दत्तात्रेयवज्रकवचम् Shri Dattatreya Vajrakavacham

श्रीगणेशाय नमः ।श्रीदत्तात्रेयाय नमः ।ऋषय ऊचुः ।कथं सङ्कल्पसिद्धिः स्याद्वेदव्यास कलौ युगे ।धर्मार्थकाममोक्षाणां साधनं किमुदाहृतम् ॥ १॥

śrīgaṇeśāya namaḥ |śrīdattātreyāya namaḥ |ṛṣaya ūcuḥ |kathaṃ saṅkalpasiddhiḥ syādvedavyāsa kalau yuge |dharmārthakāmamokṣāṇāṃ sādhanaṃ kimudāhṛtam || 1||

व्यास उवाच ।शृण्वन्तुऋषयः सर्वे शीघ्रं सङ्कल्पसाधनम् ।सकृदुच्चारमात्रेण भोगमोक्षप्रदायकम् ॥ २॥

vyāsa uvāca |śṛṇvantuṛṣayaḥ sarve śīghraṃ saṅkalpasādhanam |sakṛduccāramātreṇa bhogamokṣapradāyakam || 2||

गौरीशृङ्गे हिमवतः कल्पवृक्षोपशोभितम् ।दीप्ते दिव्यमहारत्नहेममण्डपमध्यगम् ॥ ३॥

gaurīśṛṅge himavataḥ kalpavṛkṣopaśobhitam |dīpte divyamahāratnahemamaṇḍapamadhyagam || 3||

रत्नसिंहासनासिनं प्रसन्नं परमेश्वरम् ।मन्दस्मितमुखाम्भोजं शङ्करं प्राह पार्वती ॥ ४॥

ratnasiṃhāsanāsinaṃ prasannaṃ parameśvaram |mandasmitamukhāmbhojaṃ śaṅkaraṃ prāha pārvatī || 4||

श्रीदेव्युवाच ।देवदेव महादेव लोकशङ्कर शङ्कर ।मन्त्रजालानि सर्वाणि यन्त्रजालानि कृत्स्नशः ॥ ५॥

śrīdevyuvāca |devadeva mahādeva lokaśaṅkara śaṅkara |mantrajālāni sarvāṇi yantrajālāni kṛtsnaśaḥ || 5||

तन्त्रजालान्यनेकानि मया त्वत्तः श्रुतानि वै ।इदानीं द्रष्टुमिच्छामि विशेषेण महीतलम् ॥ ६॥

tantrajālānyanekāni mayā tvattaḥ śrutāni vai |idānīṃ draṣṭumicchāmi viśeṣeṇa mahītalam || 6||

इत्युदीरितमाकर्ण्य पार्वत्या परमेश्वरः ।करेणामृज्य सन्तोषात्पार्वतीं प्रत्यभाषत ॥ ७॥

ityudīritamākarṇya pārvatyā parameśvaraḥ |kareṇāmṛjya santoṣātpārvatīṃ pratyabhāṣata || 7||

मयेदानीं त्वया सार्धं वृषमारुह्य गम्यते ।इत्युक्त्वा वृषमारुह्य पार्वत्या सह शङ्करः ॥ ८॥

mayedānīṃ tvayā sārdhaṃ vṛṣamāruhya gamyate |ityuktvā vṛṣamāruhya pārvatyā saha śaṅkaraḥ || 8||

ययौ भूमण्डलं द्रष्टुं गौर्याश्चित्राणि दर्शयन् ।क्वचित् विन्ध्याचलप्रान्ते महारण्ये सुदुर्गमे ॥ ९॥

yayau bhūmaṇḍalaṃ draṣṭuṃ gauryāścitrāṇi darśayan |kvacit vindhyācalaprānte mahāraṇye sudurgame || 9||

तत्र व्याहर्तुमायान्तं भिल्लं परशुधारिणम् ।वर्ध्यमानं महाव्याघ्रं नखदंष्ट्राभिरावृतम् ॥ १०॥

tatra vyāhartumāyāntaṃ bhillaṃ paraśudhāriṇam |vardhyamānaṃ mahāvyāghraṃ nakhadaṃṣṭrābhirāvṛtam || 10||

अतीव चित्रचारित्र्यं वज्रकायसमायुतम् ।अप्रयत्नमनायासमखिलं सुखमास्थितम् ॥ ११॥

atīva citracāritryaṃ vajrakāyasamāyutam |aprayatnamanāyāsamakhilaṃ sukhamāsthitam || 11||

पलायन्तं मृगं पश्चाद्व्याघ्रो भीत्या पलायितः ।एतदाश्चर्यमालोक्य पार्वती प्राह शङ्करम् ॥ १२॥

palāyantaṃ mṛgaṃ paścādvyāghro bhītyā palāyitaḥ |etadāścaryamālokya pārvatī prāha śaṅkaram || 12||

श्रीपार्वत्युवाच ।किमाश्चर्यं किमाश्चर्यमग्रे शम्भो निरीक्ष्यताम् ।इत्युक्तः स ततः शम्भुर्दृष्ट्वा प्राह पुराणवित् ॥ १३॥

śrīpārvatyuvāca |kimāścaryaṃ kimāścaryamagre śambho nirīkṣyatām |ityuktaḥ sa tataḥ śambhurdṛṣṭvā prāha purāṇavit || 13||

