अक्षरब्रह्मस्तोत्रम् Aksharabrahma Stotram
akṣarabrahmastotram
Aksharabrahma Stotram (अक्षरब्रह्मस्तोत्रम्): a stotra to Brahmā, by achintyAnandabrahmachArI. 17 verses in Sanskrit with Devanagari and IAST.
अक्षरब्रह्मस्तोत्रम्
1 / 17
(शिखरिणी वृत्तम्)यद्रोमविवरे लीना अण्डानां कोट्यः पृथक् ।तदक्षरं गुणातीतं गुणातीतं नमाम्यहम् ॥ १॥
(śikhariṇī vṛttam)yadromavivare līnā aṇḍānāṃ koṭyaḥ pṛthak |tadakṣaraṃ guṇātītaṃ guṇātītaṃ namāmyaham || 1||
महाध्यानाभ्यासं विदधतमजस्रं भगवतःपवित्रे संप्राप्तं स्थितिमतिवरैकान्तिकवृषे ।सदानन्दं सारं परमहरिवार्ताव्यसनिनंगुणातीतानन्दं मुनिवरमहं नौमि सततम् ॥ २॥
mahādhyānābhyāsaṃ vidadhatamajasraṃ bhagavataḥpavitre saṃprāptaṃ sthitimativaraikāntikavṛṣe |sadānandaṃ sāraṃ paramaharivārtāvyasaninaṃguṇātītānandaṃ munivaramahaṃ naumi satatam || 2||
परं मायोपाधेर्विशदहृदये स्वे प्रतिदिनंनिजात्मानं शान्तस्फुरदुरुमहोमण्डलवृतम् ।प्रपश्यन्तं शुद्धाक्षरमतितरानन्दनिलयंगुणातीतानन्दं मुनिवरमहं नौमि सततम् ॥ ३॥
paraṃ māyopādherviśadahṛdaye sve pratidinaṃnijātmānaṃ śāntasphuradurumahomaṇḍalavṛtam |prapaśyantaṃ śuddhākṣaramatitarānandanilayaṃguṇātītānandaṃ munivaramahaṃ naumi satatam || 3||
शुभाविर्भावानां स्वहृदि सहजानन्दमनिशंनिदानं पश्यन्तं प्रकृतिपुरुषादेरधिपतिम् ।हरिं तैलासारप्रतिनिभमथाग्रे निज द्दृशोर्गुणातीतानन्दं मुनिवरमहं नौमि सततम् ॥ ४॥
śubhāvirbhāvānāṃ svahṛdi sahajānandamaniśaṃnidānaṃ paśyantaṃ prakṛtipuruṣāderadhipatim |hariṃ tailāsārapratinibhamathāgre nija ddṛśorguṇātītānandaṃ munivaramahaṃ naumi satatam || 4||
हरिर्यस्योदारप्रणयरशनाबद्धचरणोयतो नैति प्रेष्ठात् क्वचिदपि पृथग्भावमजितः ।यथा शब्दादर्थो निजविमलचित्तादपि वियत्गुणातीतानन्दं मुनिवरमहं नौमि सततम् ॥ ५॥
hariryasyodārapraṇayaraśanābaddhacaraṇoyato naiti preṣṭhāt kvacidapi pṛthagbhāvamajitaḥ |yathā śabdādartho nijavimalacittādapi viyatguṇātītānandaṃ munivaramahaṃ naumi satatam || 5||
स्थितो मातुर्गर्भे हरिमविरतं योऽक्षरपरंचिदानन्दाकारं ललितवसनालङ्कृतिधरम् ।अपश्यत्पुण्याक्षं विधुमिव चकोरः शुचिरुचिंगुणातीतानन्दं मुनिवरमहं नौमि सततम् ॥ ६॥
sthito māturgarbhe harimavirataṃ yo'kṣaraparaṃcidānandākāraṃ lalitavasanālaṅkṛtidharam |apaśyatpuṇyākṣaṃ vidhumiva cakoraḥ śuciruciṃguṇātītānandaṃ munivaramahaṃ naumi satatam || 6||
अनाकृष्टात्मा यो भुवनविषयैरप्यतिवरैरलिप्तत्वेनास्थादिह मतिमुषस्तानधिगतः ।यथा वायुश्चाभ्रं वडवदहने वाब्धिनिलयोगुणातीतानन्दं मुनिवरमहं नौमि सततम् ॥ ७॥
anākṛṣṭātmā yo bhuvanaviṣayairapyativarairaliptatvenāsthādiha matimuṣastānadhigataḥ |yathā vāyuścābhraṃ vaḍavadahane vābdhinilayoguṇātītānandaṃ munivaramahaṃ naumi satatam || 7||
जनौघेष्वेकान्तं वृषमखिलदोषार्तिशमनंसुभद्रं सच्छास्त्रप्रतिभणितनिर्वाणसरणीम् ।ततानात्मप्रेष्ठं पुरुकरुणया मोहदलनंगुणातीतानन्दं मुनिवरमहं नौमि सततम् ॥ ८॥
janaugheṣvekāntaṃ vṛṣamakhiladoṣārtiśamanaṃsubhadraṃ sacchāstrapratibhaṇitanirvāṇasaraṇīm |tatānātmapreṣṭhaṃ purukaruṇayā mohadalanaṃguṇātītānandaṃ munivaramahaṃ naumi satatam || 8||
स्फुरत्स्फारज्ञानामृतविपुलवृष्ट्यातिसुखदोदुरापैर्युक्तो यः श्रुतिनिगदितैः सद्गुणगणैः ।विधुं निन्ये लज्जां जनविविधतापोपशमनेगुणातीतानन्दं मुनिवरमहं नौमि सततम् ॥ ९॥
sphuratsphārajñānāmṛtavipulavṛṣṭyātisukhadodurāpairyukto yaḥ śrutinigaditaiḥ sadguṇagaṇaiḥ |vidhuṃ ninye lajjāṃ janavividhatāpopaśamaneguṇātītānandaṃ munivaramahaṃ naumi satatam || 9||
