पञ्चदशाक्षरीगुप्तिनर्तनलीलास्तुतिः Panchadashakshariguptinartanalila Stuti

श्रीगणेशाय नमः ।राजराजेश्वरी राक्षसघ्नि स्फुतराकेन्दु मण्डल राजन्मुखि ।राज्याधि भारादि सम्पत्प्रदायिनि राजत्किरीटिनि पालय माम् ॥इन्दुराजत्किरीटिनि पालय माम् ॥ १॥

śrīgaṇeśāya namaḥ |rājarājeśvarī rākṣasaghni sphutarākendu maṇḍala rājanmukhi |rājyādhi bhārādi sampatpradāyini rājatkirīṭini pālaya mām ||indurājatkirīṭini pālaya mām || 1||

कल्याणरूप मनोहराङ्गि बहुकल्यंश सम्भव दोषहरे ।कल्याण शैल धनुर्धर नायिके कल्याणमाशु विधेहि मम ॥नित्यकल्याणमाशु विधेहि मम ॥ २॥

kalyāṇarūpa manoharāṅgi bahukalyaṃśa sambhava doṣahare |kalyāṇa śaila dhanurdhara nāyike kalyāṇamāśu vidhehi mama ||nityakalyāṇamāśu vidhehi mama || 2||

एणीविशाल दृगम्बुरुहे निजवेणीसितेतर कुण्डलिनी ।वाणीविलास महावर दायिनी पाणिं प्रदायैवोद्धारय माम् ॥तव पाणि प्रदायैवोद्धारय माम् ॥ ३॥

eṇīviśāla dṛgamburuhe nijaveṇīsitetara kuṇḍalinī |vāṇīvilāsa mahāvara dāyinī pāṇiṃ pradāyaivoddhāraya mām ||tava pāṇi pradāyaivoddhāraya mām || 3||

ईशान पूर्वक ब्रह्ममयि द्रुतमीप्सिता शेष महार्थप्रदे ।ईशान वामाङ्क वासमहारसे ईहामिहाशु विमोचय मे ॥परमीहामिहाशु विमोचय मे ॥ ४॥

īśāna pūrvaka brahmamayi drutamīpsitā śeṣa mahārthaprade |īśāna vāmāṅka vāsamahārase īhāmihāśu vimocaya me ||paramīhāmihāśu vimocaya me || 4||

लक्ष्मी सरखत्यु मादियुते सर्वलक्षण प्रोल्लसि ताङ्गयुते ।लक्षकोट्यण्ड समूह विधायिनि लक्ष्यार्थवस्तु प्रदर्शय मे ॥तत्त्वलक्ष्यार्थवस्तु प्रदर्शय मे ॥ ५॥

lakṣmī sarakhatyu mādiyute sarvalakṣaṇa prollasi tāṅgayute |lakṣakoṭyaṇḍa samūha vidhāyini lakṣyārthavastu pradarśaya me ||tattvalakṣyārthavastu pradarśaya me || 5||

ह्रीङ्कार पञ्जरमध्ये शुकेश्वरी ह्रीङ्कार जाप प्रसादकरे ।ह्रीम्पद लक्ष्यार्थ वस्तुस्वरूपिणि ह्रीरस्तु मेऽनात्म वस्तुसुखे ॥महाह्रीरस्तु मेऽनात्म वस्तुसुखे ॥ ६॥

hrīṅkāra pañjaramadhye śukeśvarī hrīṅkāra jāpa prasādakare |hrīmpada lakṣyārtha vastusvarūpiṇi hrīrastu me'nātma vastusukhe ||mahāhrīrastu me'nātma vastusukhe || 6||

हर्यब्ज जन्म त्रिदृग्जननी क्षित्री हर्यश्व पूर्वा मरार्चिताङ्घ्रे ।हर्षिणि श्रीहरि सोदरि शाम्भवि हर्षप्रदा भव मे सततम् ॥महाहर्षप्रदा भव मे सततम् ॥ ७॥

haryabja janma tridṛgjananī kṣitrī haryaśva pūrvā marārcitāṅghre |harṣiṇi śrīhari sodari śāmbhavi harṣapradā bhava me satatam ||mahāharṣapradā bhava me satatam || 7||

