चामुण्डास्तोत्रम् १ Shri Chamunda Stotram

श्रीगणेशाय नमः ।श्रीभैरवाय नमः ।श्रीउमामहेश्वराभ्यां नमः ।श्रीमार्कण्डेय उवाचततो गच्छेन्महीपाल तीर्थं कनखलोत्तमम् ।गरुडेन तपस्तप्तं पूजयित्वा महेश्वरम् ॥ १॥

śrīgaṇeśāya namaḥ |śrībhairavāya namaḥ |śrīumāmaheśvarābhyāṃ namaḥ |śrīmārkaṇḍeya uvācatato gacchenmahīpāla tīrthaṃ kanakhalottamam |garuḍena tapastaptaṃ pūjayitvā maheśvaram || 1||

दिव्यं वर्षशतं यावज्जातमात्रेण भारत ।तपोजपैः कृशीभूतो दृष्टो देवेन शम्भुना ॥ २॥

divyaṃ varṣaśataṃ yāvajjātamātreṇa bhārata |tapojapaiḥ kṛśībhūto dṛṣṭo devena śambhunā || 2||

ततस्तुष्टो महादेवो वैनतेयं मनोजवम् ।उवाच परमं वाक्यं विनतानन्दवर्धनम् ॥ ३॥

tatastuṣṭo mahādevo vainateyaṃ manojavam |uvāca paramaṃ vākyaṃ vinatānandavardhanam || 3||

प्रसन्नस्ते महाभाग वरं वरय सुव्रत ।दुर्लभं त्रिषु लोकेषु ददामि तव खेचर ॥ ४॥

prasannaste mahābhāga varaṃ varaya suvrata |durlabhaṃ triṣu lokeṣu dadāmi tava khecara || 4||

गरुड उवाचइच्छामि वाहनं विष्णोर्द्विजेन्द्रत्वं सुरेश्वर ।प्रसन्ने त्वयिमेसर्वम्भवत्विति मतिर्मम ॥ ५॥

garuḍa uvācaicchāmi vāhanaṃ viṣṇordvijendratvaṃ sureśvara |prasanne tvayimesarvambhavatviti matirmama || 5||

श्रीमहेश उवाचदुर्लभः प्राणिनान्तातयोवरः प्रार्थितोऽनघ ।देवदेवस्यवहनं द्विजेन्द्रत्वं सुदुर्ल्लभम् ॥ ६॥

śrīmaheśa uvācadurlabhaḥ prāṇināntātayovaraḥ prārthito'nagha |devadevasyavahanaṃ dvijendratvaṃ sudurllabham || 6||

नारायणोदरे सर्वं त्रैलोक्यं सचराचरम् ।त्वया स कथमूह्यतेदेवदेवो जगद्गुरुः ॥ ७॥

nārāyaṇodare sarvaṃ trailokyaṃ sacarācaram |tvayā sa kathamūhyatedevadevo jagadguruḥ || 7||

तेनैव स्थापितश्चेन्द्रस्त्रैलोक्ये सचराचरे ।कथमन्यस्य चेन्द्रत्वं भवतीति सुदुर्लभम् ॥ ८॥

tenaiva sthāpitaścendrastrailokye sacarācare |kathamanyasya cendratvaṃ bhavatīti sudurlabham || 8||

तथापि ममवाक्येनवाहनन्त्वम्भविष्यसि ।शङ्खचक्रगदापाणेर्वहतोऽपि जगत्त्रयम् ॥ ९॥

tathāpi mamavākyenavāhanantvambhaviṣyasi |śaṅkhacakragadāpāṇervahato'pi jagattrayam || 9||

इन्द्रस्त्वं पक्षिणां मध्येभविष्यसिनसंशयः ।इति दत्त्वावरन्तस्मान्तर्धानङ्गतोहरः ॥ १०॥

indrastvaṃ pakṣiṇāṃ madhyebhaviṣyasinasaṃśayaḥ |iti dattvāvarantasmāntardhānaṅgatoharaḥ || 10||

ततो गते महादेवेह्यरुणस्यानुजो नृप ।आराधयामास तदा चामुण्डां मुण्डमण्डिताम् ॥ ११॥

tato gate mahādevehyaruṇasyānujo nṛpa |ārādhayāmāsa tadā cāmuṇḍāṃ muṇḍamaṇḍitām || 11||

श्मशानवासिनीं देवीं बहुभूतसमन्विताम् ।योगिनीं योगसंसिद्धां वसामांसासवप्रियाम् ॥ १२॥