जनाज्ञानध्वान्तक्षपणकरणात् तीक्ष्णकिरणंह्रियं निन्ये स्वेक्षादुरितदलनो यो मृदुमनाः ।महैश्वर्यैर्युक्तो हरिपरतरानुग्रहतयागुणातीतानन्दं मुनिवरमहं नौमि सततम् ॥ १०॥
janājñānadhvāntakṣapaṇakaraṇāt tīkṣṇakiraṇaṃhriyaṃ ninye svekṣāduritadalano yo mṛdumanāḥ |mahaiśvaryairyukto hariparatarānugrahatayāguṇātītānandaṃ munivaramahaṃ naumi satatam || 10||
प्रसङ्गं यस्यैत्याजगति ननु जाता जनगणाबृहद्रूपा भूपा हरिपुरुतरध्याननिरताः ।विरक्ता राज्यादौ शुभगुणयुताश्चातिसुखिनोगुणातीतानन्दं मुनिवरमहं नौमि सततम् ॥ ११॥
prasaṅgaṃ yasyaityājagati nanu jātā janagaṇābṛhadrūpā bhūpā haripurutaradhyānaniratāḥ |viraktā rājyādau śubhaguṇayutāścātisukhinoguṇātītānandaṃ munivaramahaṃ naumi satatam || 11||
यदुक्तां सद्वार्तां भवभयहरां श्रोतुमनिशंसमायन् सद्व्राता बहुजनपदेभ्यो हरिजनाः ।मराला भूयांसः समुदमिव सन्मानससरोगुणातीतानन्दं मुनिवरमहं नौमि सततम् ॥ १२॥
yaduktāṃ sadvārtāṃ bhavabhayaharāṃ śrotumaniśaṃsamāyan sadvrātā bahujanapadebhyo harijanāḥ |marālā bhūyāṃsaḥ samudamiva sanmānasasaroguṇātītānandaṃ munivaramahaṃ naumi satatam || 12||
यदावासे मारप्रणयरसलोभादिरिपवःप्रवेष्टुं नो शेकुर्विजितविधिमुख्या बहुमदाः ।मुनीन्द्रैस्तं मान्यं शुभसकलतीर्थास्पदपदंगुणातीतानन्दं मुनिवरमहं नौमि सततम् ॥ १३॥
yadāvāse mārapraṇayarasalobhādiripavaḥpraveṣṭuṃ no śekurvijitavidhimukhyā bahumadāḥ |munīndraistaṃ mānyaṃ śubhasakalatīrthāspadapadaṃguṇātītānandaṃ munivaramahaṃ naumi satatam || 13||
महाश्रद्धोपेतं मुनिगुरुवरं स्वक्षरतनुंहरेर्भक्त्यादौ द्राग्भवभयभिदं स्वेक्षणकृताम् ।प्रशान्तं साधुत्वावधिमतुलकारुण्यनिलयंगुणातीतानन्दं मुनिवरमहं नौमि सततम् ॥ १४॥
mahāśraddhopetaṃ muniguruvaraṃ svakṣaratanuṃharerbhaktyādau drāgbhavabhayabhidaṃ svekṣaṇakṛtām |praśāntaṃ sādhutvāvadhimatulakāruṇyanilayaṃguṇātītānandaṃ munivaramahaṃ naumi satatam || 14||
मुहुर्यस्मै प्रादात् पुरुमुदमितो यद्वरगुणैर्हरिर्हारान् पौष्पान्निजतनुधृतानङ्गदमुखान् ।स्वभुक्तं सद्भोज्यं वरवसनमुख्यं स्वविधृतंगुणातीतानन्दं मुनिवरमहं नौमि सततम् ॥ १५॥
muhuryasmai prādāt purumudamito yadvaraguṇairharirhārān pauṣpānnijatanudhṛtānaṅgadamukhān |svabhuktaṃ sadbhojyaṃ varavasanamukhyaṃ svavidhṛtaṃguṇātītānandaṃ munivaramahaṃ naumi satatam || 15||
अनेकेभ्यः सद्भ्यो विमलहरिविज्ञानददतंभुवि ब्राह्मीं विद्यां हरिवचनरूपामुदयतम् ।हरिध्यानासक्तं शुभगुणमनाद्यक्षरमहंगुणातीतानन्दं सकलगुरुमीडे मुनिवरम् ॥ १६॥
anekebhyaḥ sadbhyo vimalaharivijñānadadataṃbhuvi brāhmīṃ vidyāṃ harivacanarūpāmudayatam |haridhyānāsaktaṃ śubhaguṇamanādyakṣaramahaṃguṇātītānandaṃ sakalagurumīḍe munivaram || 16||
इति श्री अचिन्त्यानन्दब्रह्मचारीविरचितं अक्षरब्रह्मस्तोत्रं सम्पूर्णम् ।
iti śrī acintyānandabrahmacārīviracitaṃ akṣarabrahmastotraṃ sampūrṇam |
॥ इति अक्षरब्रह्मस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Aksharabrahma Stotram?
Aksharabrahma Stotram has 17 verses on this page, each shown with its number, Devanagari text and transliteration, and meaning where available.
Can I read Aksharabrahma Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Aksharabrahma Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Aksharabrahma Stotram?
achintyAnandabrahmachArI.