सर्व चराचर जन्तुद्भव स्थिति संहार कर्तुस्सहायभूते ।संसार चक्र परिभ्रमणादिषु साहाय्यमाशु विधेहि मम ॥नित्यसाहाय्यमाशु विधेहि मम ॥ ८॥

sarva carācara jantudbhava sthiti saṃhāra kartussahāyabhūte |saṃsāra cakra paribhramaṇādiṣu sāhāyyamāśu vidhehi mama ||nityasāhāyyamāśu vidhehi mama || 8||

कल्प लतोपम बाहुयुगे महाकल्पान्त कालैक साक्षिभूते ।कल्पित मिथ्या प्रपञ्च विलासिनि कल्पय मे गति मात्मम यीम् ॥परिकल्पय मे गति मात्मम यीम् ॥ ९॥

kalpa latopama bāhuyuge mahākalpānta kālaika sākṣibhūte |kalpita mithyā prapañca vilāsini kalpaya me gati mātmama yīm ||parikalpaya me gati mātmama yīm || 9||

हव्यवहादि कलामयि सज्जनहर्म्य महान्दोलि कादिप्रदे ।हस्ति कुम्भोन्नत वक्षोज शोभिते हत्यादि पाप मिहोच्चाटय ॥ब्रह्महत्यादि पाप मिहोच्चाटय ॥ १०॥

havyavahādi kalāmayi sajjanaharmya mahāndoli kādiprade |hasti kumbhonnata vakṣoja śobhite hatyādi pāpa mihoccāṭaya ||brahmahatyādi pāpa mihoccāṭaya || 10||

लब्धमहा भक्ति योगैक साधने लक्ष्य षडध्वाति क्रान्तरूपे ।लक्ष्मण पूर्वज मुख्यप्रपूजिते लक्ष्मीकुरुष्व माँ त्वं कृपया ॥महालक्ष्मीकुरुष्व माँ त्वं कृपया ॥ ११॥

labdhamahā bhakti yogaika sādhane lakṣya ṣaḍadhvāti krāntarūpe |lakṣmaṇa pūrvaja mukhyaprapūjite lakṣmīkuruṣva mām̐ tvaṃ kṛpayā ||mahālakṣmīkuruṣva mām̐ tvaṃ kṛpayā || 11||

ह्रीङ्कार रङ्गस्थलान्तर्महानटि ह्रीङ्कारोद्यानक केकिनीशे ।ह्रींसरसी कलहंसिनि शङ्करि ह्रीम्पद लक्ष्यार्थमाविष्कुरु ॥तव ह्रीम्पद लक्ष्यार्थमाविष्कुरु ॥ १२॥

hrīṅkāra raṅgasthalāntarmahānaṭi hrīṅkārodyānaka kekinīśe |hrīṃsarasī kalahaṃsini śaṅkari hrīmpada lakṣyārthamāviṣkuru ||tava hrīmpada lakṣyārthamāviṣkuru || 12||

सर्गस्थिति प्रलयादि विनिर्मुक्त सच्चिदानन्दैक ब्रह्ममयि ।सत्सम्प्रदायात्म विद्यास्वरूपिणि सद्वस्तुद्योतय मे सततम् ॥हृदि सद्वस्तुद्योतय मे सततम् ॥ १३॥

sargasthiti pralayādi vinirmukta saccidānandaika brahmamayi |satsampradāyātma vidyāsvarūpiṇi sadvastudyotaya me satatam ||hṛdi sadvastudyotaya me satatam || 13||