श्रीशङ्कर उवाच ।गौरि वक्ष्यामि ते चित्रमवाङ्मानसगोचरम् ।अदृष्टपूर्वमस्माभिर्नास्ति किञ्चन्न कुत्रचित् ॥ १४॥

śrīśaṅkara uvāca |gauri vakṣyāmi te citramavāṅmānasagocaram |adṛṣṭapūrvamasmābhirnāsti kiñcanna kutracit || 14||

मया सम्यक् समासेन वक्ष्यते शृणु पार्वति ।अयं दूरश्रवा नाम भिल्लः परमधार्मिकः ॥ १५॥

mayā samyak samāsena vakṣyate śṛṇu pārvati |ayaṃ dūraśravā nāma bhillaḥ paramadhārmikaḥ || 15||

समित्कुशप्रसूनानि कन्दमूलफलादिकम् ।प्रत्यहं विपिनं गत्वा समादाय प्रयासतः ॥ १६॥

samitkuśaprasūnāni kandamūlaphalādikam |pratyahaṃ vipinaṃ gatvā samādāya prayāsataḥ || 16||

प्रिये पूर्वं मुनीन्द्रेभ्यः प्रयच्छति न वाञ्छति ।तेऽपि तस्मिन्नपि दयां कुर्वते सर्वमौनिनः ॥ १७॥

priye pūrvaṃ munīndrebhyaḥ prayacchati na vāñchati |te'pi tasminnapi dayāṃ kurvate sarvamauninaḥ || 17||

दलादनो महायोगी वसन्नेव निजाश्रमे ।कदाचिदस्मरत् सिद्धं दत्तात्रेयं दिगम्बरम् ॥ १८॥

dalādano mahāyogī vasanneva nijāśrame |kadācidasmarat siddhaṃ dattātreyaṃ digambaram || 18||

दत्तात्रेयः स्मर्तृगामी चेतिहासं परीक्षितुम् ।तत्क्षणात्सोऽपि योगीन्द्रो दत्तात्रेयः समुत्थितः ॥ १९॥

dattātreyaḥ smartṛgāmī cetihāsaṃ parīkṣitum |tatkṣaṇātso'pi yogīndro dattātreyaḥ samutthitaḥ || 19||

तं दृष्ट्वाऽऽश्चर्यतोषाभ्यां दलादनमहामुनिः ।सम्पूज्याग्रे निषीदन्तं दत्तात्रेयमुवाच तम् ॥ २०॥

taṃ dṛṣṭvā''ścaryatoṣābhyāṃ dalādanamahāmuniḥ |sampūjyāgre niṣīdantaṃ dattātreyamuvāca tam || 20||

मयोपहूतः सम्प्राप्तो दत्तात्रेय महामुने ।स्मर्तृगामी त्वमित्येतत् किंवदन्ती परीक्षितुम् ॥ २१॥

mayopahūtaḥ samprāpto dattātreya mahāmune |smartṛgāmī tvamityetat kiṃvadantī parīkṣitum || 21||

मयाद्य संस्मृतोऽसि त्वमपराधं क्षमस्व मे ।दत्तात्रेयो मुनिं प्राह मम प्रकृतिरीदृशी ॥ २२॥

mayādya saṃsmṛto'si tvamaparādhaṃ kṣamasva me |dattātreyo muniṃ prāha mama prakṛtirīdṛśī || 22||

अभक्त्या वा सुभक्त्या वा यः स्मरेन्मामनन्यधीः ।तदानीं तमुपागत्य ददामि तदभीप्सितम् ॥ २३॥

abhaktyā vā subhaktyā vā yaḥ smarenmāmananyadhīḥ |tadānīṃ tamupāgatya dadāmi tadabhīpsitam || 23||

दत्तात्रेयो मुनिं प्राह दलादनमुनीश्वरम् ।यदिष्टं तद्वृणीष्व त्वं यत् प्राप्तोऽहं त्वया स्मृतः ॥ २४॥

dattātreyo muniṃ prāha dalādanamunīśvaram |yadiṣṭaṃ tadvṛṇīṣva tvaṃ yat prāpto'haṃ tvayā smṛtaḥ || 24||

दत्तात्रेयं मुनिः प्राह मया किमपि नोच्यते ।त्वच्चित्ते यत्स्थितं तन्मे प्रयच्छ मुनिपुङ्गव ॥ २५॥

dattātreyaṃ muniḥ prāha mayā kimapi nocyate |tvaccitte yatsthitaṃ tanme prayaccha munipuṅgava || 25||

श्रीदत्तात्रेय उवाच ।ममास्ति वज्रकवचं गृहाणेत्यवदन्मुनिम् ।तथ्येत्यङ्गीकृतवते दलादनमुनये मुनिः ॥ २६॥

śrīdattātreya uvāca |mamāsti vajrakavacaṃ gṛhāṇetyavadanmunim |tathyetyaṅgīkṛtavate dalādanamunaye muniḥ || 26||

स्ववज्रकवचं प्राह ऋषिच्छन्दःपुरःसरम् ।न्यासं ध्यानं फलं तत्र प्रयोजनमशेषतः ॥ २७॥

svavajrakavacaṃ prāha ṛṣicchandaḥpuraḥsaram |nyāsaṃ dhyānaṃ phalaṃ tatra prayojanamaśeṣataḥ || 27||

