अखिलाण्डेश्वरीस्तोत्रम् Akhilandeshvari Stotram

ओङ्कारार्णवमध्यगे त्रिपथगे ओङ्कारबीजात्मिकेओङ्कारेण सुखप्रदे शुभकरे ओकारबिन्दुप्रिये ।ओङ्कारे जगदम्बिके शशिकले ओङ्कारपीठस्थितेदासोऽहं तव पादपद्मयुगलं वन्देऽखिलाण्डेश्वरि ॥ १॥

oṅkārārṇavamadhyage tripathage oṅkārabījātmikeoṅkāreṇa sukhaprade śubhakare okārabindupriye |oṅkāre jagadambike śaśikale oṅkārapīṭhasthitedāso'haṃ tava pādapadmayugalaṃ vande'khilāṇḍeśvari || 1||

ह्रीङ्कारार्णववर्णमध्यनिलये ह्रीङ्कारवर्णात्मिके ।ह्रीङ्काराब्धिसुचारुचान्द्रकधरे ह्रीङ्कारनादप्रिये ।ह्रीङ्कारे त्रिपुरेश्वरी सुचरिते ह्रीङ्कारपीठस्थितेदासोऽहं तव पादपद्मयुगलं वन्देऽखिलाण्डेश्वरि ॥ २॥

hrīṅkārārṇavavarṇamadhyanilaye hrīṅkāravarṇātmike |hrīṅkārābdhisucārucāndrakadhare hrīṅkāranādapriye |hrīṅkāre tripureśvarī sucarite hrīṅkārapīṭhasthitedāso'haṃ tava pādapadmayugalaṃ vande'khilāṇḍeśvari || 2||

श्रीचक्राङ्कितभूषणोज्ज्वलमुखे श्रीराजराजेश्वरिश्रीकण्ठार्धशरीरभागनिलये श्रीजम्बुनाथप्रिये ।श्रीकान्तस्य सहोदरे सुमनसे श्रीबिन्दुपीठप्रियेदासोऽहं तव पादपद्मयुगलं वन्देऽखिलाण्डेश्वरि ॥ ३॥

śrīcakrāṅkitabhūṣaṇojjvalamukhe śrīrājarājeśvariśrīkaṇṭhārdhaśarīrabhāganilaye śrījambunāthapriye |śrīkāntasya sahodare sumanase śrībindupīṭhapriyedāso'haṃ tava pādapadmayugalaṃ vande'khilāṇḍeśvari || 3||

कस्तूरीतिलकोज्ज्वले कलिहरे क्लीङ्कारबीजात्मिकेकल्याणो जगदीश्वरी भगवती कादम्बवासप्रिये ।कामाक्षी सकलेश्वरी शुभकरे क्लीङ्कारपीठस्थितेदासोऽहं तव पादपद्मयुगलं वन्देऽखिलाण्डेश्वरि ॥ ४॥

kastūrītilakojjvale kalihare klīṅkārabījātmikekalyāṇo jagadīśvarī bhagavatī kādambavāsapriye |kāmākṣī sakaleśvarī śubhakare klīṅkārapīṭhasthitedāso'haṃ tava pādapadmayugalaṃ vande'khilāṇḍeśvari || 4||

नादे नारदतुम्बुरादिविनुते नारायणी मङ्गलेनानालङ्कृतहारनूपुरधरे नासामणीभासुरे ।नानाभक्तसुपूज्यपादकमले नागारिमध्यस्थलेदासोऽहं तव पादपद्मयुगलं वन्देऽखिलाण्डेश्वरि ॥ ५॥

nāde nāradatumburādivinute nārāyaṇī maṅgalenānālaṅkṛtahāranūpuradhare nāsāmaṇībhāsure |nānābhaktasupūjyapādakamale nāgārimadhyasthaledāso'haṃ tava pādapadmayugalaṃ vande'khilāṇḍeśvari || 5||

श्यामाङ्गी शरदिन्दुकोटिवदने सिद्धान्तमार्गप्रियेशान्ते शारदविग्रहे शुभकरे शास्त्रादिषड्दर्शने ।शर्वाणी परमात्मिके परशिवे प्रत्यक्षसिद्धिप्रदेदासोऽहं तव पादपद्मयुगलं वन्देऽखिलाण्डेश्वरि ॥ ६॥

śyāmāṅgī śaradindukoṭivadane siddhāntamārgapriyeśānte śāradavigrahe śubhakare śāstrādiṣaḍdarśane |śarvāṇī paramātmike paraśive pratyakṣasiddhipradedāso'haṃ tava pādapadmayugalaṃ vande'khilāṇḍeśvari || 6||

माङ्गल्ये मधुरप्रिये मधुमती माङ्गल्यसूत्रोज्ज्वलेमाहात्म्यश्रवणे सुते सुतमयी माहेश्वरी चिन्मयि ।मान्धा(ता)( तृ)प्रमुखादिपूजितपदे मन्त्रा(र्ध)(र्थ) सिद्धिप्रदेदासोऽहं तव पादपद्मयुगलं वन्देऽखिलाण्डेश्वरि ॥ ७॥

māṅgalye madhurapriye madhumatī māṅgalyasūtrojjvalemāhātmyaśravaṇe sute sutamayī māheśvarī cinmayi |māndhā(tā)( tṛ)pramukhādipūjitapade mantrā(rdha)(rtha) siddhipradedāso'haṃ tava pādapadmayugalaṃ vande'khilāṇḍeśvari || 7||

तत्त्वे तत्त्वमयी परात्परमयि ज्योतिर्मयी चिन्मयिनादे नादमयी सदाशिवमयी तत्त्वार्थसारामयि ( त्मिके) ।शब्दब्रह्ममयी चराचरमयी वेदान्तरूपात्मिकेदासोऽहं तव पादपद्मयुगलं वन्देऽखिलाण्डेश्वरि ॥ ८॥

tattve tattvamayī parātparamayi jyotirmayī cinmayināde nādamayī sadāśivamayī tattvārthasārāmayi ( tmike) |śabdabrahmamayī carācaramayī vedāntarūpātmikedāso'haṃ tava pādapadmayugalaṃ vande'khilāṇḍeśvari || 8||

कदम्बवृक्षमूले त्वं वासिनि शुभधारिणि ।धरधरसुते देवि मङ्गलं कुरु शङ्करि ॥ ९॥

kadambavṛkṣamūle tvaṃ vāsini śubhadhāriṇi |dharadharasute devi maṅgalaṃ kuru śaṅkari || 9||

ध्यात्वा त्वां देवि दशकं ये पठन्ति भृगोर्दिने ।तेषां च धनमायुष्यमारोग्यं पुत्रसम्पदः ॥ १०॥

dhyātvā tvāṃ devi daśakaṃ ye paṭhanti bhṛgordine |teṣāṃ ca dhanamāyuṣyamārogyaṃ putrasampadaḥ || 10||

इति श्री अखिलाण्डेश्वरीस्तोत्रं सम्पूर्णम् ।

iti śrī akhilāṇḍeśvarīstotraṃ sampūrṇam |