कर्तृत्व भोक्तृत्व धर्मादि दुरगकूटस्थ चैतन्य साक्षिभूते ।कल्पित वस्त्वधिष्ठानस्वरूपिणि कर्मादिबन्धद्विमोचय माम् ॥कामकर्मादिबन्धद्विमोचय माम् ॥ १४॥

kartṛtva bhoktṛtva dharmādi duragakūṭastha caitanya sākṣibhūte |kalpita vastvadhiṣṭhānasvarūpiṇi karmādibandhadvimocaya mām ||kāmakarmādibandhadvimocaya mām || 14||

लम्बोदरप्रसवित्रि षडाननलब्धपयः पान वक्षोरुहे ।लज्जान्विते शिवशय्यागृहाङ्गणे लक्ष्यं ममास्तु ते पादयुगम् ॥ध्यानलक्ष्यं ममास्तु ते पादयुगम् ॥ १५॥

lambodaraprasavitri ṣaḍānanalabdhapayaḥ pāna vakṣoruhe |lajjānvite śivaśayyāgṛhāṅgaṇe lakṣyaṃ mamāstu te pādayugam ||dhyānalakṣyaṃ mamāstu te pādayugam || 15||

ह्रीङ्कार कल्पमहाद्रुम मञ्जरि ह्रीङ्कार दुग्ध पयोधि सुधे ।ह्रीङ्कार गेहमहारत्न दीपिके ह्रीङ्कार जापेऽस्तु मे रसना ॥तव ह्रीङ्कार जापेऽस्तु मे रसना ॥ १६॥

hrīṅkāra kalpamahādruma mañjari hrīṅkāra dugdha payodhi sudhe |hrīṅkāra gehamahāratna dīpike hrīṅkāra jāpe'stu me rasanā ||tava hrīṅkāra jāpe'stu me rasanā || 16||

पूर्णविद्येश्वरी श्रीमन्महागुरुपूर्णमहाकरुणासुधया ।पूर्णाद्य गुप्तिः श्री पञ्चदशाक्षरी पूर्णप्रसादं करोतु मम ॥अतुलपूर्णप्रसादं करोतु मम ॥ १७॥

pūrṇavidyeśvarī śrīmanmahāgurupūrṇamahākaruṇāsudhayā |pūrṇādya guptiḥ śrī pañcadaśākṣarī pūrṇaprasādaṃ karotu mama ||atulapūrṇaprasādaṃ karotu mama || 17||

पञ्च मुखेशादि देवप्रतोषकपञ्चदशाक्षर गुप्तिमिमम् ।पञ्चाक्षरादि वदुच्चरतामिह पञ्चत्व सम्भवभीतिर्नहि ॥क्वापि पञ्चत्व सम्भवभीतिर्नहि ॥ १८॥

pañca mukheśādi devapratoṣakapañcadaśākṣara guptimimam |pañcākṣarādi vaduccaratāmiha pañcatva sambhavabhītirnahi ||kvāpi pañcatva sambhavabhītirnahi || 18||

गुप्तिनर्तनलीलेयं राजताळसमन्विता ।देवतोत्सववेलायां कारयामास सूरिभिः ॥ १९॥

guptinartanalīleyaṃ rājatāḷasamanvitā |devatotsavavelāyāṃ kārayāmāsa sūribhiḥ || 19||

अन्योऽन्यं पादतलेनाघटनं प्रदक्षिणनर्तनं गुप्तिः ।कुम्मिः इति द्राविडभाषायाम् ।इति श्री पदवाक्यादिपारट्टश्वनो ब्रह्मीभूतकैलासनाथशास्त्रिणःकृतिषु पञ्चदशाक्षरीगुप्तीस्तुतिः सम्पूर्णा ॥

anyo'nyaṃ pādatalenāghaṭanaṃ pradakṣiṇanartanaṃ guptiḥ |kummiḥ iti drāviḍabhāṣāyām |iti śrī padavākyādipāraṭṭaśvano brahmībhūtakailāsanāthaśāstriṇaḥkṛtiṣu pañcadaśākṣarīguptīstutiḥ sampūrṇā ||