अस्य श्रीदत्तात्रेयवज्रकवचस्तोत्रमन्त्रस्य\,किरातरूपी महारुद्र ऋषिः\, अनुष्टुप् छन्दः\,श्रीदत्तात्रेयो देवता\, द्रां बीजं\, आं शक्तिः\,क्रौं कीलकं\, ॐ आत्मने नमः । ॐ द्रीं मनसे नमः ।ॐ आं द्रीं श्रीं सौः ॐ क्लां क्लीं क्लूं क्लैं क्लौं क्लः ।श्रीदत्तात्रेयप्रसादसिद्ध्यर्थे जपे विनियोगः ॥अथ करन्यासः ।ॐ द्रां अङ्गुष्ठाभ्यां नमः ।ॐ द्रीं तर्जनीभ्यां नमः ।ॐ द्रूं मध्यमाभ्यां नमः ।ॐ द्रैं अनामिकाभ्यां नमः ।ॐ द्रौं कनिष्ठिकाभ्यां नमः ।ॐ द्रः करतलकरपृष्ठाभ्यां नमः ॥अथ हृदयादिन्यासः ।ॐ द्रां हृदयाय नमः ।ॐ द्रीं शिरसे स्वाहा ।ॐ द्रूं शिखायै वषट् ।ॐ द्रैं कवचाय हुं ।ॐ द्रौं नेत्रत्रयाय वौषट् ।ॐ द्रः अस्त्राय फट् ।ॐ भूर्भुवःस्वरोमिति दिग्बन्धः ॥अथ ध्यानम् ।जगदङ्कुरकन्दाय सच्चिदानन्दमूर्तये ।दत्तात्रेयाय योगीन्द्रचन्द्राय परमात्मने ॥ १॥

asya śrīdattātreyavajrakavacastotramantrasya\,kirātarūpī mahārudra ṛṣiḥ\, anuṣṭup chandaḥ\,śrīdattātreyo devatā\, drāṃ bījaṃ\, āṃ śaktiḥ\,krauṃ kīlakaṃ\, oṃ ātmane namaḥ | oṃ drīṃ manase namaḥ |oṃ āṃ drīṃ śrīṃ sauḥ oṃ klāṃ klīṃ klūṃ klaiṃ klauṃ klaḥ |śrīdattātreyaprasādasiddhyarthe jape viniyogaḥ ||atha karanyāsaḥ |oṃ drāṃ aṅguṣṭhābhyāṃ namaḥ |oṃ drīṃ tarjanībhyāṃ namaḥ |oṃ drūṃ madhyamābhyāṃ namaḥ |oṃ draiṃ anāmikābhyāṃ namaḥ |oṃ drauṃ kaniṣṭhikābhyāṃ namaḥ |oṃ draḥ karatalakarapṛṣṭhābhyāṃ namaḥ ||atha hṛdayādinyāsaḥ |oṃ drāṃ hṛdayāya namaḥ |oṃ drīṃ śirase svāhā |oṃ drūṃ śikhāyai vaṣaṭ |oṃ draiṃ kavacāya huṃ |oṃ drauṃ netratrayāya vauṣaṭ |oṃ draḥ astrāya phaṭ |oṃ bhūrbhuvaḥsvaromiti digbandhaḥ ||atha dhyānam |jagadaṅkurakandāya saccidānandamūrtaye |dattātreyāya yogīndracandrāya paramātmane || 1||

कदा योगी कदा भोगी कदा नग्नः पिशाचवत् ।दत्तात्रेयो हरिः साक्षाद्भुक्तिमुक्तिप्रदायकः ॥ २॥

kadā yogī kadā bhogī kadā nagnaḥ piśācavat |dattātreyo hariḥ sākṣādbhuktimuktipradāyakaḥ || 2||

वाराणसीपुरस्नायी कोल्हापुरजपादरः ।माहुरीपुरभिक्षाशी सह्यशायी दिगम्बर ॥ ३॥

vārāṇasīpurasnāyī kolhāpurajapādaraḥ |māhurīpurabhikṣāśī sahyaśāyī digambara || 3||

इन्द्रनीलसमाकारश्चन्द्रकान्तिसमद्युतिः ।वैडुर्यसदृशस्फूर्तिश्चलत्किञ्चिज्जटाधरः ॥ ४॥

indranīlasamākāraścandrakāntisamadyutiḥ |vaiḍuryasadṛśasphūrtiścalatkiñcijjaṭādharaḥ || 4||

स्निग्धधावल्ययुक्ताक्षोऽत्यन्तनीलकनीनिकः ।भ्रूवक्षःश्मश्रुनीलाङ्कः सशाङ्कसदृशाननः ॥ ५॥

snigdhadhāvalyayuktākṣo'tyantanīlakanīnikaḥ |bhrūvakṣaḥśmaśrunīlāṅkaḥ saśāṅkasadṛśānanaḥ || 5||

हासनिर्जितनीहारः कण्ठनिर्जितकम्बुकः ।मांसलांसो दीर्घबाहुः पाणिनिर्जितपल्लवः ॥ ६॥

hāsanirjitanīhāraḥ kaṇṭhanirjitakambukaḥ |māṃsalāṃso dīrghabāhuḥ pāṇinirjitapallavaḥ || 6||