śmaśānavāsinīṃ devīṃ bahubhūtasamanvitām |yoginīṃ yogasaṃsiddhāṃ vasāmāṃsāsavapriyām || 12||

ध्यातमात्रा तु तेनैवप्रत्यक्षाह्यभवत्तदा ।जालन्धरे च या सिद्धिः कौलीने उड्डिशे परे ॥ १३॥

dhyātamātrā tu tenaivapratyakṣāhyabhavattadā |jālandhare ca yā siddhiḥ kaulīne uḍḍiśe pare || 13||

समग्रा सा भृगुक्षेत्रे सिद्धक्षेत्रे तु संस्थिता ।चामुण्डा तत्र सा देवी सिद्धक्षेत्रे व्यवस्थिता ॥ १४॥

samagrā sā bhṛgukṣetre siddhakṣetre tu saṃsthitā |cāmuṇḍā tatra sā devī siddhakṣetre vyavasthitā || 14||

संस्तुता ऋषिभिर्द्देवैर्योगक्षेमार्थसिद्धये ।विनताऽऽनन्दजननस्तत्र तां योगिनीं नृप ।भक्त्या प्रसादयामास स्तोत्रैर्वैदिकलौकिकैः ॥ १५॥

saṃstutā ṛṣibhirddevairyogakṣemārthasiddhaye |vinatā''nandajananastatra tāṃ yoginīṃ nṛpa |bhaktyā prasādayāmāsa stotrairvaidikalaukikaiḥ || 15||

गरुड उवाचया सा क्षुत्क्षामकण्ठा नवरुधिरमुखा प्रेतपद्मासनस्थाभूतानां वृन्दवृन्दैः पितृवननिलया क्रीडते शूलहस्ता ।शस्त्रध्वस्तप्रवीरव्रजरुधिरगलन्मुण्डमालोत्तरीयादेवी श्रीवीरमाता विमलशशिनिभा पातु वश्चर्ममुण्डा ॥ १६॥

garuḍa uvācayā sā kṣutkṣāmakaṇṭhā navarudhiramukhā pretapadmāsanasthābhūtānāṃ vṛndavṛndaiḥ pitṛvananilayā krīḍate śūlahastā |śastradhvastapravīravrajarudhiragalanmuṇḍamālottarīyādevī śrīvīramātā vimalaśaśinibhā pātu vaścarmamuṇḍā || 16||

या सा क्षुत्क्षामकण्ठा विकृतभयकरी त्रासिनी दुष्कृतानांमुञ्चज्ज्वालाकलापैर्द्दशनकसमसैः खादति प्रेतमांसम् ।पिङ्गोद् र्ध्वोद् बद्धजूटारविसदृशतनुर्व्याघ्रचर्मोत्तरीयादैत्येन्द्रैर्यक्षरक्षोऽरसुरनमिता पातु वश्चर्ममुण्डा ॥ १७॥

yā sā kṣutkṣāmakaṇṭhā vikṛtabhayakarī trāsinī duṣkṛtānāṃmuñcajjvālākalāpairddaśanakasamasaiḥ khādati pretamāṃsam |piṅgod rdhvod baddhajūṭāravisadṛśatanurvyāghracarmottarīyādaityendrairyakṣarakṣo'rasuranamitā pātu vaścarmamuṇḍā || 17||

या सा दोर्द्दण्डचण्डैर्डमरुरणरणाटोपटङ्कारघण्टैःकल्पान्तोत्पातवाताहतपटुपटहैर्वल्गते भूतमाता ।क्षुत्क्षामा शुष्ककुक्षिः खरतरनखरैः क्षोदति प्रेतमांसंमुञ्चन्ती चाट्टहासं घुरघुरितरवा पातु वश्चर्ममुण्डा ॥ १८॥

yā sā dorddaṇḍacaṇḍairḍamaruraṇaraṇāṭopaṭaṅkāraghaṇṭaiḥkalpāntotpātavātāhatapaṭupaṭahairvalgate bhūtamātā |kṣutkṣāmā śuṣkakukṣiḥ kharataranakharaiḥ kṣodati pretamāṃsaṃmuñcantī cāṭṭahāsaṃ ghuraghuritaravā pātu vaścarmamuṇḍā || 18||

