 14||

सर्वसौभाग्यसम्पन्ना सर्वसम्पत्तिदायिनी ।नवकोणपुरावासा बिन्दुत्रयसमन्विता ॥ १५॥

sarvasaubhāgyasampannā sarvasampattidāyinī |navakoṇapurāvāsā bindutrayasamanvitā || 15||

नाम्नामष्टोत्तरशतं पठेन्न्याससमन्वितम् ।सर्वसिद्धिमवाप्नोती साधकोभीष्टमाप्नुयात् ॥ १६॥

nāmnāmaṣṭottaraśataṃ paṭhennyāsasamanvitam |sarvasiddhimavāpnotī sādhakobhīṣṭamāpnuyāt || 16||

इति श्री रुद्रयामलतन्त्रे उमामहेश्वरसंवादेश्री बाला अष्टोत्तरशतनामस्तोत्रं सम्पूर्णम् ।

iti śrī rudrayāmalatantre umāmaheśvarasaṃvādeśrī bālā aṣṭottaraśatanāmastotraṃ sampūrṇam |