विशालपीनवक्षाश्च ताम्रपाणिर्दलोदरः ।पृथुलश्रोणिललितो विशालजघनस्थलः ॥ ७॥

viśālapīnavakṣāśca tāmrapāṇirdalodaraḥ |pṛthulaśroṇilalito viśālajaghanasthalaḥ || 7||

रम्भास्तम्भोपमानोरुर्जानुपूर्वैकजङ्घकः ।गूढगुल्फः कूर्मपृष्ठोलसत्पादोषरिस्थलः ॥ ८॥

rambhāstambhopamānorurjānupūrvaikajaṅghakaḥ |gūḍhagulphaḥ kūrmapṛṣṭholasatpādoṣaristhalaḥ || 8||

रक्तारविन्दसदृशरमणीयपदाधरः ।चर्माम्बरधरो योगी स्मर्तृगामी क्षणे क्षणे ॥ ९॥

raktāravindasadṛśaramaṇīyapadādharaḥ |carmāmbaradharo yogī smartṛgāmī kṣaṇe kṣaṇe || 9||

ज्ञानोपदेशनीरतो विपद्धरणदीक्षितः ।सिद्धासनसमासीन ऋजुकायो हसन्मुखः ॥ १०॥

jñānopadeśanīrato vipaddharaṇadīkṣitaḥ |siddhāsanasamāsīna ṛjukāyo hasanmukhaḥ || 10||

वामहस्तेन वरदो दक्षिणेनाभयङ्करः ।बालोन्मत्तपिशाचीभिः क्वचिद्युक्तः परीक्षितः ॥ ११॥

vāmahastena varado dakṣiṇenābhayaṅkaraḥ |bālonmattapiśācībhiḥ kvacidyuktaḥ parīkṣitaḥ || 11||

त्यागी भोगी महायोगी नित्यानन्दो निरञ्जनः ।सर्वरूपी सर्वदाता सर्वगः सर्वकामदः ॥ १२॥

tyāgī bhogī mahāyogī nityānando nirañjanaḥ |sarvarūpī sarvadātā sarvagaḥ sarvakāmadaḥ || 12||

भस्मोद्धूलितसर्वाङ्गो महापातकनाशनः ।भुक्तिप्रदो मुक्तिदाता जीवन्मुक्तो न संशयः ॥ १३॥

bhasmoddhūlitasarvāṅgo mahāpātakanāśanaḥ |bhuktiprado muktidātā jīvanmukto na saṃśayaḥ || 13||

एवं ध्यात्वाऽनन्यचित्तो मद्वज्रकवचं पठेत् ।मामेव पश्यन्सर्वत्र स मया सह सञ्चरेत् ॥ १४॥

evaṃ dhyātvā'nanyacitto madvajrakavacaṃ paṭhet |māmeva paśyansarvatra sa mayā saha sañcaret || 14||

दिगम्बरं भस्मसुगन्धलेपनं चक्रं त्रिशूलं डमरुं गदायुधम् ।पद्मासनं योगिमुनीन्द्रवन्दितं दत्तेति नामस्मरणेन नित्यम् ॥ १५॥

digambaraṃ bhasmasugandhalepanaṃ cakraṃ triśūlaṃ ḍamaruṃ gadāyudham |padmāsanaṃ yogimunīndravanditaṃ datteti nāmasmaraṇena nityam || 15||

(अथ पञ्चोपचारैः संपूज्य ॐ द्रां इति अष्टोत्तरशतवारं जपेत्)पञ्चोपचारपूजालं पृथिव्यात्मने गन्धं समर्पयामि ।हं आकाशात्मने पुष्पं समर्पयामि ।यं वाय्वात्मने धूपं समर्पयामि ।रं वह्न्यात्मने दीपं दर्शयामि ।वं अमृतात्मने नैवेद्यं निवेदयामि ।सं सर्वात्मने ताम्बूलादिसर्वोपचारान् समर्पयामि ॥ॐ द्राम् । (१०८)अथ कवचम् ।ॐ दत्तात्रेयः शिरः पातु सहस्राब्जेषु संस्थितः ।भालं पात्वानसूयेयश्चन्द्रमण्डलमध्यगः ॥ १॥

(atha pañcopacāraiḥ saṃpūjya oṃ drāṃ iti aṣṭottaraśatavāraṃ japet)pañcopacārapūjālaṃ pṛthivyātmane gandhaṃ samarpayāmi |haṃ ākāśātmane puṣpaṃ samarpayāmi |yaṃ vāyvātmane dhūpaṃ samarpayāmi |raṃ vahnyātmane dīpaṃ darśayāmi |vaṃ amṛtātmane naivedyaṃ nivedayāmi |saṃ sarvātmane tāmbūlādisarvopacārān samarpayāmi ||oṃ drām | (108)atha kavacam |oṃ dattātreyaḥ śiraḥ pātu sahasrābjeṣu saṃsthitaḥ |bhālaṃ pātvānasūyeyaścandramaṇḍalamadhyagaḥ || 1||