या सा निम्नोदराभा विकृतभवभयत्रासिनी शूलहस्ताचामुण्डा मुण्डघाता रणरुणितरणझल्लरीनादरम्या ।त्रैलोक्यं त्रासयन्ति ककहकहकहैर्घोररावैरनेकैर्नृत्यन्तीमातृमध्ये पितृवननिलया पातु वश्चर्ममुण्डा ॥ १९॥

yā sā nimnodarābhā vikṛtabhavabhayatrāsinī śūlahastācāmuṇḍā muṇḍaghātā raṇaruṇitaraṇajhallarīnādaramyā |trailokyaṃ trāsayanti kakahakahakahairghorarāvairanekairnṛtyantīmātṛmadhye pitṛvananilayā pātu vaścarmamuṇḍā || 19||

या धत्ते विश्वमखिलं निजांशेन महोज्ज्वला ।कनकप्रसवे लीना पातु मां कनकेश्वरी ॥ २०॥

yā dhatte viśvamakhilaṃ nijāṃśena mahojjvalā |kanakaprasave līnā pātu māṃ kanakeśvarī || 20||

हिमाद्रिसम्भवा देवी दयादर्शितविग्रहा ।शिवप्रिया शिवे सक्ता पातु मां कनकेश्वरी ॥ २१॥

himādrisambhavā devī dayādarśitavigrahā |śivapriyā śive saktā pātu māṃ kanakeśvarī || 21||

अनादिजगदादिर्या रत्नगर्भा वसुप्रिया ।रथाङ्गपाणिना पद्मा पातु मां कनकेश्वरी ॥ २२॥

anādijagadādiryā ratnagarbhā vasupriyā |rathāṅgapāṇinā padmā pātu māṃ kanakeśvarī || 22||

सावित्री या च गायत्री मृडानी वागथेन्दिरा ।स्मर्तृणां या सुखं दत्ते पातु मां कनकेश्वरी ॥ २३॥

sāvitrī yā ca gāyatrī mṛḍānī vāgathendirā |smartṛṇāṃ yā sukhaṃ datte pātu māṃ kanakeśvarī || 23||

सौम्यासौम्यैः सदा रूपैः सृजत्यवति या जगत् ।परा शक्तिः परा बुद्धिः पातु मां कनकेश्वरी ॥ २४॥

saumyāsaumyaiḥ sadā rūpaiḥ sṛjatyavati yā jagat |parā śaktiḥ parā buddhiḥ pātu māṃ kanakeśvarī || 24||

ब्रह्मणः सर्गसमये सृज्यशक्तिः परा तु या ।जगन्माया जगद्धात्री पातु मां कनकेश्वरी ॥ २५॥

brahmaṇaḥ sargasamaye sṛjyaśaktiḥ parā tu yā |jaganmāyā jagaddhātrī pātu māṃ kanakeśvarī || 25||

विश्वस्य पालने विष्णोर्या शक्तिः परिपालिता ।मदनोन्मादिनी मुख्या पातु मां कनकेश्वरी ॥ २६॥

viśvasya pālane viṣṇoryā śaktiḥ paripālitā |madanonmādinī mukhyā pātu māṃ kanakeśvarī || 26||

विश्वसंलयने मुख्या या रुद्रेण समाश्रिता ।रौद्री शक्तिः शिवाऽनन्ता पातु मां कनकेश्वरी ॥ २७॥

viśvasaṃlayane mukhyā yā rudreṇa samāśritā |raudrī śaktiḥ śivā'nantā pātu māṃ kanakeśvarī || 27||

कैलाससानुसंरूढ कनकप्रसवेशया ।भस्मकाभिहृता पूर्वं पातु मां कनकेश्वरी ॥ २८॥

kailāsasānusaṃrūḍha kanakaprasaveśayā |bhasmakābhihṛtā pūrvaṃ pātu māṃ kanakeśvarī || 28||

पतिप्रभावमिच्छन्ती त्रस्यन्ती या विना पतिम् ।अबला त्वेकभावा च पातु मां कनकेश्वरी ॥ २९॥

patiprabhāvamicchantī trasyantī yā vinā patim |abalā tvekabhāvā ca pātu māṃ kanakeśvarī || 29||

विश्वसंरक्षणे सक्ता रक्षिता कनकेन या ।आ ब्रह्मस्तम्बजननी पातु मां कनकेश्वरी ॥ ३०॥

viśvasaṃrakṣaṇe saktā rakṣitā kanakena yā |ā brahmastambajananī pātu māṃ kanakeśvarī || 30||

ब्रह्मविष्ण्वीश्वराः शक्त्या शरीरग्रहणं यया ।प्रापिताः प्रथमा शक्तिः पातु मां कनकेश्वरी ॥ ३१॥

brahmaviṣṇvīśvarāḥ śaktyā śarīragrahaṇaṃ yayā |prāpitāḥ prathamā śaktiḥ pātu māṃ kanakeśvarī || 31||