कूर्चं मनोमयः पातु हं क्षं द्विदलपद्मभूः ।ज्योतिरूपोऽक्षिणी पातु पातु शब्दात्मकः श्रुती ॥ २॥

kūrcaṃ manomayaḥ pātu haṃ kṣaṃ dvidalapadmabhūḥ |jyotirūpo'kṣiṇī pātu pātu śabdātmakaḥ śrutī || 2||

नासिकां पातु गन्धात्मा मुखं पातु रसात्मकः ।जिह्वां वेदात्मकः पातु दन्तोष्ठौ पातु धार्मिकः ॥ ३॥

nāsikāṃ pātu gandhātmā mukhaṃ pātu rasātmakaḥ |jihvāṃ vedātmakaḥ pātu dantoṣṭhau pātu dhārmikaḥ || 3||

कपोलावत्रिभूः पातु पात्वशेषं ममात्ववित् ।स्वरात्मा षोडशाराब्जस्थितः स्वात्माऽवताद्गलम् ॥ ४॥

kapolāvatribhūḥ pātu pātvaśeṣaṃ mamātvavit |svarātmā ṣoḍaśārābjasthitaḥ svātmā'vatādgalam || 4||

स्कन्धौ चन्द्रानुजः पातु भुजौ पातु कृतादिभूः ।जत्रुणी शत्रुजित् पातु पातु वक्षःस्थलं हरिः ॥ ५॥

skandhau candrānujaḥ pātu bhujau pātu kṛtādibhūḥ |jatruṇī śatrujit pātu pātu vakṣaḥsthalaṃ hariḥ || 5||

कादिठान्तद्वादशारपद्मगो मरुदात्मकः ।योगीश्वरेश्वरः पातु हृदयं हृदयस्थितः ॥ ६॥

kādiṭhāntadvādaśārapadmago marudātmakaḥ |yogīśvareśvaraḥ pātu hṛdayaṃ hṛdayasthitaḥ || 6||

पार्श्वे हरिः पार्श्ववर्ती पातु पार्श्वस्थितः स्मृतः ।हठयोगादियोगज्ञः कुक्षी पातु कृपानिधिः ॥ ७॥

pārśve hariḥ pārśvavartī pātu pārśvasthitaḥ smṛtaḥ |haṭhayogādiyogajñaḥ kukṣī pātu kṛpānidhiḥ || 7||

डकारादिफकारान्तदशारसरसीरुहे ।नाभिस्थले वर्तमानो नाभिं वह्न्यात्मकोऽवतु ॥ ८॥

ḍakārādiphakārāntadaśārasarasīruhe |nābhisthale vartamāno nābhiṃ vahnyātmako'vatu || 8||

वह्नितत्वमयो योगी रक्षतान्मणिपूरकम् ।कटिं कटिस्थब्रह्माण्डवासुदेवात्मकोऽवतु ॥ ९॥

vahnitatvamayo yogī rakṣatānmaṇipūrakam |kaṭiṃ kaṭisthabrahmāṇḍavāsudevātmako'vatu || 9||

बकारादिलकारान्तषट्पत्राम्बुजबोधकः । (वक्रादि)जलतत्वमयो योगी स्वाधिष्ठानं ममावतु ॥ १०॥

bakārādilakārāntaṣaṭpatrāmbujabodhakaḥ | (vakrādi)jalatatvamayo yogī svādhiṣṭhānaṃ mamāvatu || 10||

सिद्धासनसमासीन ऊरू सिद्धेश्वरोऽवतु ।वादिसान्तचतुष्पत्रसरोरुहनिबोधकः ॥ ११॥

siddhāsanasamāsīna ūrū siddheśvaro'vatu |vādisāntacatuṣpatrasaroruhanibodhakaḥ || 11||

मूलाधारं महीरूपो रक्षताद्वीर्यनिग्रही ।पृष्ठं च सर्वतः पातु जान्युन्यस्तकराम्बुजः ॥ १२॥

mūlādhāraṃ mahīrūpo rakṣatādvīryanigrahī |pṛṣṭhaṃ ca sarvataḥ pātu jānyunyastakarāmbujaḥ || 12||

जङ्घे पात्ववधूतेन्द्रः पात्वङ्घ्री तीर्थपावनः ।सर्वाङ्गं पातु सर्वात्मा रोमाण्यवतु केशवः ॥ १३॥

jaṅghe pātvavadhūtendraḥ pātvaṅghrī tīrthapāvanaḥ |sarvāṅgaṃ pātu sarvātmā romāṇyavatu keśavaḥ || 13||

चर्म चर्माम्बरः पातु रक्तं भक्तिप्रियोऽवतु ।मांसं मांसकरः पातु मज्जां मज्जात्मकोऽवतु ॥ १४॥

carma carmāmbaraḥ pātu raktaṃ bhaktipriyo'vatu |māṃsaṃ māṃsakaraḥ pātu majjāṃ majjātmako'vatu || 14||

अस्थीनि स्थिरधीः पायान्मेधां वेधाः प्रपालयेत् ।शुक्रं सुखकरः पातु चित्तं पातु दृढाकृतिः ॥ १५॥

asthīni sthiradhīḥ pāyānmedhāṃ vedhāḥ prapālayet |śukraṃ sukhakaraḥ pātu cittaṃ pātu dṛḍhākṛtiḥ || 15||

मनोबुद्धिमहङ्कारं हृषीकेशात्मकोऽवतु ।कर्मेन्द्रियाणि पात्वीशः पातु ज्ञानेन्द्रियाण्यजः ॥ १६॥

manobuddhimahaṅkāraṃ hṛṣīkeśātmako'vatu |karmendriyāṇi pātvīśaḥ pātu jñānendriyāṇyajaḥ || 16||

बन्धून् बन्धूत्तमः पायाच्छत्रुभ्यः पातु शत्रुजित् ।गृहारामधनक्षेत्रपुत्रादीञ्छङ्करोऽवतु ॥ १७॥

bandhūn bandhūttamaḥ pāyācchatrubhyaḥ pātu śatrujit |gṛhārāmadhanakṣetraputrādīñchaṅkaro'vatu || 17||

भार्यां प्रकृतिवित् पातु पश्वादीन्पातु शार्ङ्गभृत् ।प्राणान्पातु प्रधानज्ञो भक्ष्यादीन्पातु भास्करः ॥ १८॥

bhāryāṃ prakṛtivit pātu paśvādīnpātu śārṅgabhṛt |prāṇānpātu pradhānajño bhakṣyādīnpātu bhāskaraḥ || 18||

सुखं चन्द्रात्मकः पातु दुःखात् पातु पुरान्तकः ।पशून्पशूपतिः पातु भूतिं भूतेश्वरो मम ॥ १९॥

sukhaṃ candrātmakaḥ pātu duḥkhāt pātu purāntakaḥ |paśūnpaśūpatiḥ pātu bhūtiṃ bhūteśvaro mama || 19||

प्राच्यां विषहरः पातु पात्वाग्नेय्यां मखात्मकः ।याम्यां धर्मात्मकः पातु नैरृत्यां सर्ववैरिहृत् ॥ २०॥

prācyāṃ viṣaharaḥ pātu pātvāgneyyāṃ makhātmakaḥ |yāmyāṃ dharmātmakaḥ pātu nairṛtyāṃ sarvavairihṛt || 20||

वराहः पातु वारुण्यां वायव्यां प्राणदोऽवतु ।कौबेर्यां धनदः पातु पात्वैशान्यां महागुरुः ॥ २१॥

varāhaḥ pātu vāruṇyāṃ vāyavyāṃ prāṇado'vatu |kauberyāṃ dhanadaḥ pātu pātvaiśānyāṃ mahāguruḥ || 21||

ऊर्ध्वं पातु महासिद्धः पात्वधस्ताज्जटाधरः ।रक्षाहीनं तु यत्स्थानं रक्षत्वादिमुनीश्वरः ॥ २२॥

ūrdhvaṃ pātu mahāsiddhaḥ pātvadhastājjaṭādharaḥ |rakṣāhīnaṃ tu yatsthānaṃ rakṣatvādimunīśvaraḥ || 22||

ॐ द्राम् । मालामन्त्रजपः ।(पुनः)अथ करन्यासः ।ॐ द्रां अङ्गुष्ठाभ्यां नमः ।ॐ द्रीं तर्जनीभ्यां नमः ।ॐ द्रूं मध्यमाभ्यां नमः ।ॐ द्रैं अनामिकाभ्यां नमः ।ॐ द्रौं कनिष्ठिकाभ्यां नमः ।ॐ द्रः करतलकरपृष्ठाभ्यां नमः ॥अथ हृदयादिन्यासः ।ॐ द्रां हृदयाय नमः ।ॐ द्रीं शिरसे स्वाहा ।ॐ द्रूं शिखायै वषट् ।ॐ द्रैं कवचाय हुं ।ॐ द्रौं नेत्रत्रयाय वौषट् ।ॐ द्रः अस्त्राय फट् ।ॐ भूर्भुवःस्वरोमिति दिग्बन्धः ॥एतन्मे वज्रकवचं यः पठेच्छृणुयादपि ।वज्रकायश्चिरञ्जीवी दत्तात्रेयोऽहमब्रुवम् ॥ २३॥

oṃ drām | mālāmantrajapaḥ |(punaḥ)atha karanyāsaḥ |oṃ drāṃ aṅguṣṭhābhyāṃ namaḥ |oṃ drīṃ tarjanībhyāṃ namaḥ |oṃ drūṃ madhyamābhyāṃ namaḥ |oṃ draiṃ anāmikābhyāṃ namaḥ |oṃ drauṃ kaniṣṭhikābhyāṃ namaḥ |oṃ draḥ karatalakarapṛṣṭhābhyāṃ namaḥ ||atha hṛdayādinyāsaḥ |oṃ drāṃ hṛdayāya namaḥ |oṃ drīṃ śirase svāhā |oṃ drūṃ śikhāyai vaṣaṭ |oṃ draiṃ kavacāya huṃ |oṃ drauṃ netratrayāya vauṣaṭ |oṃ draḥ astrāya phaṭ |oṃ bhūrbhuvaḥsvaromiti digbandhaḥ ||etanme vajrakavacaṃ yaḥ paṭhecchṛṇuyādapi |vajrakāyaścirañjīvī dattātreyo'hamabruvam || 23||