श्रुत्वा तु गरुडेनोक्तं देवीवृत्तचतुष्टयम् ।प्रसन्ना सम्मुखी भूत्वा वाक्यमेतदुवाच ह ॥ ३२॥

śrutvā tu garuḍenoktaṃ devīvṛttacatuṣṭayam |prasannā sammukhī bhūtvā vākyametaduvāca ha || 32||

श्रीचामुण्डोवाचप्रसन्ना ते महासत्त्व वरं वरय वाञ्छितम् ।ददामि ते द्विजश्रेष्ठ यत्ते मनसि रोचते ॥ ३३॥

śrīcāmuṇḍovācaprasannā te mahāsattva varaṃ varaya vāñchitam |dadāmi te dvijaśreṣṭha yatte manasi rocate || 33||

गरुड उवाचअजरश्चामरश्चैव अधृष्यश्च सुरासुरैः ।तव प्रसादाच्चैवान्यैरजेयश्च भवाम्यहम् ॥ ३४॥

garuḍa uvācaajaraścāmaraścaiva adhṛṣyaśca surāsuraiḥ |tava prasādāccaivānyairajeyaśca bhavāmyaham || 34||

त्वयाचाऽत्र सदा देवि स्थातव्यं तीर्थसन्निधौ ।मार्कण्डेय उवाचएवं भविष्यतीत्युक्त्वा देवी देवैरभिष्टुता ॥ ३५॥

tvayācā'tra sadā devi sthātavyaṃ tīrthasannidhau |mārkaṇḍeya uvācaevaṃ bhaviṣyatītyuktvā devī devairabhiṣṭutā || 35||

जगामाकाशमाविश्य भूतसङ्घसमन्विता ।यदा लक्ष्म्या नृपश्रेष्ठ स्थापितं पुरमुत्तमम् ॥ ३६॥

jagāmākāśamāviśya bhūtasaṅghasamanvitā |yadā lakṣmyā nṛpaśreṣṭha sthāpitaṃ puramuttamam || 36||

अनुमान्य तदा देवीं कृतं तस्यां समर्पितम् ।लक्ष्मीरुवाचरक्षणाय मया देवि योगक्षेमार्थसिद्धये ॥ ३७॥

anumānya tadā devīṃ kṛtaṃ tasyāṃ samarpitam |lakṣmīruvācarakṣaṇāya mayā devi yogakṣemārthasiddhaye || 37||

मातृवत्प्रतिपाल्यं ते सदा देवि पुरं मम ।गरुडोऽपि ततः स्नात्वा सम्पूज्य कनकेश्वरीम् ॥ ३८॥

mātṛvatpratipālyaṃ te sadā devi puraṃ mama |garuḍo'pi tataḥ snātvā sampūjya kanakeśvarīm || 38||

तीर्थं तत्रैव संस्थाप्य जगामाकाशमुत्तमम् ।तत्र तीर्थे तु यः स्नात्वा पूजयेत्पितृदेवताः ॥ ३९॥

tīrthaṃ tatraiva saṃsthāpya jagāmākāśamuttamam |tatra tīrthe tu yaḥ snātvā pūjayetpitṛdevatāḥ || 39||

सर्वकामसमृद्धस्य यज्ञस्य फलमश्नुते ।गन्धपुष्पादिभिर्यस्तु पूजयेत्कनकेश्वरीम् ॥ ४०॥

sarvakāmasamṛddhasya yajñasya phalamaśnute |gandhapuṣpādibhiryastu pūjayetkanakeśvarīm || 40||

तस्य योगैश्वर्यसिद्धिर्योगपीठेषु जायते ।मृतो योगेश्वरं लोकं जयशब्दादिमङ्गलैः ।स गच्छेन्नाऽत्र सन्देहो योगिनीगणसंयुतः ॥ ४१॥

tasya yogaiśvaryasiddhiryogapīṭheṣu jāyate |mṛto yogeśvaraṃ lokaṃ jayaśabdādimaṅgalaiḥ |sa gacchennā'tra sandeho yoginīgaṇasaṃyutaḥ || 41||

॥ श्रीस्कान्दे रेवाखण्डे कनखलेश्वरतीर्थमाहात्म्ये चामुण्डा स्तोत्रम् ॥

|| śrīskānde revākhaṇḍe kanakhaleśvaratīrthamāhātmye cāmuṇḍā stotram ||