त्यागी भोगी महायोगी सुखदुःखविवर्जितः ।सर्वत्रसिद्धसङ्कल्पो जीवन्मुक्तोऽद्य वर्तते ॥ २४॥

tyāgī bhogī mahāyogī sukhaduḥkhavivarjitaḥ |sarvatrasiddhasaṅkalpo jīvanmukto'dya vartate || 24||

इत्युक्त्वान्तर्दधे योगी दत्तात्रेयो दिगम्बरः ।दलादनोऽपि तज्जप्त्वा जीवन्मुक्तः स वर्तते ॥ २५॥

ityuktvāntardadhe yogī dattātreyo digambaraḥ |dalādano'pi tajjaptvā jīvanmuktaḥ sa vartate || 25||

भिल्लो दूरश्रवा नाम तदानीं श्रुतवादिनम् ।सकृच्छ्रवणमात्रेण वज्राङ्गोऽभवदप्यसौ ॥ २६॥

bhillo dūraśravā nāma tadānīṃ śrutavādinam |sakṛcchravaṇamātreṇa vajrāṅgo'bhavadapyasau || 26||

इत्येतद्वज्रकवचं दत्तात्रेयस्य योगिनः ।श्रुत्वाशेषं शम्भुमुखात् पुनरप्याह पार्वती ॥ २७॥

ityetadvajrakavacaṃ dattātreyasya yoginaḥ |śrutvāśeṣaṃ śambhumukhāt punarapyāha pārvatī || 27||

पार्वत्युवाच ।एतत्कवचमाहात्म्यं वद विस्तरतो मम ।कुत्र केन कदा जाप्यं किं यजाप्यं कथं कथम् ॥ २८॥

pārvatyuvāca |etatkavacamāhātmyaṃ vada vistarato mama |kutra kena kadā jāpyaṃ kiṃ yajāpyaṃ kathaṃ katham || 28||

उवाच शम्भुस्तत्सर्वं पार्वत्या विनयोदितम् ।श्रीशिव उवाच ।श्रुणु पार्वति वक्ष्यामि समाहितमनाविलम् ॥ २९॥

uvāca śambhustatsarvaṃ pārvatyā vinayoditam |śrīśiva uvāca |śruṇu pārvati vakṣyāmi samāhitamanāvilam || 29||

धर्मार्थकाममोक्षाणामिदमेव परायणम् ।हस्त्यश्वरथपादातिसर्वैश्वर्यप्रदायकम् ॥ ३०॥

dharmārthakāmamokṣāṇāmidameva parāyaṇam |hastyaśvarathapādātisarvaiśvaryapradāyakam || 30||

पुत्रमित्रकलत्रादिसर्वसन्तोषसाधनम् ।वेदशास्त्रादिविद्यानां निधानं परमं हि तत् ॥ ३१॥

putramitrakalatrādisarvasantoṣasādhanam |vedaśāstrādividyānāṃ nidhānaṃ paramaṃ hi tat || 31||

सङ्गीतशास्त्रसाहित्यसत्कवित्वविधायकम् ।बुद्धिविद्यास्मृतिप्रज्ञामतिप्रौढिप्रदायकम् ॥ ३२॥

saṅgītaśāstrasāhityasatkavitvavidhāyakam |buddhividyāsmṛtiprajñāmatiprauḍhipradāyakam || 32||

सर्वसन्तोषकरणं सर्वदुःखनिवारणम् ।शत्रु संहारकं शीघ्रं यशःकीर्तिविवर्धनम् ॥ ३३॥

sarvasantoṣakaraṇaṃ sarvaduḥkhanivāraṇam |śatru saṃhārakaṃ śīghraṃ yaśaḥkīrtivivardhanam || 33||

अष्टसंख्या महारोगाः सन्निपातास्त्रयोदश ।षण्णवत्यक्षिरोगाश्च विंशतिर्मेहरोगकाः ॥ ३४॥

aṣṭasaṃkhyā mahārogāḥ sannipātāstrayodaśa |ṣaṇṇavatyakṣirogāśca viṃśatirmeharogakāḥ || 34||

अष्टादश तु कुष्ठानि गुल्मान्यष्टविधान्यपि ।अशीतिर्वातरोगाश्च चत्वारिशत्तु पैत्तिकाः ॥ ३५॥

aṣṭādaśa tu kuṣṭhāni gulmānyaṣṭavidhānyapi |aśītirvātarogāśca catvāriśattu paittikāḥ || 35||

विंशतिश्लेष्मरोगाश्च क्षयचातुर्थिकादयः ।मन्त्रयन्त्रकुयोगाद्याः कल्पतन्त्रादिनिर्मिताः ॥ ३६॥

viṃśatiśleṣmarogāśca kṣayacāturthikādayaḥ |mantrayantrakuyogādyāḥ kalpatantrādinirmitāḥ || 36||

ब्रह्मराक्षसवेतालकूष्माण्डादिग्रहोद्भवाः ।सङ्गजाः देशकालस्थास्तापत्रयसमुत्थिताः ॥ ३७॥

brahmarākṣasavetālakūṣmāṇḍādigrahodbhavāḥ |saṅgajāḥ deśakālasthāstāpatrayasamutthitāḥ || 37||

नवग्रहसमुद्भूता महापातकसम्भवाः ।सर्वे रोगाः प्रणश्यन्ति सहस्रावर्तनाद्ध्रुवम् ॥ ३८॥

navagrahasamudbhūtā mahāpātakasambhavāḥ |sarve rogāḥ praṇaśyanti sahasrāvartanāddhruvam || 38||

अयुतावृत्तिमात्रेण वन्ध्या पुत्रवती भवेत् ।अयुतद्वितयावृत्त्या ह्यपमृत्युजयो भवेत् ॥ ३९॥

ayutāvṛttimātreṇa vandhyā putravatī bhavet |ayutadvitayāvṛttyā hyapamṛtyujayo bhavet || 39||

अयुतत्रितयाच्चैव खेचरत्वं प्रजायते ।सहस्रादयुतादर्वाक् सर्वकार्याणि साधयेत् ॥ ४०॥

ayutatritayāccaiva khecaratvaṃ prajāyate |sahasrādayutādarvāk sarvakāryāṇi sādhayet || 40||

लक्षावृत्या कार्यसिद्धिर्भवेत्येव न संशयः ॥ ४१॥

lakṣāvṛtyā kāryasiddhirbhavetyeva na saṃśayaḥ || 41||

विषवृक्षस्य मूलेषु तिष्ठन् वै दक्षिणामुखः ।कुरुते मासमात्रेण वैरिणं विकलेन्द्रियम् ॥ ४२॥

viṣavṛkṣasya mūleṣu tiṣṭhan vai dakṣiṇāmukhaḥ |kurute māsamātreṇa vairiṇaṃ vikalendriyam || 42||

औदुम्बरतरोर्मूले वृद्धिकामेन जाप्यते ।श्रीवक्षमूले श्रीकामी तिन्तिणी शान्तिकर्मणि ॥ ४३॥

audumbaratarormūle vṛddhikāmena jāpyate |śrīvakṣamūle śrīkāmī tintiṇī śāntikarmaṇi || 43||

ओजस्कामोऽश्वत्थमूले स्त्रीकामैः सहकारके ।ज्ञानार्थी तुलसीमूले गर्भगेहे सुतार्थिभिः ॥ ४४॥

ojaskāmo'śvatthamūle strīkāmaiḥ sahakārake |jñānārthī tulasīmūle garbhagehe sutārthibhiḥ || 44||

धनार्थिभिस्तु सुक्षेत्रे पशुकामैस्तु गोष्ठके ।देवालये सर्वकामैस्तत्काले सर्वदर्शितम् ॥ ४५॥

dhanārthibhistu sukṣetre paśukāmaistu goṣṭhake |devālaye sarvakāmaistatkāle sarvadarśitam || 45||

नाभिमात्रजले स्थित्वा भानुमालोक्य यो जपेत् ।युद्धे वा शास्त्रवादे वा सहस्रेण जयो भवेत् ॥ ४६॥

nābhimātrajale sthitvā bhānumālokya yo japet |yuddhe vā śāstravāde vā sahasreṇa jayo bhavet || 46||

कण्ठमात्रे जले स्थित्वा यो रात्रौ कवचं पठेत् ।ज्वरापस्मारकुष्ठादितापज्वरनिवारणम् ॥ ४७॥

kaṇṭhamātre jale sthitvā yo rātrau kavacaṃ paṭhet |jvarāpasmārakuṣṭhāditāpajvaranivāraṇam || 47||

यत्र यत्स्यात्स्थिरं यद्यत्प्रसन्नं तन्निवर्तते ।तेन तत्र हि जप्तव्यं ततः सिद्धिर्भवेद्ध्रुवम् ॥ ४८॥

yatra yatsyātsthiraṃ yadyatprasannaṃ tannivartate |tena tatra hi japtavyaṃ tataḥ siddhirbhaveddhruvam || 48||

इत्युक्त्वान् च शिवो गौर्ये रहस्यं परमं शुभम् ।यः पठेत् वज्रकवचं दत्तात्रेयोसमो भवेत् ॥ ४९॥

ityuktvān ca śivo gaurye rahasyaṃ paramaṃ śubham |yaḥ paṭhet vajrakavacaṃ dattātreyosamo bhavet || 49||

एवं शिवेन कथितं हिमवत्सुतायैप्रोक्तं दलादमुनयेऽत्रिसुतेनपूर्वम् ।यः कोऽपि वज्रकवचं पठतीह लोकेदत्तोपमश्चरति योगिवरश्चिरायुः ॥ ५०॥

evaṃ śivena kathitaṃ himavatsutāyaiproktaṃ dalādamunaye'trisutenapūrvam |yaḥ ko'pi vajrakavacaṃ paṭhatīha lokedattopamaścarati yogivaraścirāyuḥ || 50||

॥ इति श्रीरुद्रयामले हिमवत्खण्डे मन्त्रशास्त्रे उपासनाखण्डेशिवविजयसिद्धान्ते उमामहेश्वरसंवादेश्रीदत्तात्रेयवज्रकवचस्तोत्रं सम्पूर्णम् ॥॥ श्रीदत्तात्रेयार्पणमस्तु ।

|| iti śrīrudrayāmale himavatkhaṇḍe mantraśāstre upāsanākhaṇḍeśivavijayasiddhānte umāmaheśvarasaṃvādeśrīdattātreyavajrakavacastotraṃ sampūrṇam |||| śrīdattātreyārpaṇamastu |